ZUMHNAK PA
Father of Faith
"Zungzal in a hmunmi khuapi, Pathian sermi cu, Abraham nih cun a hngah." Hebru 11:10
Abraham nih a inn, a chungkhar le a nunnak caah a sia a rem ngai cang mi thil vialte kha a kal tak. Pathian nih a Auh i aa Thawh. Caang 8 nak nih a chimmi cu, Abraham cu khuazei ka kal lai ti hmanh hngal lo in aa thawh! ati. Caang 10 nak nih Zeiruang ahdah Pathian bia ning in kal hi a duh ti kha a kan theihter tthan. Khuazei hmun ah a kal lai kha fiang tein a thei lo nain, zeidah ka kal hnawh, zeidah ka kawl ti kha fiang tein a theih.
A kawlmi cu Hram a tthami cungah dirhmi Khuapi kha asi. Italy ram i Venice khualipi cu kum khat ah lehmah cheunga ah cheukhat a pil lengmang ti asi. Zeicahtiah tlaknem cungah hram aa bunh caah asi. Abraham a umnak Ur khua tucu zeibantuk feh lonak hmanh a ngei lo. Abraham nih fek tein a zumhmi cu, Pathian cawnpiaknak le a fek mi Pathian cungah hram aa bunh lo mi hmunhma le minung paohpaoh cu rawhralnak ah an pil lai ti kha, asi.
Cucaah Abraham nih Thinlung le Taksa in a dawt i a tlaihchantuk cangmi a chuahkehnak khuapi kha, Pathian duhnak le a rianttuannak cungah zungzal in hram aa bunhmi Thlarau khualipi he a thlen. Minung sinak in a duhtuk mi hmun le thil kha a kal tak i Pathian duhnak in dirhmi nunnak hmun kha a kawl.
Nang na zumhnak tah zeihmun ahdah a um? Na hnangam fehnak tah zeicung ahdah hram a bunh? Na pawngkam ah a ummi, Food Stamp, 401(k), cozah bawmhnak tete le nan chungkhar hmuhmi thlahlawh (lahkhah) cung ah na zumhnak hram bunh in a hna a ngam sual maw? Siloah, Ni fatin te Bawipa lamhruainak le amah cawnpiaknak cungah na Nunnak ruuninn cu sa in Pathian hi na kawl ve maw?
Pathian biakamnak nakin a fek deuh mi Hram zeihmanh a um lo. Pathian nih a tuah khawh mi bantuk Nunnak le khualipi hi a hohmanh nih an sa in an tuah kho lai lo. Pathian cungah na hram na bunh ahcun a fekmi le thlichia tilet nih a hrawh khawh lo mi, a him i lawmhnak in a khatmi Ruuninn chungah na Nunnak na hman lai i, hnangamnak in a khatmi khualipi ah na tlong leng lai.
Ruahchihawk:
1. Na nunnak ah na sia a rem ngai cang mi le naa ziak i na tlaihchan ngai cangmi thil (eg. zurit, sangat tbk...) kha Pathian auhnak awi ngai in na kal tak kho ve bal cang maw? Pathian aunak aw na thei bal maw?
2. Abraham Nun ah Khuazei ka kal lai ti hmanh hngal lo in aa thawh tertu thil hi zeidah asi hnga tiah na ruah?
3. Na phak bal lonak hmun, khua le ram ah kal, thil ttha na hmuh lai tiah bia in kamh hna sehlaw naa thawh lai maw?
4. Taksa khualipi le Thlarau khualipi hi zeitindah kan tthen lai?
5. Abraham nunnak hi zeizawn ahdah na uar or zeitindah na hmuh?
6. Abaraham zumhnak le Pathian bochannak nih nihin kan nunnak ah zeidah a kan cawnpiak tiah na ruah?
Pathian kan zumh kan timi hi a kong theih hi siloin nitin kan nunnak ah a aunak aw ngai in tuah a kan fial mi rian kha zumhtlak tein ttuan kha asi. Na nunnak ah zeitluk indah Pathian fialmi rian lo hma baan cungah na dir kha Abraham Nun in i zoh tthan ve.
Pathian nih sunparnak co ko seh.
Zathawngcin
Oct.29,2012
Abraham nih a inn, a chungkhar le a nunnak caah a sia a rem ngai cang mi thil vialte kha a kal tak. Pathian nih a Auh i aa Thawh. Caang 8 nak nih a chimmi cu, Abraham cu khuazei ka kal lai ti hmanh hngal lo in aa thawh! ati. Caang 10 nak nih Zeiruang ahdah Pathian bia ning in kal hi a duh ti kha a kan theihter tthan. Khuazei hmun ah a kal lai kha fiang tein a thei lo nain, zeidah ka kal hnawh, zeidah ka kawl ti kha fiang tein a theih.
A kawlmi cu Hram a tthami cungah dirhmi Khuapi kha asi. Italy ram i Venice khualipi cu kum khat ah lehmah cheunga ah cheukhat a pil lengmang ti asi. Zeicahtiah tlaknem cungah hram aa bunh caah asi. Abraham a umnak Ur khua tucu zeibantuk feh lonak hmanh a ngei lo. Abraham nih fek tein a zumhmi cu, Pathian cawnpiaknak le a fek mi Pathian cungah hram aa bunh lo mi hmunhma le minung paohpaoh cu rawhralnak ah an pil lai ti kha, asi.
Cucaah Abraham nih Thinlung le Taksa in a dawt i a tlaihchantuk cangmi a chuahkehnak khuapi kha, Pathian duhnak le a rianttuannak cungah zungzal in hram aa bunhmi Thlarau khualipi he a thlen. Minung sinak in a duhtuk mi hmun le thil kha a kal tak i Pathian duhnak in dirhmi nunnak hmun kha a kawl.
Nang na zumhnak tah zeihmun ahdah a um? Na hnangam fehnak tah zeicung ahdah hram a bunh? Na pawngkam ah a ummi, Food Stamp, 401(k), cozah bawmhnak tete le nan chungkhar hmuhmi thlahlawh (lahkhah) cung ah na zumhnak hram bunh in a hna a ngam sual maw? Siloah, Ni fatin te Bawipa lamhruainak le amah cawnpiaknak cungah na Nunnak ruuninn cu sa in Pathian hi na kawl ve maw?
Pathian biakamnak nakin a fek deuh mi Hram zeihmanh a um lo. Pathian nih a tuah khawh mi bantuk Nunnak le khualipi hi a hohmanh nih an sa in an tuah kho lai lo. Pathian cungah na hram na bunh ahcun a fekmi le thlichia tilet nih a hrawh khawh lo mi, a him i lawmhnak in a khatmi Ruuninn chungah na Nunnak na hman lai i, hnangamnak in a khatmi khualipi ah na tlong leng lai.
Ruahchihawk:
1. Na nunnak ah na sia a rem ngai cang mi le naa ziak i na tlaihchan ngai cangmi thil (eg. zurit, sangat tbk...) kha Pathian auhnak awi ngai in na kal tak kho ve bal cang maw? Pathian aunak aw na thei bal maw?
2. Abraham Nun ah Khuazei ka kal lai ti hmanh hngal lo in aa thawh tertu thil hi zeidah asi hnga tiah na ruah?
3. Na phak bal lonak hmun, khua le ram ah kal, thil ttha na hmuh lai tiah bia in kamh hna sehlaw naa thawh lai maw?
4. Taksa khualipi le Thlarau khualipi hi zeitindah kan tthen lai?
5. Abraham nunnak hi zeizawn ahdah na uar or zeitindah na hmuh?
6. Abaraham zumhnak le Pathian bochannak nih nihin kan nunnak ah zeidah a kan cawnpiak tiah na ruah?
Pathian kan zumh kan timi hi a kong theih hi siloin nitin kan nunnak ah a aunak aw ngai in tuah a kan fial mi rian kha zumhtlak tein ttuan kha asi. Na nunnak ah zeitluk indah Pathian fialmi rian lo hma baan cungah na dir kha Abraham Nun in i zoh tthan ve.
Pathian nih sunparnak co ko seh.
Zathawngcin
Oct.29,2012
