ZEITINDAH NA MAN NAA TAH LAI!
“Cucaah Bawipa sinah khan ra tuah u; amah cu a nungmi lung, minung nih hlaw hmanh hna sehlaw Pathian nih a sungmi ah a relmi kha asi.” I Peter 2:4,
Pathian nih hin a kan cohlan lawng siloin a sungmi ah kan chiahmi na si a kan ti. Zeizat mandah ka si lai tiah naa ruah? Na man na tuak bal maw? Na ngeihmi zat kha hal mi si lo in, nangmah pumpak I na man kha zeizatdah asi lai tiah na ruah tikha hal duhmi a si. Man ngeimi; santlaimi na sinak le minung pakhat dirhmun I na man kha cawh lo ding asi. Mi rum zong na si ko lai I sifak zong na si kho ko, siseh kha na rumnak le na sifahnak nih khan minung na sinak I na man kongah zeihmanh nawl a ngeih lo. Na rum thawng in na man a fak hlei lo I na si a fah thawng in na man a niam hlei lo.
Minung pakhat kan man hi lam phunhnih in zoh khawh asi.
1. Man kan timi cu mi pakhat khat nih thil pa khatkhat caah lung tho tein pek a duhmi zat kha asi.
2. Man kan timi cu thil a ngeitu cung ah khan a um.
Hi thil pahnih cung hin zohlaw Na man zeizatdah a si? ti kha ruat. Hodah a ka ngeitu asi; ka caah zeidah pek a si? tiah I hal. I Cor.7:23, “Pathian nih man in an cawkmi nan si; cucaah minung sal ah cun I cang hlah u.” Mirang Bible LB (Living Bible) nihcun, “Nangmah cu Jesuh khrih in cawk na si cang caah a mah ta na si cang,” ati. Pathian nih kan caah Jesuh nunnak kha a pek sian tikah vawlei ah a man a fakbik kan si I Pathian nih a sunlawih tukmi le Manfak tu pek tiang in a duhdawt mi kan sinak kha a lang.
Nangmah cu Pathian ta na si I Jesus nih nangmah caah a Nunnak a pek. Vailamtah nih na Man kha a langhter. Pathian nih na caah a pekmi Luatnak man nak in a tamdeuh mi le a ngandeuhmi man hohmanh nih vawlei ah an pe bal lo. Aman fak bikmi na si. Cucaah Pathian caah cohlanmi na si I Man ngeimi le a sunglawi mi na si. Mi sawhsawh na si lo; a man a fak taktak mi na si.
Peter nih kan man fianternak ding caah Inn muisam tahchunh in a kan fianter. Pathian nih a mah innchungkhar ai a awh tu, Pathian chungkhar kha khrihfabu aiawh in lung hmang in Inn a sak. Cu Pathian chungkhar Innpi saknak caah cun nangmah zong hi LUNG pakhat na si ve. Minung nih man ngei lo ah an ruah I an hlawtmi, a Nung mi Lung, Bawipa sin ah ra. ( I Peter 2:4) Jesuh cu a Nung mi Lung asi. A tling mi a si nain mi tampi nih nihin tiang an hlawt rih. Micheukhat nih cun, “Ka tlin khawh ve ahcun cohlan ka si ve te lai,” tiah kan ruah sual men lai. Adiklo! Jesuh cu a tling mi a si ko nain, mi tampi nih an cohlang hlei lo. Sihmanhseh Pathian nih a Sungmi ah a thim.
Pathian nih a Khrihfabu hi a sak cuahmah lio asi. Pathian khrihfabu cu Biakinn, Kan I pumhnak hmun le Khrihfabu ah hmuh khawh a si lo. Pathian cu Minung chungah a nung. Cucaah nangmah cu Pathian thlarau Inn (Pathian Khrihfabu) na si. Peter nih nangmah cu a nung mi lung na si ati. Jesuh sin ah na rat I Jesuh kha na chung ah a hung nun tikah, Pathian nih aa tinhmi thil lianngan tuahnak; amah inchungkhar Inn saknak caah Lung man sung pakhat ah na hung cang. Aman a sungtuk mi na si.
Ruahchihawk:
1. Pathian nih a kan khiah mi kan Man hi zeidah asi ti I fian nak nih zeitindah na zumtu hawi le nangmah pumpak naa hmuh ning a thlen?
2. Jesuh nih a Nunnak a pek nak nih a chuahpimi luatnak kha na nunnak in na co nak a langhter tu thil zeidah asi?
Pathian nih hin a kan cohlan lawng siloin a sungmi ah kan chiahmi na si a kan ti. Zeizat mandah ka si lai tiah naa ruah? Na man na tuak bal maw? Na ngeihmi zat kha hal mi si lo in, nangmah pumpak I na man kha zeizatdah asi lai tiah na ruah tikha hal duhmi a si. Man ngeimi; santlaimi na sinak le minung pakhat dirhmun I na man kha cawh lo ding asi. Mi rum zong na si ko lai I sifak zong na si kho ko, siseh kha na rumnak le na sifahnak nih khan minung na sinak I na man kongah zeihmanh nawl a ngeih lo. Na rum thawng in na man a fak hlei lo I na si a fah thawng in na man a niam hlei lo.
Minung pakhat kan man hi lam phunhnih in zoh khawh asi.
1. Man kan timi cu mi pakhat khat nih thil pa khatkhat caah lung tho tein pek a duhmi zat kha asi.
2. Man kan timi cu thil a ngeitu cung ah khan a um.
Hi thil pahnih cung hin zohlaw Na man zeizatdah a si? ti kha ruat. Hodah a ka ngeitu asi; ka caah zeidah pek a si? tiah I hal. I Cor.7:23, “Pathian nih man in an cawkmi nan si; cucaah minung sal ah cun I cang hlah u.” Mirang Bible LB (Living Bible) nihcun, “Nangmah cu Jesuh khrih in cawk na si cang caah a mah ta na si cang,” ati. Pathian nih kan caah Jesuh nunnak kha a pek sian tikah vawlei ah a man a fakbik kan si I Pathian nih a sunlawih tukmi le Manfak tu pek tiang in a duhdawt mi kan sinak kha a lang.
Nangmah cu Pathian ta na si I Jesus nih nangmah caah a Nunnak a pek. Vailamtah nih na Man kha a langhter. Pathian nih na caah a pekmi Luatnak man nak in a tamdeuh mi le a ngandeuhmi man hohmanh nih vawlei ah an pe bal lo. Aman fak bikmi na si. Cucaah Pathian caah cohlanmi na si I Man ngeimi le a sunglawi mi na si. Mi sawhsawh na si lo; a man a fak taktak mi na si.
Peter nih kan man fianternak ding caah Inn muisam tahchunh in a kan fianter. Pathian nih a mah innchungkhar ai a awh tu, Pathian chungkhar kha khrihfabu aiawh in lung hmang in Inn a sak. Cu Pathian chungkhar Innpi saknak caah cun nangmah zong hi LUNG pakhat na si ve. Minung nih man ngei lo ah an ruah I an hlawtmi, a Nung mi Lung, Bawipa sin ah ra. ( I Peter 2:4) Jesuh cu a Nung mi Lung asi. A tling mi a si nain mi tampi nih nihin tiang an hlawt rih. Micheukhat nih cun, “Ka tlin khawh ve ahcun cohlan ka si ve te lai,” tiah kan ruah sual men lai. Adiklo! Jesuh cu a tling mi a si ko nain, mi tampi nih an cohlang hlei lo. Sihmanhseh Pathian nih a Sungmi ah a thim.
Pathian nih a Khrihfabu hi a sak cuahmah lio asi. Pathian khrihfabu cu Biakinn, Kan I pumhnak hmun le Khrihfabu ah hmuh khawh a si lo. Pathian cu Minung chungah a nung. Cucaah nangmah cu Pathian thlarau Inn (Pathian Khrihfabu) na si. Peter nih nangmah cu a nung mi lung na si ati. Jesuh sin ah na rat I Jesuh kha na chung ah a hung nun tikah, Pathian nih aa tinhmi thil lianngan tuahnak; amah inchungkhar Inn saknak caah Lung man sung pakhat ah na hung cang. Aman a sungtuk mi na si.
Ruahchihawk:
1. Pathian nih a kan khiah mi kan Man hi zeidah asi ti I fian nak nih zeitindah na zumtu hawi le nangmah pumpak naa hmuh ning a thlen?
2. Jesuh nih a Nunnak a pek nak nih a chuahpimi luatnak kha na nunnak in na co nak a langhter tu thil zeidah asi?
