HLAWTMI SILAI NA TIH MAW? A SUNGLAWI BIK NA SI KHA PHILH HLAH
Salam 139: 13-14, "Ka pum chung thil vialte hi nangmah sermi an si dih; ka nu pawchung i a ka semtertu cu nangmah na si. Hi bantuk thil thuk le khuaruahharmi thil ruangah hin nangmah cu kan lawmh: keimah kong i khuaruahhar a simi thil le nangmah nih na tuahmi thil khuaruahhar a simi hna kong ah hin kan lawmh. Nangmah nih na ka hngalh dih cikcek ko;"
Baibal nih na nu pawchung na chuahhlan in semter na sinak kong achim. Zeibantuk minung dah na si te lai kha Pathian nih fiangte in a hngalh. An thim i na muisam le na ziaza vialte zong kha, kha bantuk siding ah a thimmi an si. Asullam cu NANGMAH CU NA SUNGLAWI (Unique) tinak asi. Sermi thil lakah nangmah lawng hi na si. Nangmah a si kho dingmi, midang vawlei ah an um lo. Nangmah hi nangmah si hlah law a ho dah nangmah a si hnga? Cucaah nangmah cu vawlei ah airawlh khawh lo mi a sunglawi mi, vawlei ah nangmah lawng bak na si.
Thingkung kong a hlathlai mi hna nih Thingkeppar hi phung thong (25) aum an ti. Kei cu Pathian sining law Thingkeppar hi phunthum hrawng, a aihre (A Eng: Yellow), a dum (Blue), le a sen (Red) lawng hi ka ser hnga ka ti. Phun hi zongzat hi zeiruang ahdah Pathian nih a ser hnga tihi ruah lo awk a ttha lo. Pathian cu kan mah bantuk a si lo. Aa dang mi thil tampi kha an sining cio i a Dawmi Pathian asi caah aa khat lomi Thingkeppar thong 25 leng a sernak a si.
Thil khuaruahhar a si chinchin mi cu, vawlei ah aa khat lo mi minung 7 Billion hrawng um a si cang. Cu minung vialte a kan sertu cu Pathian asi. Cuhna lakah nangmah dang an um lo. Nangmah cu nangmah lawng bak na si caah, Pathian caah na SUNGLAWI tuk hringhran. Mizeihmanh nangmah an si kho lo. David nih lawmhnak in khat u: Salm 139:14, "Hi bantuk thil thuk le khuaruahharmi thil ruangah hin nangmah cu kan lawmh: keimah kong i khuaruahhar a simi thil le nangmah nih na tuahmi thil khuaruahhar a simi hna kong ah hin kan lawmh. Nangmah nih na ka hngalh dih cikcek ko;" ati.
Nangmah hi nangmah na si hi i lawm. Pathian nih ruah lo piin an sermi na si lo. Aa khat mi zuk a suai mi, zuksuai thiammi kong na thei bal maw? Aa khat mi zuk tampi kha suai in a inchung ah a tar mi zuksuai thiammi pa nih a suaimi zuk vialte chungah zeidah aa dawh bik tiah kan thimter sehlaw, Aa khat tiah leh a hau hnga. Cutikah zuksuai pa cu a lung a ttha lai lo. Cubantuk in Pathian nih nang le kei zong midang he lawhter a kan duh lo caah kan mah kan sining te hin a kan sernak a si. Nangmah kha nangmah siding ahhin an duh.
Hi a Sungmi na sinak kong le Pathian nih Nangmah hi vawlei ah nangmah lawng an ser i a dang nangmah an um ti lo kha fiang tein na theih tik ah cun, midang pawl nih zeirel lo mi le hlawtmi si lai na ttihnak khuaruah kha a zawr deuh lai.
Ruattthan hmanh!
Midang he vaa tahchunnak nun nih na nunnak hmuitinh zeitindah a zawrter tawn?
Midang he vaa tahchunhnak nun le lungput nih Pathian he nan i pehtlaihnak ah zeitindah nawl a ngeih i a uk tawn?
Hawi ka tluk lo tiah mi dang zohchih in thachia in na um sual maw? Pathian caah cun a sunglawi bik mi, sermi thil lak ah nangmah cu nangmah lawng bak sermi na si. Pathian nih na chuah hlan in an theih cang. Sertu Pathian sin tu ah lawmhnak bia chim hi kan rian sung a si. Pathian nih tinhpiakmi an ngeih. Pathian kawl law na hmuh lai. An sertu Pathian sin ah i lawm!
Theihternak : Rick Warren nih a tial mi "Fear Rejection? Remember, You are Unique" timi Capar tharchuahmi a si.
Lawmhnak tampi he
Zathawngcin
Bethel Baptist Church
Lewisville
Baibal nih na nu pawchung na chuahhlan in semter na sinak kong achim. Zeibantuk minung dah na si te lai kha Pathian nih fiangte in a hngalh. An thim i na muisam le na ziaza vialte zong kha, kha bantuk siding ah a thimmi an si. Asullam cu NANGMAH CU NA SUNGLAWI (Unique) tinak asi. Sermi thil lakah nangmah lawng hi na si. Nangmah a si kho dingmi, midang vawlei ah an um lo. Nangmah hi nangmah si hlah law a ho dah nangmah a si hnga? Cucaah nangmah cu vawlei ah airawlh khawh lo mi a sunglawi mi, vawlei ah nangmah lawng bak na si.
Thingkung kong a hlathlai mi hna nih Thingkeppar hi phung thong (25) aum an ti. Kei cu Pathian sining law Thingkeppar hi phunthum hrawng, a aihre (A Eng: Yellow), a dum (Blue), le a sen (Red) lawng hi ka ser hnga ka ti. Phun hi zongzat hi zeiruang ahdah Pathian nih a ser hnga tihi ruah lo awk a ttha lo. Pathian cu kan mah bantuk a si lo. Aa dang mi thil tampi kha an sining cio i a Dawmi Pathian asi caah aa khat lomi Thingkeppar thong 25 leng a sernak a si.
Thil khuaruahhar a si chinchin mi cu, vawlei ah aa khat lo mi minung 7 Billion hrawng um a si cang. Cu minung vialte a kan sertu cu Pathian asi. Cuhna lakah nangmah dang an um lo. Nangmah cu nangmah lawng bak na si caah, Pathian caah na SUNGLAWI tuk hringhran. Mizeihmanh nangmah an si kho lo. David nih lawmhnak in khat u: Salm 139:14, "Hi bantuk thil thuk le khuaruahharmi thil ruangah hin nangmah cu kan lawmh: keimah kong i khuaruahhar a simi thil le nangmah nih na tuahmi thil khuaruahhar a simi hna kong ah hin kan lawmh. Nangmah nih na ka hngalh dih cikcek ko;" ati.
Nangmah hi nangmah na si hi i lawm. Pathian nih ruah lo piin an sermi na si lo. Aa khat mi zuk a suai mi, zuksuai thiammi kong na thei bal maw? Aa khat mi zuk tampi kha suai in a inchung ah a tar mi zuksuai thiammi pa nih a suaimi zuk vialte chungah zeidah aa dawh bik tiah kan thimter sehlaw, Aa khat tiah leh a hau hnga. Cutikah zuksuai pa cu a lung a ttha lai lo. Cubantuk in Pathian nih nang le kei zong midang he lawhter a kan duh lo caah kan mah kan sining te hin a kan sernak a si. Nangmah kha nangmah siding ahhin an duh.
Hi a Sungmi na sinak kong le Pathian nih Nangmah hi vawlei ah nangmah lawng an ser i a dang nangmah an um ti lo kha fiang tein na theih tik ah cun, midang pawl nih zeirel lo mi le hlawtmi si lai na ttihnak khuaruah kha a zawr deuh lai.
Ruattthan hmanh!
Midang he vaa tahchunnak nun nih na nunnak hmuitinh zeitindah a zawrter tawn?
Midang he vaa tahchunhnak nun le lungput nih Pathian he nan i pehtlaihnak ah zeitindah nawl a ngeih i a uk tawn?
Hawi ka tluk lo tiah mi dang zohchih in thachia in na um sual maw? Pathian caah cun a sunglawi bik mi, sermi thil lak ah nangmah cu nangmah lawng bak sermi na si. Pathian nih na chuah hlan in an theih cang. Sertu Pathian sin tu ah lawmhnak bia chim hi kan rian sung a si. Pathian nih tinhpiakmi an ngeih. Pathian kawl law na hmuh lai. An sertu Pathian sin ah i lawm!
Theihternak : Rick Warren nih a tial mi "Fear Rejection? Remember, You are Unique" timi Capar tharchuahmi a si.
Lawmhnak tampi he
Zathawngcin
Bethel Baptist Church
Lewisville
