PATHIAN CU A TTHAWNG! TTHAWNTER AN DUH VE
Jesuh nih mizaw pa cu, “Tho! Na pher I lak law kal,” tiah a ti. Chikkhat teah a tho I a dam; a pher aa laak I a kal. (NIV) John 5:8-9
Mizaw pa cu kum 38 chung dam lo in a um I, nifatin te damnak caah ruahchannak nganpi he bawmhnak hngak in a caangvai zungzal ko.
Mitampi kan nunnak zong ah Jesuh biakamh mi Teinak kha I bochan loin, lungdernak, ttihphannak, launak, thinphannak hna nih kan nunnak cu mizeng bang a kan hren tawn I cutincun mizaw bantukin vawlei ah kan nun a caangvai theu tawn.
Jesuh nih, “Tho! Na pher I lak law kal,” tiah a kan ti.
Jesuh nih mizaw pa hi thim ding a pek. “Na tho kho I na kal kho, zumhnak in tho law kal, na ttihphan mi thil vialte kha kal taak. Pathian cu a tthawng mi asi bantukin nangmah zong tthawnter an duh.”
Efesa 6:10 ah, “A donghnak ah Bawipa he nan I pehtlaihnak thawngin nan thazaang cu, thawnter chin ko u.” Zumlo tu bantuk in vawlei hi kan mah thawnnak in dohding kan si lo. Teipiak tu Pathian bochannak he tu kan nunnak hi a kal ding asi.
Nihin zumtu kanmah cio bang mizaw pa caah hin zumhnak in aa thawh I a kal hmasabik lio caan hi a caah a har bik caan asi lai. Kum 38 chung a cawl ti lo i kalnak ah hman khawh a si ti lo mi a ke kong a ruah tikah zumhnak in a voikhatnak a ke van kar ding cu thil har ngaingai asi lai. Cun hi hlan ah Jesuh zong hi a rak zumh bal mi asi lo caah a har chinchin lai.
Zumhnak kar hlan kan timh tikah a kar khat nak van kar hi a har ngaingai. Mizaw pa zong hi a kar khat nak ahcun Jesuh chimmi hi a dik kho ko (Jesus might be right) timi ruahnak hi a nunnak ah alut lai. Kar hnih a van kar tikah, a zumhnak kar hnih naknih Jesuh hi a hman kho ko ti kha a chimh tthan (Jesus could be right). Kar thumnak nih cun Jesuh chimmi cu a Hman/Dik a hau tiah a ruah/zumh ter cang (Jesus must be right). Kar li nak a phak tik ahcun, a zumhnak kar li nak nih Jesuh chimmi cu a Hman/Dik tatak (Jesus is absolutely right) ti kha a cawnpiak cang.
Vawlei nunnak pawcawmnak ruangah, inchungkhar tlamtlin lonak ruangah, pumpak tinhmi tlamtlinh lo ruangah, lungduh tlamtlin lo ruangah, pum damlonak ruangah, sianginn cacawnnak ruangah, pawngkam minung hna he I hawikomhnak ah tlamtlinnak um ruang ah, suingun chawva lei ah chambaunak ngeih ruangah, fa le ruangah, nu le pa ruangah, rianttuan harnak tbk... ruangah lungrethei vansang au in, um in na Nunnak thlarau cawl kho lo in a zeng ve sual maw?
Jesuh nih, “Rethei le thilrit mi vialte hna, ka sinah ra tuah u, dinhnak kan pek hna lai. Ka seihnam kha I bei u, kei cu nunnem le toidor mi ka si caah ka nawl hi I cawn ve u; cun dinnak kha nan hmuh lai. Ka seihnam cu a bei a nuam I ka thil cu a zaang,” tiah a ti. Matthai 11:28-30 Cuticun Zumhnak he amah a fuh mi hna paoh nih Vawlei nih pek khawh lomi Hnangam Daihnak, Vancung in a rami hnangamnak, an co i, a zeng mi an thlarau cu a tho I a kal. Jesuh sinah ra law an tthawnter lai I teitu ah an ser lai. Zumhnak in Bawipa fuh; thawnnak an pek lai.
Ttihphannak, thinphannak le, lungdernak in a zengmi Thlarau Nun a ngei mi hna:
1. Dam kan duh maw?
2. Damnak ding caah Pathian fialmi paoh kan tuah lai maw?
3. Pathian bia kha cohlang in ka pher (Ihphah) kha I lak in, a chim ning tein kan kal lai maw?
4. Zumhnak chung ah nung in thinphannak hi kan kal tak lai maw?
Thlacamnak:
Ka pa dam ka duh. Kan zumh khawh lo nak chung in ka bawm. Ka tthawnnak le ttihphannak in ka luat nak hram sihram ko. Amen
Theihternak
John Walker nih “God Wants You Strong” tiah a tialmi capar tharchuah mi a si.
Mizaw pa cu kum 38 chung dam lo in a um I, nifatin te damnak caah ruahchannak nganpi he bawmhnak hngak in a caangvai zungzal ko.
Mitampi kan nunnak zong ah Jesuh biakamh mi Teinak kha I bochan loin, lungdernak, ttihphannak, launak, thinphannak hna nih kan nunnak cu mizeng bang a kan hren tawn I cutincun mizaw bantukin vawlei ah kan nun a caangvai theu tawn.
Jesuh nih, “Tho! Na pher I lak law kal,” tiah a kan ti.
Jesuh nih mizaw pa hi thim ding a pek. “Na tho kho I na kal kho, zumhnak in tho law kal, na ttihphan mi thil vialte kha kal taak. Pathian cu a tthawng mi asi bantukin nangmah zong tthawnter an duh.”
Efesa 6:10 ah, “A donghnak ah Bawipa he nan I pehtlaihnak thawngin nan thazaang cu, thawnter chin ko u.” Zumlo tu bantuk in vawlei hi kan mah thawnnak in dohding kan si lo. Teipiak tu Pathian bochannak he tu kan nunnak hi a kal ding asi.
Nihin zumtu kanmah cio bang mizaw pa caah hin zumhnak in aa thawh I a kal hmasabik lio caan hi a caah a har bik caan asi lai. Kum 38 chung a cawl ti lo i kalnak ah hman khawh a si ti lo mi a ke kong a ruah tikah zumhnak in a voikhatnak a ke van kar ding cu thil har ngaingai asi lai. Cun hi hlan ah Jesuh zong hi a rak zumh bal mi asi lo caah a har chinchin lai.
Zumhnak kar hlan kan timh tikah a kar khat nak van kar hi a har ngaingai. Mizaw pa zong hi a kar khat nak ahcun Jesuh chimmi hi a dik kho ko (Jesus might be right) timi ruahnak hi a nunnak ah alut lai. Kar hnih a van kar tikah, a zumhnak kar hnih naknih Jesuh hi a hman kho ko ti kha a chimh tthan (Jesus could be right). Kar thumnak nih cun Jesuh chimmi cu a Hman/Dik a hau tiah a ruah/zumh ter cang (Jesus must be right). Kar li nak a phak tik ahcun, a zumhnak kar li nak nih Jesuh chimmi cu a Hman/Dik tatak (Jesus is absolutely right) ti kha a cawnpiak cang.
Vawlei nunnak pawcawmnak ruangah, inchungkhar tlamtlin lonak ruangah, pumpak tinhmi tlamtlinh lo ruangah, lungduh tlamtlin lo ruangah, pum damlonak ruangah, sianginn cacawnnak ruangah, pawngkam minung hna he I hawikomhnak ah tlamtlinnak um ruang ah, suingun chawva lei ah chambaunak ngeih ruangah, fa le ruangah, nu le pa ruangah, rianttuan harnak tbk... ruangah lungrethei vansang au in, um in na Nunnak thlarau cawl kho lo in a zeng ve sual maw?
Jesuh nih, “Rethei le thilrit mi vialte hna, ka sinah ra tuah u, dinhnak kan pek hna lai. Ka seihnam kha I bei u, kei cu nunnem le toidor mi ka si caah ka nawl hi I cawn ve u; cun dinnak kha nan hmuh lai. Ka seihnam cu a bei a nuam I ka thil cu a zaang,” tiah a ti. Matthai 11:28-30 Cuticun Zumhnak he amah a fuh mi hna paoh nih Vawlei nih pek khawh lomi Hnangam Daihnak, Vancung in a rami hnangamnak, an co i, a zeng mi an thlarau cu a tho I a kal. Jesuh sinah ra law an tthawnter lai I teitu ah an ser lai. Zumhnak in Bawipa fuh; thawnnak an pek lai.
Ttihphannak, thinphannak le, lungdernak in a zengmi Thlarau Nun a ngei mi hna:
1. Dam kan duh maw?
2. Damnak ding caah Pathian fialmi paoh kan tuah lai maw?
3. Pathian bia kha cohlang in ka pher (Ihphah) kha I lak in, a chim ning tein kan kal lai maw?
4. Zumhnak chung ah nung in thinphannak hi kan kal tak lai maw?
Thlacamnak:
Ka pa dam ka duh. Kan zumh khawh lo nak chung in ka bawm. Ka tthawnnak le ttihphannak in ka luat nak hram sihram ko. Amen
Theihternak
John Walker nih “God Wants You Strong” tiah a tialmi capar tharchuah mi a si.
