NA DUHNAK TUAH SI KO SEH
"Amah duhning in kan hal ahcun, kan halmi paoh kha a kan pek hrimhrim lai ti kan zumh caah Pathian cu ṭihnak zeihmanh um loin kan fuh ngam." I Johan 5:14
Thla kan cam tikah leh lo kan si theu tawn. Zeiruangahdah kan thlacam hi Pathian nih a kan leh hnga lo tiah na ruat bal maw? A ruang cu, “Pathian duhnak tlinnak ding ca siloin, kanmah duhnak tlinnak ding ca,” tu kan cam tawn caah asi. Theih tha mi thil pakhat cu: Thlacam kan timi hi Pathian nih tuah a duhlo mi thil kha a tuah nakhnga amah kan chawnh i kan forh khi asi lo. Zeitikhmanh ah tuah lo ding asi fawn. Thlacam kan timi hi Pathian duhnak kha kan mah duhnak chungah aa tlum khawh nakhnga kuaih le ngawiter zong khi a si fawn lo. Thlacam kan timi cu Pathian duhnak kawl I cu chung I va luh tu khi a rak si deuh. Minung harnak kan ton tawnnak hmun hi na ruat bal maw? Eden dum chungah a voikhatnak ADAM nih cun, “Pathian duhnak siloin, Keimah duhnak tling ko seh,” tiah a nun a hman; thla a cam.
Avoihnihnak ADAM, Jesuh ruangah Pathian min thangthat sikoseh! Jesuh nih cun Gettsemane dum chungah, “Ka Pa, Keimah duhnak bang siloin, Nangmah duhnak bang si koseh,” tiah thla a cam. Pathian duhnak kawl I tuah ding ah kan pum kan nunnak kan pek ding tuhi thlacamnak taktak a rak si. Amah duhnak kawl in kan hal lo mi thlacamnak cu Bawipa nih a kan let lai lo. Zeicahtiah kan mah nak in kan herhmi a kan theihpiak tu Pathian asi. Kan hal mi hi kan herh le herh lo hmanh aa thei kho mi minung kan si lo. Fa le nih an kan hal mi thil kha an caah ral a si maw, a tha maw tha lo ti kan tuak cikcek hnu ah kan pek tawn hna; an kan hal mi poah kan pe hna lo. A ruang cu an kan hal mi kha aa caah tih a nun le nun lo, a that le that lo hna an theih khawh lo kha fiang tein kan hngalh caah an ca i a tha lo dingmi cu an kan hal len ko zongah kan pek hna lo bantuk khi asi. Kan caah a thabik a thei tu Pathian sin i thla kan cam tikah kan mah duhmi kha Pathian tuahter timh siloin, amah duhnak kha thlacamnak in kan hal i kan tuah ahcun kan duhmi thil vialte a tlinter ko lai. Na herhmi dihlak a hngal tu cu na biakmi na Pathian asi. Amen
Zathawngcin
Lewisville
April 8, 2014
"Amah duhning in kan hal ahcun, kan halmi paoh kha a kan pek hrimhrim lai ti kan zumh caah Pathian cu ṭihnak zeihmanh um loin kan fuh ngam." I Johan 5:14
Thla kan cam tikah leh lo kan si theu tawn. Zeiruangahdah kan thlacam hi Pathian nih a kan leh hnga lo tiah na ruat bal maw? A ruang cu, “Pathian duhnak tlinnak ding ca siloin, kanmah duhnak tlinnak ding ca,” tu kan cam tawn caah asi. Theih tha mi thil pakhat cu: Thlacam kan timi hi Pathian nih tuah a duhlo mi thil kha a tuah nakhnga amah kan chawnh i kan forh khi asi lo. Zeitikhmanh ah tuah lo ding asi fawn. Thlacam kan timi hi Pathian duhnak kha kan mah duhnak chungah aa tlum khawh nakhnga kuaih le ngawiter zong khi a si fawn lo. Thlacam kan timi cu Pathian duhnak kawl I cu chung I va luh tu khi a rak si deuh. Minung harnak kan ton tawnnak hmun hi na ruat bal maw? Eden dum chungah a voikhatnak ADAM nih cun, “Pathian duhnak siloin, Keimah duhnak tling ko seh,” tiah a nun a hman; thla a cam.
Avoihnihnak ADAM, Jesuh ruangah Pathian min thangthat sikoseh! Jesuh nih cun Gettsemane dum chungah, “Ka Pa, Keimah duhnak bang siloin, Nangmah duhnak bang si koseh,” tiah thla a cam. Pathian duhnak kawl I tuah ding ah kan pum kan nunnak kan pek ding tuhi thlacamnak taktak a rak si. Amah duhnak kawl in kan hal lo mi thlacamnak cu Bawipa nih a kan let lai lo. Zeicahtiah kan mah nak in kan herhmi a kan theihpiak tu Pathian asi. Kan hal mi hi kan herh le herh lo hmanh aa thei kho mi minung kan si lo. Fa le nih an kan hal mi thil kha an caah ral a si maw, a tha maw tha lo ti kan tuak cikcek hnu ah kan pek tawn hna; an kan hal mi poah kan pe hna lo. A ruang cu an kan hal mi kha aa caah tih a nun le nun lo, a that le that lo hna an theih khawh lo kha fiang tein kan hngalh caah an ca i a tha lo dingmi cu an kan hal len ko zongah kan pek hna lo bantuk khi asi. Kan caah a thabik a thei tu Pathian sin i thla kan cam tikah kan mah duhmi kha Pathian tuahter timh siloin, amah duhnak kha thlacamnak in kan hal i kan tuah ahcun kan duhmi thil vialte a tlinter ko lai. Na herhmi dihlak a hngal tu cu na biakmi na Pathian asi. Amen
Zathawngcin
Lewisville
April 8, 2014
Widget is loading comments...
