MUI LAKAH CEUNAK
“U le nau hna, Asia peng chung I harnak kan tonmi kha hngalhter than kan in duh hna. Kan cung I an kan khinhmi thil kha rak rit tuk, rak ngan tuk kaw, nun lai hman kan I ruah lo. Kannih cu thi dingin biakhiah kan si ko cang tiin kan I ruah. Asinain hi ti thil a rak um cu kanmah le kanmah kha I bochan loin, mithi a thawhtertu Pathian kan kan I bochan deuhnak hnga caah a rak si. Cutluk in tih a nungmi thihnak chungin a kan khamh I hmailei zongah a kan khamh ko lai.” II Korin 1:8-10
Saddleback Khrihfabu an pastor Rick Warran nih nitin thlarau thazang ah Muihnak chungah Ceunak timi tlangtar in thawngtha tawite a tial I pumpak in ka duh ngai caah tharchuah in kan hrawmh chin hna.
Vanbawi fapa, Jesuh Khrih vawlei misual vialte khamh awkah vawlei I a tlonlen lio ah, Harnak a tuar bal maw? A caan ah lileng in a um vetawn maw? Lungrawk dingin tukforh a rak tong ve maw? Zeirel lo in an rak um I, a si lo ning pi in minih an rak ceih I, a that lo nak kong an rak chim ve tawn maw? A lungre a rak thei bal ve maw? Hi biahalnak hna I an bialehnak cu, A SI A RAK TON DIH VE KO, kan ti khawh.
Vawlei minung vialte nih nitin kan nunnak ah lungretheihnak, khuaruahhar vansannak, lungdonghnak, lilennak le nunnak thilrit a phunphun kan ton tawn I kan ton tikah nunnak sullam ngei lo ah kan ruah theu tawn. Nun fahnak, temtuarnak, lilennak, lungsivang in umnak le pawngkam nih lungdong lak in tuahnak hna hi vawlei mihrin fa vialte lakah a luat mi kan um lo, kan dihlak tein a tong bal mi lawngte kan si. Zeicahtiah, Jesuh nih a rak tuar vemi sining kha Pathian nih kan chungah a chiah I a than ter caah si tiah, Rick nih a ti. Hi tuarinn nak vialte kan tonnak a ruang cu, kan nunnak kha Jesuh nih a rak tuarmi lam cungah chia in kan caah Jesuh nih a tuarmi thil vialte kha hngalhter a kan duh caah cu lam cungah cun a kan kalter nak a rak si ve.
Cutikah biahalnak a hung chuak mi cu, hi thilhar vialte hi Pathian nih maw tuar hrimhrim hnaseh ti a kan duh kun, ti kha asi. A phi cu, SI HLAH, ti asi. Zeicahtiah Pathian cu, a Thami asicaah thil tha lo le thilchia a chuahter bal lo. Sihmanhsehlaw, kan nunnak ah a tlungmi Muihnak, thilthalo ah kan ruahmi harnak hna le lungdonghnak hna nih kan nunnak a uk lio caan tu kha, Pathian nih THILTHA CHUAHNAK AH A HMAN TAWN HNA. Amah kan zumh khawh nakhnga cawnpiaknak; zeitindah midang kan bawmh lai timi lam hmuhsaknak le kan zumtu hawi hna he naihdeuh in kan um khawh nakhnga cawnpiaknak caah hriam ah a hman tawnmi hna an si. Phundang in chim ah cun kan nunnak ah a tlungmi, thilhar ah kan ruah mi vialte hi Pathian nih dan a kan tat caah siloin kan nunnak nih ceunak a hmuh khawh nakhnga cawnpiaknak hriam ah a hmanmi tu an rak si.
Bible nih, “U le nau hna, Asia peng chung I harnak kan tonmi kha hngalhter than kan in duh hna. Kan cung I an kan khinhmi thil kha rak rit tuk, rak ngan tuk kaw, nun lai hman kan I ruah lo. Kannih cu thi dingin biakhiah kan si ko cang tiin kan I ruah. Asinain hi ti thil a rak um cu kanmah le kanmah kha I bochan loin, mithi a thawhtertu Pathian kan I bochan deuhnak hnga caah a rak si,” (II Korin 1:8-9) tiah fiang tein a kan cawnpiak.
Cucaah Rick nih a fainter mi cu, sikunah, “Kan nunnak harnak le lungretheihnak le khuaruahhar vansannak in a khah lio caan ah zeidah na tuah lai, ti kha asi.” Kan tuah dingmi cu, “Kan nunnak ah lungrawk in um lo ding asi.” Cutikah Pathian nih an umpi le na pawng teah an um hnawh I na tonmi thil vialte zong nangmah thiltha cawnpiak le hmuhsak an duh caah asikha fiang tein na hmuh lawng siloin, na harnak chungin amah lila nih an dawmhtlaih lai I an bawmh lai kha fiang tein na hngalh khawh lai. Adonghnak ah, nangmah thawnnak ah I hngat loin Pathian umpinak le lamhruainak cungah na nun naa hngat lai I cutikah daihnak tlamtling na co lai.
Mi vialte hi Caanhar a tong balmi lawngte kan si. Harnak le lungrawhnak a tong ballomi kan um lo. Jesuh a zumtu hna an I dannak cu, “AN NUNNAK AH HARNAK AN LUAT TI KHI SILOIN, AN TONMI MUIHNAK LAKAH CEUNAK AN HMUH KHAWH TU KHI ASI.” Na nunnak ah na tonmi harnak kha zoh in lungdong in na um sual maw? Nangmah lawng na silo, Bawipa nih an umpinak ko.
Ruahchihawk:
1. Hartuk le faktuk ah na ruahmi harnak, Bawipa nih na ca i thiltha ah ahman bal tiah na ruahmi, na tonbalmi thilhar a um maw, ruat than.
2. Na nunnak i harnak na ton lio caan ah Bawipa I bochannak le amah cung I hngat Nun na cawng bal maw?
3. Harnak na ton caan zeitindah teinak lam na kawl tawn?
Sawmnak: Atanglei ah ka chiahmi Youtube hi zohlaw Jesuh Umpinak fiang chinchin theihnak caah an bawmtu asi lai.
Bawipa nih sunparnak cokoseh.
Zathawngcin
Bethel Baptist Church
Lewisville
November 24, 2014
“U le nau hna, Asia peng chung I harnak kan tonmi kha hngalhter than kan in duh hna. Kan cung I an kan khinhmi thil kha rak rit tuk, rak ngan tuk kaw, nun lai hman kan I ruah lo. Kannih cu thi dingin biakhiah kan si ko cang tiin kan I ruah. Asinain hi ti thil a rak um cu kanmah le kanmah kha I bochan loin, mithi a thawhtertu Pathian kan kan I bochan deuhnak hnga caah a rak si. Cutluk in tih a nungmi thihnak chungin a kan khamh I hmailei zongah a kan khamh ko lai.” II Korin 1:8-10
Saddleback Khrihfabu an pastor Rick Warran nih nitin thlarau thazang ah Muihnak chungah Ceunak timi tlangtar in thawngtha tawite a tial I pumpak in ka duh ngai caah tharchuah in kan hrawmh chin hna.
Vanbawi fapa, Jesuh Khrih vawlei misual vialte khamh awkah vawlei I a tlonlen lio ah, Harnak a tuar bal maw? A caan ah lileng in a um vetawn maw? Lungrawk dingin tukforh a rak tong ve maw? Zeirel lo in an rak um I, a si lo ning pi in minih an rak ceih I, a that lo nak kong an rak chim ve tawn maw? A lungre a rak thei bal ve maw? Hi biahalnak hna I an bialehnak cu, A SI A RAK TON DIH VE KO, kan ti khawh.
Vawlei minung vialte nih nitin kan nunnak ah lungretheihnak, khuaruahhar vansannak, lungdonghnak, lilennak le nunnak thilrit a phunphun kan ton tawn I kan ton tikah nunnak sullam ngei lo ah kan ruah theu tawn. Nun fahnak, temtuarnak, lilennak, lungsivang in umnak le pawngkam nih lungdong lak in tuahnak hna hi vawlei mihrin fa vialte lakah a luat mi kan um lo, kan dihlak tein a tong bal mi lawngte kan si. Zeicahtiah, Jesuh nih a rak tuar vemi sining kha Pathian nih kan chungah a chiah I a than ter caah si tiah, Rick nih a ti. Hi tuarinn nak vialte kan tonnak a ruang cu, kan nunnak kha Jesuh nih a rak tuarmi lam cungah chia in kan caah Jesuh nih a tuarmi thil vialte kha hngalhter a kan duh caah cu lam cungah cun a kan kalter nak a rak si ve.
Cutikah biahalnak a hung chuak mi cu, hi thilhar vialte hi Pathian nih maw tuar hrimhrim hnaseh ti a kan duh kun, ti kha asi. A phi cu, SI HLAH, ti asi. Zeicahtiah Pathian cu, a Thami asicaah thil tha lo le thilchia a chuahter bal lo. Sihmanhsehlaw, kan nunnak ah a tlungmi Muihnak, thilthalo ah kan ruahmi harnak hna le lungdonghnak hna nih kan nunnak a uk lio caan tu kha, Pathian nih THILTHA CHUAHNAK AH A HMAN TAWN HNA. Amah kan zumh khawh nakhnga cawnpiaknak; zeitindah midang kan bawmh lai timi lam hmuhsaknak le kan zumtu hawi hna he naihdeuh in kan um khawh nakhnga cawnpiaknak caah hriam ah a hman tawnmi hna an si. Phundang in chim ah cun kan nunnak ah a tlungmi, thilhar ah kan ruah mi vialte hi Pathian nih dan a kan tat caah siloin kan nunnak nih ceunak a hmuh khawh nakhnga cawnpiaknak hriam ah a hmanmi tu an rak si.
Bible nih, “U le nau hna, Asia peng chung I harnak kan tonmi kha hngalhter than kan in duh hna. Kan cung I an kan khinhmi thil kha rak rit tuk, rak ngan tuk kaw, nun lai hman kan I ruah lo. Kannih cu thi dingin biakhiah kan si ko cang tiin kan I ruah. Asinain hi ti thil a rak um cu kanmah le kanmah kha I bochan loin, mithi a thawhtertu Pathian kan I bochan deuhnak hnga caah a rak si,” (II Korin 1:8-9) tiah fiang tein a kan cawnpiak.
Cucaah Rick nih a fainter mi cu, sikunah, “Kan nunnak harnak le lungretheihnak le khuaruahhar vansannak in a khah lio caan ah zeidah na tuah lai, ti kha asi.” Kan tuah dingmi cu, “Kan nunnak ah lungrawk in um lo ding asi.” Cutikah Pathian nih an umpi le na pawng teah an um hnawh I na tonmi thil vialte zong nangmah thiltha cawnpiak le hmuhsak an duh caah asikha fiang tein na hmuh lawng siloin, na harnak chungin amah lila nih an dawmhtlaih lai I an bawmh lai kha fiang tein na hngalh khawh lai. Adonghnak ah, nangmah thawnnak ah I hngat loin Pathian umpinak le lamhruainak cungah na nun naa hngat lai I cutikah daihnak tlamtling na co lai.
Mi vialte hi Caanhar a tong balmi lawngte kan si. Harnak le lungrawhnak a tong ballomi kan um lo. Jesuh a zumtu hna an I dannak cu, “AN NUNNAK AH HARNAK AN LUAT TI KHI SILOIN, AN TONMI MUIHNAK LAKAH CEUNAK AN HMUH KHAWH TU KHI ASI.” Na nunnak ah na tonmi harnak kha zoh in lungdong in na um sual maw? Nangmah lawng na silo, Bawipa nih an umpinak ko.
Ruahchihawk:
1. Hartuk le faktuk ah na ruahmi harnak, Bawipa nih na ca i thiltha ah ahman bal tiah na ruahmi, na tonbalmi thilhar a um maw, ruat than.
2. Na nunnak i harnak na ton lio caan ah Bawipa I bochannak le amah cung I hngat Nun na cawng bal maw?
3. Harnak na ton caan zeitindah teinak lam na kawl tawn?
Sawmnak: Atanglei ah ka chiahmi Youtube hi zohlaw Jesuh Umpinak fiang chinchin theihnak caah an bawmtu asi lai.
Bawipa nih sunparnak cokoseh.
Zathawngcin
Bethel Baptist Church
Lewisville
November 24, 2014
