SIASAL
“A ram a rum I a vawlei a thami ram ah nan kal lai. Asinain keimah nih cun kan kalpi hna lai lo, zeicahtiah milungthawng nan si I lampi ah kan thah dih sual hna hnga,” ati…… Bawipa nihcun a thawh I, “Na sinah keimah ka kal lai I teinak kan pek lai,” ati. Moses nih cun, “Kan sin I na kal lo dingah cun, hi hmun hin kan thawhter hlah,” tiah a leh. Exodus 33:3,14,15
Moses nih zeitindah a leh? Bawipa, “Kan sinah na kal ve lo ahcun kan I thawh lai lo,”ato. St. Augustine zong an hal ve: “Pathian na sin ah ra in, an duh mi paoh kan pek lai. Naa lak dih khawh. Na duh mi le a herh tiah na ruah mi paoh naa lak dih kho. Sinain, ka hmai cu zeitikhmanhah na hmu ti lai lo,” tiah in ti seh law zeitindah na leh lai?” an ti. A chimmi cu, “Pathian nih ka hmai cu zeitikhmanh ah na hmu kho ti lai lo, tiah an timi biatlang na theih tikah, lungkuai le ngaichia in na um ahcun mah ngaihchiatnak na ngeihmi ruangah cun vaa lawm,” tiah a ti.
Pathian nih Israel miphun hna cu kamhmi ram nan phak hlan lo nanmah zohkhenhtu dingah Vanmi kan thlahpiak hna lai tiah bia a kamh hna. Kamhmi ram zong tha tein nan phan lai, Teinak nan hmu lai; Nan caah ka chiah cia mi a si cang, tiah tha tein thluachuah a pek hna lainak kong le an cokhawhnak nak ding caah a bawmh hna lainak kong kha fiang tein a chimhhna. An caah Bawipa tluachuah tling tein a um ko nakkha a chimh hna. Siseh Moses nih cun, “Bawipa, Nangmah lo in cun Kanaan ram zong ka herh lo. Lam hruaitu ca Vanmi zong ka herh lo. Teinak zong ka herh lo. Cawhnuk le khuaihliti zong ka herh lo, NANGMAH LAWNG KAN HERH, BAWIPA,” tiah a leh.
Nitin kan nunnak ah Pathian nakin kan duh mi thil a um sual tawn. Ralring tein ruat tthan ve hmanh! Pathian nak in kan duh deuhmi thil a um sual ahcun - Zeithil paoh a si ah- kan caah SIASAL an si, ti kha Moses nun in kan hmuh khawh.
Pathian nak in vawlei pawcawmnak, suingun chawva, minthatnak, riantuan khawhnak le thil ti khawhnak, rumnak, micung cuan duhnak hna kan duhdeuh sual tikah kan caah, kha thil hna kha SIASAL an rak si. Pathian nak in Biakinn riantuan duhdeuh hna a rak um kho ve. Pathian nak in Khrihfabu tanh deuh hna a rak um kho ve. Pathian nak in khua le ram, peng le tlang tanh deuh hna a rak um theu tawn. Pathian nak in Dikari (Degree) sangsang duh deuh nak hna hi a rak um kho I, Pathian nak in Pathian hlasak in minthang duhdeuh nak hna hi an rak um liangluang tawn. Hi thil hna hi kan caah SIASAL an si I Pathian Hmai kan hmuh lo tikah kan tlaknak thil ah an cang tawn. Pathian nak in na duh deuhmi thil a um ve sual maw! Bawipa sinah ka thinlung ka pur cikcek Bawipa tiah au I thlacam hi mikip nih kan herhmi a si ko rua,
Zathawngcin
Lesiville
May 6, 2014
“A ram a rum I a vawlei a thami ram ah nan kal lai. Asinain keimah nih cun kan kalpi hna lai lo, zeicahtiah milungthawng nan si I lampi ah kan thah dih sual hna hnga,” ati…… Bawipa nihcun a thawh I, “Na sinah keimah ka kal lai I teinak kan pek lai,” ati. Moses nih cun, “Kan sin I na kal lo dingah cun, hi hmun hin kan thawhter hlah,” tiah a leh. Exodus 33:3,14,15
Moses nih zeitindah a leh? Bawipa, “Kan sinah na kal ve lo ahcun kan I thawh lai lo,”ato. St. Augustine zong an hal ve: “Pathian na sin ah ra in, an duh mi paoh kan pek lai. Naa lak dih khawh. Na duh mi le a herh tiah na ruah mi paoh naa lak dih kho. Sinain, ka hmai cu zeitikhmanhah na hmu ti lai lo,” tiah in ti seh law zeitindah na leh lai?” an ti. A chimmi cu, “Pathian nih ka hmai cu zeitikhmanh ah na hmu kho ti lai lo, tiah an timi biatlang na theih tikah, lungkuai le ngaichia in na um ahcun mah ngaihchiatnak na ngeihmi ruangah cun vaa lawm,” tiah a ti.
Pathian nih Israel miphun hna cu kamhmi ram nan phak hlan lo nanmah zohkhenhtu dingah Vanmi kan thlahpiak hna lai tiah bia a kamh hna. Kamhmi ram zong tha tein nan phan lai, Teinak nan hmu lai; Nan caah ka chiah cia mi a si cang, tiah tha tein thluachuah a pek hna lainak kong le an cokhawhnak nak ding caah a bawmh hna lainak kong kha fiang tein a chimhhna. An caah Bawipa tluachuah tling tein a um ko nakkha a chimh hna. Siseh Moses nih cun, “Bawipa, Nangmah lo in cun Kanaan ram zong ka herh lo. Lam hruaitu ca Vanmi zong ka herh lo. Teinak zong ka herh lo. Cawhnuk le khuaihliti zong ka herh lo, NANGMAH LAWNG KAN HERH, BAWIPA,” tiah a leh.
Nitin kan nunnak ah Pathian nakin kan duh mi thil a um sual tawn. Ralring tein ruat tthan ve hmanh! Pathian nak in kan duh deuhmi thil a um sual ahcun - Zeithil paoh a si ah- kan caah SIASAL an si, ti kha Moses nun in kan hmuh khawh.
Pathian nak in vawlei pawcawmnak, suingun chawva, minthatnak, riantuan khawhnak le thil ti khawhnak, rumnak, micung cuan duhnak hna kan duhdeuh sual tikah kan caah, kha thil hna kha SIASAL an rak si. Pathian nak in Biakinn riantuan duhdeuh hna a rak um kho ve. Pathian nak in Khrihfabu tanh deuh hna a rak um kho ve. Pathian nak in khua le ram, peng le tlang tanh deuh hna a rak um theu tawn. Pathian nak in Dikari (Degree) sangsang duh deuh nak hna hi a rak um kho I, Pathian nak in Pathian hlasak in minthang duhdeuh nak hna hi an rak um liangluang tawn. Hi thil hna hi kan caah SIASAL an si I Pathian Hmai kan hmuh lo tikah kan tlaknak thil ah an cang tawn. Pathian nak in na duh deuhmi thil a um ve sual maw! Bawipa sinah ka thinlung ka pur cikcek Bawipa tiah au I thlacam hi mikip nih kan herhmi a si ko rua,
Zathawngcin
Lesiville
May 6, 2014
