Nang nih duhnak chuah, Pathian nih Tthawnnak a chuah lai!
"Cucaah cun hi a ṭhami thil hi ka tuah awk a si tiah a hngal ko ṭung i a tuah lomi cu misual a si." James 4:17
Nihin (Tuni-Today) ah Ttuan in lim ko dingmi rian kha Thaizing tiang chiah a hmangmi na si maw? Hi kan liamter mi caan hi a kut dong in a kan sawhtthan dingmi le sual a kan phaw tthan te dingmi caan man sung an si. Chimduhmi cu, "Thawh Nuarh;" chanthar holh in cun "Tawrit" mi hna kong a si. (Thawhnuarh: Procrastination)
Rian ttha tuannak caah Thawhnuarh hi sual a si tiah na ruat maw? Sualnak kan timi hi PALHNAK va tuah le Thil ttha lo va tuah lawng khi si lo in, "Tuah awk asimi Thilttha Tuah lo," zong khi Sual a si ve. Thawhnuarh le Nawl ngaih lo hi tlawmte a dang ttung i, aa khatmi Sualnak an si. Chimtheu asi tawnmi biadawh tecu, "Ttuanawk rian na ngeih tikah va thok cawlh. Nangnih duhnak na chuah lai i, Pathian nih Tthawnnak (Power) a chuah lai," ti asi. Hihi Duhnak tthawnnak hmual, a nawl kan ngaih ding mi le kan i nunpi dingmi cu asi.
Thilttha tuah awk ah Duhnak na ngeih ahcun Bawipa nih tthawnnak an pek lai i na tuah khawh ko lai. Thilttha asi ti na theihmi kha hngak loin Tuahcawlh le ttuancawlh khawh i zuam. Bawipa duhmi asi. Ttuanawk rian ttha nih an dawi cuahmah mi na si naa thei maw? Thawhnuarh hi Sual asi tiah ruat in a tu tho law thok. Lung awttawm in um hlah. Nizaan cu a liam cang i, Thaizing cu na phan ti lo kho. Nihin (Tuni) hi rian ttha ttuannak ding caah caan tthabik na ngeihmi a si.
Zathawngcin
March 19, 2013
Nihin (Tuni-Today) ah Ttuan in lim ko dingmi rian kha Thaizing tiang chiah a hmangmi na si maw? Hi kan liamter mi caan hi a kut dong in a kan sawhtthan dingmi le sual a kan phaw tthan te dingmi caan man sung an si. Chimduhmi cu, "Thawh Nuarh;" chanthar holh in cun "Tawrit" mi hna kong a si. (Thawhnuarh: Procrastination)
Rian ttha tuannak caah Thawhnuarh hi sual a si tiah na ruat maw? Sualnak kan timi hi PALHNAK va tuah le Thil ttha lo va tuah lawng khi si lo in, "Tuah awk asimi Thilttha Tuah lo," zong khi Sual a si ve. Thawhnuarh le Nawl ngaih lo hi tlawmte a dang ttung i, aa khatmi Sualnak an si. Chimtheu asi tawnmi biadawh tecu, "Ttuanawk rian na ngeih tikah va thok cawlh. Nangnih duhnak na chuah lai i, Pathian nih Tthawnnak (Power) a chuah lai," ti asi. Hihi Duhnak tthawnnak hmual, a nawl kan ngaih ding mi le kan i nunpi dingmi cu asi.
Thilttha tuah awk ah Duhnak na ngeih ahcun Bawipa nih tthawnnak an pek lai i na tuah khawh ko lai. Thilttha asi ti na theihmi kha hngak loin Tuahcawlh le ttuancawlh khawh i zuam. Bawipa duhmi asi. Ttuanawk rian ttha nih an dawi cuahmah mi na si naa thei maw? Thawhnuarh hi Sual asi tiah ruat in a tu tho law thok. Lung awttawm in um hlah. Nizaan cu a liam cang i, Thaizing cu na phan ti lo kho. Nihin (Tuni) hi rian ttha ttuannak ding caah caan tthabik na ngeihmi a si.
Zathawngcin
March 19, 2013
