JESUH HRINSOR
December 25, 2016
Matthai 1:1-17 tiang kan rel tikah, Jesuh chuahkehnak le a hrinsor hna min kha a dotdot in kan hmuh. Chan 14 in voithum ah a then. Dotkhatnak cu, Abraham in David tiang Chan 14 asi. Israel tuanbia zoh tikah, hi chanhi Bawipa nih thluachuah relcawk lo he a umpi hna can le David zong siangpahrang vialte lakah a liannganbik dirhmun a phak can, Israel miphun caah vawlei vancung ti awk in an nunah thluachuah an rel lio chan asi caah, Bible thiam cheukhat nih hi chan hi, Velngeihnak chan tiah an auh. Bawipa nih an cungah Vel a ngeih hna I, an phu tawk lo thluachuah tampi a pek hna chan asi.
Thluachuah an rel tikah, Israel miphun cu Bawipa ralchan nun ah an thang. Bawipa kha an hlawt I sualnak phunphun tuahnak ah an than caah, Bawipa nih Profet hna hmangin, sual ngaichih in Bawipa sin kir than dingah a cawnpiak lengmang hna. (Amos 5) Cuticun an chan cu a hung I peh I, David in Babylon Sal an tan tiang chan 14 chung hi an nunnak zohtikah, zan mangchia bantukin, an tuanbia ah a thuk bikmi muihnak le harnak an ton lio can asi. Hi chan hi Pathia Biaceih chan tiah an auh.
Ruahchannak ngeilo dirhmun an phak tikah, khuaruahhar in an um. An tonmi a ngan tuk caah, kan luat kho ti lai lo tiah an ruah. Sihmanhseh law ruahchannak thar, Mikhamhtu Messiah cu Bawipa nih an sin ah a run thlah. Babylon chan in Pathian fapa Jesuh tiang hi chan 14 tiah then thumnak ah Matthai nih a chiah. Ruahchannak a ngei tilomi, minung nunnak chungin, Pathian hrimhrim nih khamhnak rian a tuan I kan phuttawk lo zungzal nunnak hram a kan sihpiak nak a lang.
Matthai 1 hi kan zoh tikah rel siarem lo ngai a lo nain, a hnu lei ah, biatak kan hmuh khawhmi cu, Bawipa nih kan phuttawk lo laksawng a vel in nifatin kan nunnak ah a kan pek zungzal; sinain minung nih amah kan ralchanh peng ko rih cu caah biaceih kan si lainak le, biaceihnak zong kan mah tein luatkho ding kan si lo caah, a fapa Jesuh kan caah a thlah I, a kan khamh nak, Jesuh cu kan zungzal Nunnak Lam ah a kan phahpiaknak kan hmuh khawh. Asunglawi tuk hringhran. Jesuh lawnglawng hi Pa Sin phak thannak LAM asi amah in dah tilocu hohmanh pa sin an phan kho lai lo. Mary cu na chungin nau te a chuah lai tiah vancungmi nih a chimh tikah, kei cu Pathian SAL ka si, na chimning bantuk in si ko seh tiah lawm tein a nunnak cu Bawipa nih a duhningin hmang ko seh timi nunhe naute Jesuh cu a don.
Kan Khristmas hi Jesuh nih kanmah khamh awkah rian a tuan can asi, sunparnak caah, kei cu Pathian sal ka si, a herh a ti ahcun Bawipa nih kan pum le ka nunnak hi a mah duhning in hmang ko seh tiah, Mary bantuk in Bawipa sunparnak caah nun kan pek chan si hram seh.
Khrismas daihnak pumpak nan nunnak cio ah um hram seh..
Zathawngcin
Bethel Baptist Church
Lewisivillve, Texas
Thluachuah an rel tikah, Israel miphun cu Bawipa ralchan nun ah an thang. Bawipa kha an hlawt I sualnak phunphun tuahnak ah an than caah, Bawipa nih Profet hna hmangin, sual ngaichih in Bawipa sin kir than dingah a cawnpiak lengmang hna. (Amos 5) Cuticun an chan cu a hung I peh I, David in Babylon Sal an tan tiang chan 14 chung hi an nunnak zohtikah, zan mangchia bantukin, an tuanbia ah a thuk bikmi muihnak le harnak an ton lio can asi. Hi chan hi Pathia Biaceih chan tiah an auh.
Ruahchannak ngeilo dirhmun an phak tikah, khuaruahhar in an um. An tonmi a ngan tuk caah, kan luat kho ti lai lo tiah an ruah. Sihmanhseh law ruahchannak thar, Mikhamhtu Messiah cu Bawipa nih an sin ah a run thlah. Babylon chan in Pathian fapa Jesuh tiang hi chan 14 tiah then thumnak ah Matthai nih a chiah. Ruahchannak a ngei tilomi, minung nunnak chungin, Pathian hrimhrim nih khamhnak rian a tuan I kan phuttawk lo zungzal nunnak hram a kan sihpiak nak a lang.
Matthai 1 hi kan zoh tikah rel siarem lo ngai a lo nain, a hnu lei ah, biatak kan hmuh khawhmi cu, Bawipa nih kan phuttawk lo laksawng a vel in nifatin kan nunnak ah a kan pek zungzal; sinain minung nih amah kan ralchanh peng ko rih cu caah biaceih kan si lainak le, biaceihnak zong kan mah tein luatkho ding kan si lo caah, a fapa Jesuh kan caah a thlah I, a kan khamh nak, Jesuh cu kan zungzal Nunnak Lam ah a kan phahpiaknak kan hmuh khawh. Asunglawi tuk hringhran. Jesuh lawnglawng hi Pa Sin phak thannak LAM asi amah in dah tilocu hohmanh pa sin an phan kho lai lo. Mary cu na chungin nau te a chuah lai tiah vancungmi nih a chimh tikah, kei cu Pathian SAL ka si, na chimning bantuk in si ko seh tiah lawm tein a nunnak cu Bawipa nih a duhningin hmang ko seh timi nunhe naute Jesuh cu a don.
Kan Khristmas hi Jesuh nih kanmah khamh awkah rian a tuan can asi, sunparnak caah, kei cu Pathian sal ka si, a herh a ti ahcun Bawipa nih kan pum le ka nunnak hi a mah duhning in hmang ko seh tiah, Mary bantuk in Bawipa sunparnak caah nun kan pek chan si hram seh.
Khrismas daihnak pumpak nan nunnak cio ah um hram seh..
Zathawngcin
Bethel Baptist Church
Lewisivillve, Texas
