Minung Tuak Ning Nih a Hmuh Khawh lo lio can I Nunnak Lam Kawl Nak GPS: BIBLE
Deuteronomi 13:4
Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.
GPS cu Nihin vawlei ah lam chimtu hriamtha bik asi. Kal duhnak hmun ah felfai tein a kan phak pitu. Mah nih hmailei ah zei a um ti tuaktan le hngalh hau lo tein, kal u a ti ningin kan zulh poah ahcun, phak kan duhnak lam kha kanmah nih hngalh hau lo tein, kan tinhmi hmunah a kan phak tertu lam hmuhsaknak asi.
Kan Nunnak hi zungzal nunnak vanram lei a kal lio ahhin, kan hmai ah zeidah a um, zeidah a cang lai, zei bantuk chukcho, nelrawn, hling le so an um ti le, zeitindah Nun duhdimnak phak asi tihi minung nih hngalh khawh dingin Bawipa nih a ser lo. Sinain kan nunnak caah lam hmuhsaktu tha bik, Duhdim Nun phaknak lam hmuhsaktu, Thlarau Duhdim Nun ah a kan hruai khotu GPS ah Bible cauk a kan pek.
Bible hi kan rel tikah, kan fian zongah fian lo zongah a Nawl kan Ngaih ding asi. Zeicahtiah, Bible cauk hi Fianternak tuah dingmi cauk siloin, Zumh ding le a Nawl Ngaih dingmi cauk tu asi.
Caan tampi ah kan Nunnak ahhin, Pathian kha hitihin thil na tuah ding asi tiah chimh kan duh can tampi a um theu. Paul nih Khrihfa a thah cuahmah hna lio a hmumi zumtu hna dirhmun Thinlung mit in cuanh tikah, Pathian sinah Paul kong ah zeitluk indah an rak zai lai I, zeitlukindah Paul Nunnak ah fahnak in thihnak tianghmanh tlungseh ti an rak duh in thla an rak cam len ve lai ti hi hmuh khawh asi. Sinain Paul cungah Pathian nih zeidah a tuah? Thih ter siloin a Nunter I a cawisan lehlam! Pathian nih Paul a Nunter I a cawisan hi naa lawm ve ko lo maw?
Minung hmuhning le, cuanhning le lung fianning nih Pathian Nawlngaihnak in pheng hlah seh. Pathian khuakhan cu minung tuaktanning nih a phan lo ti kha philh hlah. Isaiah 55:8-9 chungah fiang tein Pathian bia kan hmuhmi cu, “Bawipa nih, ‘Ka ruahning cu nan ruahning a si lo, ka thil tining zong nan thil tining he an i khat lo. 9Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh,” timi Pathian a liangngan nak bia asi.
Minung ruahning le hmuhning, tuaktanning nih na Nunnak lam a hmuh ningin siloin, Bible nih na Nunnak lam an hmuhsak ningin na Nun na hman ahcun, Bawipa nih an tinhpiakmi Duhdim Nunnak na phan lai.
Kan Nunnak hi kanmah nih kan duhning in kal dingah Bawipa nih a sermi siloin, Amah Sunparnak langhtertu dingah a mah duhning in a sermi kan si caah, Bible lawnglawng nih cuti ser hnawhchan kan si nak Dirhmun ah a kan phak ter khawh. Cucaah kanmah hmuhning in lunglawmh, ngaihchiat, Nun hman siloin zeibantuk can paoh ah nitin kan Nunnak ah Bible chim ning le lam hmuhsak ning in thutdir khawh hi Bawipa tinhpiakmi lam, Duhdim Nun phaknak lam asi.
Na Nunnak ah minung mit nih a si kho ti lai lo tiah a hmuhmi thil a can lio can zongah Bible mit in na nun cuan law, na tonmi thil cungah Pathian tinhmi a um na hmuh lai. Cutikah Pathian thawnnak thawngin thluachuah lam na phak lai. Bible hi kan Nunnak GPS asi.
Zathawngcin
Oct.19, 2016
Bawipa nan Pathian cu nan zulh lai i nan ṭih lai, a nawlbia kha nan zulh hna lai i a aw kha nan ngaih lai, amah kha nan biak lai i amah sinah khan nan i bek lai.
GPS cu Nihin vawlei ah lam chimtu hriamtha bik asi. Kal duhnak hmun ah felfai tein a kan phak pitu. Mah nih hmailei ah zei a um ti tuaktan le hngalh hau lo tein, kal u a ti ningin kan zulh poah ahcun, phak kan duhnak lam kha kanmah nih hngalh hau lo tein, kan tinhmi hmunah a kan phak tertu lam hmuhsaknak asi.
Kan Nunnak hi zungzal nunnak vanram lei a kal lio ahhin, kan hmai ah zeidah a um, zeidah a cang lai, zei bantuk chukcho, nelrawn, hling le so an um ti le, zeitindah Nun duhdimnak phak asi tihi minung nih hngalh khawh dingin Bawipa nih a ser lo. Sinain kan nunnak caah lam hmuhsaktu tha bik, Duhdim Nun phaknak lam hmuhsaktu, Thlarau Duhdim Nun ah a kan hruai khotu GPS ah Bible cauk a kan pek.
Bible hi kan rel tikah, kan fian zongah fian lo zongah a Nawl kan Ngaih ding asi. Zeicahtiah, Bible cauk hi Fianternak tuah dingmi cauk siloin, Zumh ding le a Nawl Ngaih dingmi cauk tu asi.
Caan tampi ah kan Nunnak ahhin, Pathian kha hitihin thil na tuah ding asi tiah chimh kan duh can tampi a um theu. Paul nih Khrihfa a thah cuahmah hna lio a hmumi zumtu hna dirhmun Thinlung mit in cuanh tikah, Pathian sinah Paul kong ah zeitluk indah an rak zai lai I, zeitlukindah Paul Nunnak ah fahnak in thihnak tianghmanh tlungseh ti an rak duh in thla an rak cam len ve lai ti hi hmuh khawh asi. Sinain Paul cungah Pathian nih zeidah a tuah? Thih ter siloin a Nunter I a cawisan lehlam! Pathian nih Paul a Nunter I a cawisan hi naa lawm ve ko lo maw?
Minung hmuhning le, cuanhning le lung fianning nih Pathian Nawlngaihnak in pheng hlah seh. Pathian khuakhan cu minung tuaktanning nih a phan lo ti kha philh hlah. Isaiah 55:8-9 chungah fiang tein Pathian bia kan hmuhmi cu, “Bawipa nih, ‘Ka ruahning cu nan ruahning a si lo, ka thil tining zong nan thil tining he an i khat lo. 9Van khi vawlei nakin a let tam piin a san deuh bangin ka ruahning le ka thil tining zong nan ruahning le nan thil tining nakin a let tam piin a sang deuh,” timi Pathian a liangngan nak bia asi.
Minung ruahning le hmuhning, tuaktanning nih na Nunnak lam a hmuh ningin siloin, Bible nih na Nunnak lam an hmuhsak ningin na Nun na hman ahcun, Bawipa nih an tinhpiakmi Duhdim Nunnak na phan lai.
Kan Nunnak hi kanmah nih kan duhning in kal dingah Bawipa nih a sermi siloin, Amah Sunparnak langhtertu dingah a mah duhning in a sermi kan si caah, Bible lawnglawng nih cuti ser hnawhchan kan si nak Dirhmun ah a kan phak ter khawh. Cucaah kanmah hmuhning in lunglawmh, ngaihchiat, Nun hman siloin zeibantuk can paoh ah nitin kan Nunnak ah Bible chim ning le lam hmuhsak ning in thutdir khawh hi Bawipa tinhpiakmi lam, Duhdim Nun phaknak lam asi.
Na Nunnak ah minung mit nih a si kho ti lai lo tiah a hmuhmi thil a can lio can zongah Bible mit in na nun cuan law, na tonmi thil cungah Pathian tinhmi a um na hmuh lai. Cutikah Pathian thawnnak thawngin thluachuah lam na phak lai. Bible hi kan Nunnak GPS asi.
Zathawngcin
Oct.19, 2016
Comment Form is loading comments...
