HARNAK TEINAK HRIAM
A Fapa hrimhrim hmanh kha a zuah ṭung lo, kan dihlak caah pei a pek kha! A Fapa kha a kan pek — thil vialte zong hi a lak in a kan pe hnga lo maw? 33Pathian thimmi cu aho nih dah sual an puh khawh hna lai? Amah Pathian hrimhrim nih pei, nan sual lo, tiah a ti hna cu. 34Cucaah annih cu aho tal nih sual an phaw kho hna lai maw? Khrih hmanh nih sual a phaw hna hnga lo; zeicahtiah an ca i a thimi kha Khrih Jesuh kha pei a si cu, cu nak hmanh cun, thihnak in thawhter a si i Pathian orhlei kamah a um i kan ca i a kan nawlpiaktu cu amah cu pei a si cu. 35Cucaah aho nih dah Khrih dawtnak he cun a kan ṭhen khawh lai? Harnak nih maw, temhinnak nih maw, hremnak nih maw, rawlṭamnak nih maw, pamnak nih maw thil ṭihnung nih maw, thihnak nih maw, zeital nih an kan ṭhen kho hnga maw? Rome 8:32-39
Mi vialte hi harnak a tong bal mi lawngte kan si. Biatak ah kan dir lo ahcun kan tonmi harnak le lungretheihnak nih hin kan nun a hninh khawh tawn. Kan nunnak ah harnak le lungretheihnak ngan a tlun tikah philh lo ding thil pathum an um.
Pakhatnak: Pathian nih kan herhmi hi a kan pek zungzal ko. Hihi kan duhmi poh a kan pek tinak si loin, a mah nih a kan tinhpiakmi nunnak le sining kan phak khawhnak ding caah kan herhmi poah a kan pek ti tu khi asi. Hi zawn ah lawmhnak zong a si kho I harnak zong asi kho ko. Pathian nih aa tinhmi cu, kanmah Thianter ding kha a si.
Pahnihnak: Zeitikhmanh ah kanmah lawng kan si bal lo. Bawipa nih nan sinah ka um zungzal lai tiah bia a kan kamh. (Heb.13:5) Lilennak te hna hi, caan tampi ah cun harnak nih a zulh tawn caah kan nunnak hi a rocaar ter tawn. Hawikom le chungkhar vialte nih an kan hlawt cang tiah ruat in lileng in a kan um ter theu. Sihmanhseh Pathian nih kan sinah Thiangthlarau a run thlah I, kan chung hrimhrim ah a chiah. Cu Thlarau nihcun vancungkhua kan phak hlan tiang a kan umpi lai. (John14:16-17) Cu Thlarau cu kan nunnak ah kan herhmi, lam hmuhsaktu, bawmtu le hnemtu asi. Thiang thlarau umpi nak kha fek tein kan co naknih, Harnak le lung retheihnak nganpi kan ton lio caan zongah ralthatnak le teinak a kan pek tawn.
Pathumnak: Pathian dawtnak cu zungzal a hmun. Kan nunnak ah zei thilhmanh tlungin, harnak le lungretheihnak nih kan kulh ko hmanhseh, Kan cung I Pathian thatnak cu a ruang um lo in, kan caah a luang zungzal ko. Kan sualnak ruangah a kan cawnpiak cuahmah lio caan zongah a dawtnak cu kan caah a zaa thiamthiam ko. Fa le a daw ngaingai mi Nu le Pa hna nih khin, chimh a ngai lo mi fa le khi, an thatnak ding caah cun an ca i a tha lo mi thil pi zong khi thimnak nawl an pek theu tawn hna. Zeicahtiah nu le pa hna nih, Palhnak chungin fimcawnnak a sunlawi zia kha an theih caah asi. Palhnak kan tuahmi nih kan nunnak hi fak taktak in a den caan a um tawn. Sihmanhseh, khi thil vialte cannak nawl a petu cu kan biakmi Pathian a kan dawtu a si I, kan Nunnak thatnak caah a rak tlunter mi thil tu an si tawn.
Harnak ton lio caan ah, kan ruah awk cu, Bawipa nih ka herhmi a theih, ka sinah zungzal in a um I zungzal in a ka dawtu a si, ti hna hi an si. Jesuh nih hi vawlei ah harnak nan tong lai tiah a ti ko nain, thazang kan pek hna lai tiah bia a kan kamh thiamthiam. Teinak tlamtling cu Pathian ta asi. Cucaah, kan nunnak I Kan tonmi harnak hna cu Chikkhat ca lawng an si I, Pathian dawtnak cu zungzal ca asi ti kha theih zungzal kan herh. Cucu lawmhnak tlamtling petu le Harnak teinak hriam a si. Pathian vel cu zungzal in kan caah a zaa ko.
Ruahchihawk:
1. Harnak na ton caan ah Bawipa duhpiak mi asi ko tiah na ruat kho tawn maw?
2. Nan nunnak I harnak a tlun tikah zeidah na teinak hriam asi tawn?
3. Harnak le lawmhnak vialte hi Bawipa nih kan cungah a herh ning in a tlunter mi an si tiah na ruat bal maw?
4. Zeizong thil vialte, harnak le lawmhnak dihlak hi, Bawipa nih kan thatnak caah a sermi le kan cungah a tlunter mi asi ko tiah zumtu hna nih hin kan pom ding asi ko tiah na ruat maw? (Rome 8:28)
Zathawngcin
Nov.8, 2013
Mi vialte hi harnak a tong bal mi lawngte kan si. Biatak ah kan dir lo ahcun kan tonmi harnak le lungretheihnak nih hin kan nun a hninh khawh tawn. Kan nunnak ah harnak le lungretheihnak ngan a tlun tikah philh lo ding thil pathum an um.
Pakhatnak: Pathian nih kan herhmi hi a kan pek zungzal ko. Hihi kan duhmi poh a kan pek tinak si loin, a mah nih a kan tinhpiakmi nunnak le sining kan phak khawhnak ding caah kan herhmi poah a kan pek ti tu khi asi. Hi zawn ah lawmhnak zong a si kho I harnak zong asi kho ko. Pathian nih aa tinhmi cu, kanmah Thianter ding kha a si.
Pahnihnak: Zeitikhmanh ah kanmah lawng kan si bal lo. Bawipa nih nan sinah ka um zungzal lai tiah bia a kan kamh. (Heb.13:5) Lilennak te hna hi, caan tampi ah cun harnak nih a zulh tawn caah kan nunnak hi a rocaar ter tawn. Hawikom le chungkhar vialte nih an kan hlawt cang tiah ruat in lileng in a kan um ter theu. Sihmanhseh Pathian nih kan sinah Thiangthlarau a run thlah I, kan chung hrimhrim ah a chiah. Cu Thlarau nihcun vancungkhua kan phak hlan tiang a kan umpi lai. (John14:16-17) Cu Thlarau cu kan nunnak ah kan herhmi, lam hmuhsaktu, bawmtu le hnemtu asi. Thiang thlarau umpi nak kha fek tein kan co naknih, Harnak le lung retheihnak nganpi kan ton lio caan zongah ralthatnak le teinak a kan pek tawn.
Pathumnak: Pathian dawtnak cu zungzal a hmun. Kan nunnak ah zei thilhmanh tlungin, harnak le lungretheihnak nih kan kulh ko hmanhseh, Kan cung I Pathian thatnak cu a ruang um lo in, kan caah a luang zungzal ko. Kan sualnak ruangah a kan cawnpiak cuahmah lio caan zongah a dawtnak cu kan caah a zaa thiamthiam ko. Fa le a daw ngaingai mi Nu le Pa hna nih khin, chimh a ngai lo mi fa le khi, an thatnak ding caah cun an ca i a tha lo mi thil pi zong khi thimnak nawl an pek theu tawn hna. Zeicahtiah nu le pa hna nih, Palhnak chungin fimcawnnak a sunlawi zia kha an theih caah asi. Palhnak kan tuahmi nih kan nunnak hi fak taktak in a den caan a um tawn. Sihmanhseh, khi thil vialte cannak nawl a petu cu kan biakmi Pathian a kan dawtu a si I, kan Nunnak thatnak caah a rak tlunter mi thil tu an si tawn.
Harnak ton lio caan ah, kan ruah awk cu, Bawipa nih ka herhmi a theih, ka sinah zungzal in a um I zungzal in a ka dawtu a si, ti hna hi an si. Jesuh nih hi vawlei ah harnak nan tong lai tiah a ti ko nain, thazang kan pek hna lai tiah bia a kan kamh thiamthiam. Teinak tlamtling cu Pathian ta asi. Cucaah, kan nunnak I Kan tonmi harnak hna cu Chikkhat ca lawng an si I, Pathian dawtnak cu zungzal ca asi ti kha theih zungzal kan herh. Cucu lawmhnak tlamtling petu le Harnak teinak hriam a si. Pathian vel cu zungzal in kan caah a zaa ko.
Ruahchihawk:
1. Harnak na ton caan ah Bawipa duhpiak mi asi ko tiah na ruat kho tawn maw?
2. Nan nunnak I harnak a tlun tikah zeidah na teinak hriam asi tawn?
3. Harnak le lawmhnak vialte hi Bawipa nih kan cungah a herh ning in a tlunter mi an si tiah na ruat bal maw?
4. Zeizong thil vialte, harnak le lawmhnak dihlak hi, Bawipa nih kan thatnak caah a sermi le kan cungah a tlunter mi asi ko tiah zumtu hna nih hin kan pom ding asi ko tiah na ruat maw? (Rome 8:28)
Zathawngcin
Nov.8, 2013
HTML Comment Box is loading comments...
