PATHIAN PENNAK LE A DINNAK KAWL HMASA
“Cucaah zeidang vialte nakin Pathian pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek thiamthiam ko hna lai.” Matthai 6:33
Nunnak hi Ngun Tangka par (Coin) he aa lo ngaingai; na duhning paoh in na hman khawh nain, voikhat te lawng na hmanh khawh.
Thluankhat te lawng na ngeihmi, chankhat te lawng na Nun dingmi na Nunnak chankhat te hi Zeidah a tuah lai I, zeidah aa thim lai tiah Nunnak hmuihtinh kawlpiak hi a har ngaingai mi thil a si. Nunnak ca a herh bikmi thil thim thiamnak hi minung pakhat kan caah ahar ngaingai mi asi. Aruat bal lo mi caah cun a poi tukmi asi lo nain, fak pi in ka chan chankhat hi zeitindah ka hman ah a that lai tiah a tuaktanmi hna caah cun Thil har ngaingai pakhat asi.
Thimding mi thil le kan nunnak caah atha bakmi cu hihi an si tiah chiahpiak cia mi le hmuh cia mi a ngei lo mi na nunnak ah hin a dikmi le a hmaanmi thil ah fek tein na dir ahau. Cuthil cu Jesuh nih Matthai chungah fiang tein an cawnpiak. Na Nunnak ah biapi bik ah na chiah ding thil, Jesuh nih na caah a biapi bik tiah an cawnpiak mi le na tuah awk a si tiah, na caah biapi bikah achiahmi cu “Pathian pennak le tuahseh ti an duhmi thil kha kawl hmasa,” ti kha asi.
Pathian dinnak le Pathian peknak kha, na Nunnak ah a biapi bik ah na chiah I na kawl ahcun, zeizong thil na tuahmi paoh hi cu he cun an I pehtlai dih cang lai I na nunnak hi Pathian pennak tangah a tlongleng cang lai. Pathian pennak kha, na rianttuannak ah, na umtti mi minung hna lak ah, na nupi le na va le sinah, silole nangmah lawng na umnak ah, Na kawl I biapibik an na chiah I na kawl tikah na Nunnak ah Pathian a Bawibik cang.
Na Nunnak lamthluan ah zeibantuk bia na chim lai zongah, zeibantuk biachahnak na tuah lai zong ah, zeibantuk thil na tuah lai zong ah Matthai 6:33 hi ruat bu tein, Jesuh biacah ning in na tawlrel ahcun Bawipa a lawmhter tu le daihnak thluachuah a hmumi na si lai.
Anson (Korea Nu) nih a chimmi cu, mi cungah ka thin a hun I an cungah thil ttha lo tuah dingah ruahnak ka ngeih fatin te, keimah dirhmun ahhin Jesuh sisehlaw zeitindah a leh hna hnga ti hi ka ruat hmasaw tawn I cu Nunnak nih cun mi cungah ngaihthiam khawhnak nun aka pek I mittha ah a kan can ter tiah a ti bal. Bia na chimlai ah siseh, na nu pi le na va le he nan lung nan I hmuh lo le, zu din na duh caan le, Pumh na zuam lo caan le, mi ngaihthiamnak nun na ngeih lo lio caan hna ahhin: an dawtu Jesuh nih tah hi thil hi a tuah ve lai maw? timi biahalnak hi na nunnak ah le na biachahnak ah na hman ahcun vawlei teitu na si lai.
Ruahchihawk:
1. Na Nunnak hi Chankhat te lawng asi I thacho ter ding le thilttha tuahnak ding caah Nunnak dang na ngeih tthan ti lai lo mi konghi na ruat bal maw? Atu hi thilttha tuah nak ding caah le Pathian kawlnak ding caah na caan ttha bik asi kha a ruah awk ah na thei bal maw?
2. Thilchia siseh thilttha siseh na tuah lai ah Jesuh na mitthlam ah a cuang hmasa tawn maw?
3. Pathian pennak kan timi hi pumpak kan nunnak ah zeitindah sullam na ngeihter?
Pathian nih sunparnak co in na nunnak ah daihnak in pe hram ko seh. Amen
Zathawngcin
October 30, 2012
Nunnak hi Ngun Tangka par (Coin) he aa lo ngaingai; na duhning paoh in na hman khawh nain, voikhat te lawng na hmanh khawh.
Thluankhat te lawng na ngeihmi, chankhat te lawng na Nun dingmi na Nunnak chankhat te hi Zeidah a tuah lai I, zeidah aa thim lai tiah Nunnak hmuihtinh kawlpiak hi a har ngaingai mi thil a si. Nunnak ca a herh bikmi thil thim thiamnak hi minung pakhat kan caah ahar ngaingai mi asi. Aruat bal lo mi caah cun a poi tukmi asi lo nain, fak pi in ka chan chankhat hi zeitindah ka hman ah a that lai tiah a tuaktanmi hna caah cun Thil har ngaingai pakhat asi.
Thimding mi thil le kan nunnak caah atha bakmi cu hihi an si tiah chiahpiak cia mi le hmuh cia mi a ngei lo mi na nunnak ah hin a dikmi le a hmaanmi thil ah fek tein na dir ahau. Cuthil cu Jesuh nih Matthai chungah fiang tein an cawnpiak. Na Nunnak ah biapi bik ah na chiah ding thil, Jesuh nih na caah a biapi bik tiah an cawnpiak mi le na tuah awk a si tiah, na caah biapi bikah achiahmi cu “Pathian pennak le tuahseh ti an duhmi thil kha kawl hmasa,” ti kha asi.
Pathian dinnak le Pathian peknak kha, na Nunnak ah a biapi bik ah na chiah I na kawl ahcun, zeizong thil na tuahmi paoh hi cu he cun an I pehtlai dih cang lai I na nunnak hi Pathian pennak tangah a tlongleng cang lai. Pathian pennak kha, na rianttuannak ah, na umtti mi minung hna lak ah, na nupi le na va le sinah, silole nangmah lawng na umnak ah, Na kawl I biapibik an na chiah I na kawl tikah na Nunnak ah Pathian a Bawibik cang.
Na Nunnak lamthluan ah zeibantuk bia na chim lai zongah, zeibantuk biachahnak na tuah lai zong ah, zeibantuk thil na tuah lai zong ah Matthai 6:33 hi ruat bu tein, Jesuh biacah ning in na tawlrel ahcun Bawipa a lawmhter tu le daihnak thluachuah a hmumi na si lai.
Anson (Korea Nu) nih a chimmi cu, mi cungah ka thin a hun I an cungah thil ttha lo tuah dingah ruahnak ka ngeih fatin te, keimah dirhmun ahhin Jesuh sisehlaw zeitindah a leh hna hnga ti hi ka ruat hmasaw tawn I cu Nunnak nih cun mi cungah ngaihthiam khawhnak nun aka pek I mittha ah a kan can ter tiah a ti bal. Bia na chimlai ah siseh, na nu pi le na va le he nan lung nan I hmuh lo le, zu din na duh caan le, Pumh na zuam lo caan le, mi ngaihthiamnak nun na ngeih lo lio caan hna ahhin: an dawtu Jesuh nih tah hi thil hi a tuah ve lai maw? timi biahalnak hi na nunnak ah le na biachahnak ah na hman ahcun vawlei teitu na si lai.
Ruahchihawk:
1. Na Nunnak hi Chankhat te lawng asi I thacho ter ding le thilttha tuahnak ding caah Nunnak dang na ngeih tthan ti lai lo mi konghi na ruat bal maw? Atu hi thilttha tuah nak ding caah le Pathian kawlnak ding caah na caan ttha bik asi kha a ruah awk ah na thei bal maw?
2. Thilchia siseh thilttha siseh na tuah lai ah Jesuh na mitthlam ah a cuang hmasa tawn maw?
3. Pathian pennak kan timi hi pumpak kan nunnak ah zeitindah sullam na ngeihter?
Pathian nih sunparnak co in na nunnak ah daihnak in pe hram ko seh. Amen
Zathawngcin
October 30, 2012
