SERMON TAWI CHEUKHAT: 2015
VANRAM KAN KALNAK LAMAH!
Bible: II Korin 5:1
Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.
Biahmaithi
Albany Chin Christian Church ah mino cawnpiak dingin an ka sawm ve caah zarhkhat chung cawnpiaknak kan ngei. An Pastor, Danny Bawi nih a ngeihchunh Lexus in New York khuapi ah a ka thlah. August 11, 2015 zing 6:20 am ah ka umnak hmun Dallas lei ah New York khualipi in aa thawh ding ka si. Zantim ah kan theih lomi, vanlawng leiah tuanvo a ngeimi nu nih thaizing na tlung kho lai lo tlamtling lonak a um caah, Vanlawng leet asi tiah phone a kan chawnh pahah thaizing zanlei 6:20 ah kan in thial caah, cu caan ah cun na zuang te lai; na Number cu AEOGYC asi lai tiah thawng a ka thanh. Zeitiawk dah atha tiah lungsau tein zanlei phak lai cu ka hngak. Hnangam tein ka um i, New York khualipi hna zong kan leng i a nuam ngai ve ko.
Zanlei sang a hung phak tikah, ka thil he cun LBA, New York vanlawng tual lei cu panh in ka hun i thawh. I ngaih ngai cun US Airways cu ka hei panh. A Hmun ka va phan i, vanlawng cung kaikhawhnak ding caah a herhmi Tikcet (Boarding pass) chuahnak seh cu ka hei fuh. Tuah tawn ning kel cun, ka Minpum, le ka Book nak number ka van tial tik cu, seh nih a ka thei ti lo ai! Ka min cu a hramthok he a donghnak he tial ter ka si. An cazin chungah ka min a um ti lo ai! Vanlawng lei riantuan pawl cu, ka hal hna tikah a ruah awk te kan hngal lo, na min um lo i kan in bawm kho lai lo ti asi! Ka khuaruah a har cang. Can tlawmpal ah US Airways in American Airline ah kan in thial caah kainak D (Terminal D) ah va kal tiah zanlei 6:20 zuan ding cu, 5:40 ro ah an ka ti tikah, rian rang taktak in ka tanh phum hmanhmaw tiah kaa thawh. Ka va phak tikah cun; Seh ahcun rian rang taktak in kan konglam cu ka van tial tikah na tlai cang ti asi.
Vanlawng Ticket a ngei lomi le keimah bantuk in an min a um lo mi, a tlai cangmi vialte cu hmunkhat ah a hnudeuh a zuangding vanlawng caah cun kan buai cio. Culakah cun Canada ah a zuang dingmi Vietnam pa le Brazil ah a zuang dingmi nu an um ve. Zuang kho ding an si ti lo tik ah an tha a chia ngaingai! Canada zuang ding pa cu, a chungkhat thawngthanhnak caah a phone zong a thi dih cang i chungkhar he pehtlaihnak zong a ngei kho ti lo. Brazil nu cu keimah bang Mirang holh a thiam ve lo i bawmh ka duh ngai nain ka bawm kho lo. A donghnak ah ka phone in mirang ca ka tial i, Google holh leh piaknak in kan i chawn kho. A chungkhar zong thawng a thanh kho ti hna lo. Culio ah LGA vanlawng tual cu lungrethei in mah le kongkau cio ah buai asi nain, vanlawng cit khawhnak ding caah Ticket ngeih lo ahcun umnak khua phak khawh asi lo i, vanlawng tual chung hrimhrim ah luhkhawh asi lo. Riantuan tu pawl cu, vanlawng ticket ka cawk ko tiah fianh len zongah na min a um lo caah kan in luh ter kho lo tiah an kan khar thup ko. Culioah ka tonmi thil kong ka ruat!
I. A TLAI HLAHAH!
Tha tein ticket zuar tu pawl nih ticket kan in pek tiah an ka ti ko nain, fehternak an ka tuahmi ka fian lo caah, ka kal nak ding hmun ka fiang ti lo i, AA kalding cu US Airways tu ah ka kal diam. US Airways ah ka min a um ti lo tikah riantuan pawl nih, na min a um lo caah kan in bawm kho tilo ti asi. A donghnak caan ah AA ka va kal tikah can na tlai cang caah kan in luhter kho ti lo ti a si than. Ka thinlung ah a hung chuakmi cu, vawlei ah thawngtha phunphun kan ngai, riantuan tu hna nih, Pathian bia chimh kan si, van cung ka kai lai tiah hnangam tein kan tlongleng i kan i lawm tuk hringhran. Sinain kan theihmi thawngtha hi kan i fian lo i, lamdang hmundangah mah hnangam in nuam in kan tlonlen lio ah, vanzuannak kan vanlawng min cazin ah kan min a um lo ahcun, bawmh khawh ka site lai lo hi ta tiah khua a ka ruah ter. AA airline ka va kal tikah na tlai cang tiah khirh ka si than. Velngeihnak caan hi a liam cuahmah, pumpak kan nunnak innka zong aa khar cuahmah. Hi lio caan ah, van kalnak ticket ngei loin sautuk kan vah sual i a caan a pahk tik ah cun na tlai cang ti kan i huah sual te kho hi ta ti zong khua ka ruah ter ngaingai.
Kan nunnak can tawite chungah, zungzal nunnak vanlam; Khamhnak lam serpiaktu Khrih fuh hi kan caah thil tha bik asi. Khrih loin thawngtha ka thei cang ko tiah mah hnangam in hnangamnak nih, vancung min cazin ah a kan khumh lai lo caah, a hmanmi hmun ah dir le kal ding hi kan nunnak nih a herh tukmi, kan daithlan lo awk mi sining asi. Cun, can ka ngei rih ko tiah daithlang in tlon len si tiloin, na tlai cang tiah ti kan si sual nakhnga lo, a tu kan caan hi caan thabik asi ti lungput ngeih i, kan khamhnak le kan luatnakhram Biatak chungah caan kan ngeih lio ah luh hi a kan luatertu Biatak thawngin, luatnak lam a si. (Johan 8:32) Zungzal Nunnak vanlawng a tlai hlan ah Fuh i zuam!
II. VANCUNG PENNAK KAWL HMASA!
Vanlawng ka tlai cang pinah, a tlai ngaingai cang caah a ka thlahmi ka hawi le nih cun tuzan cu riak lawlaw ko. Thaizing ah na kal te lai an ka ti. New York khua cu a phan bal lo mi kannih caah cun tlonvah a nuam, zoh ding a tam, thutdir hi cim a um lo, zante khuadei tlanglam kipah kan minung hawi an chuak i, nuam taktak in an tlonlennak hmun asi caah hi khua tlonlen cu a nuam tuk hringhran. Sihmanhseh law, New York ahcun khual ka si caah, nuam te le hnangam tein um ding ka si lo kha ka hngalh; ka kawi le tlung ko ning, kei ka inn cu Dallas a si ai, New York ahcun khual ka si ai tiah ka ti hna i Tlunkhawhnak nawl a ngeimi AA riantuan tu pawl ton nak ding caah Nazi pahnih cung kan hngak. Ka kawi le zongnih a kan hngah pi ve. Hi lio caan hi Mission Impossible timi Movie a chuah lio caan asi caah va zoh ta duak ka duh ngaingai ve! Ka hawi le nih cam ko Movie zong kan zoh ta lai tiah siaherh taktak in an ka tlolh. Ka duh tuk ve nain ka umnak inn phak khawh hi kei ka caah a herh tukhrinhran ti kha ka fian caah tlunkhawhnak lam tu cu ka kawl. Suimilam pakhat hnuah vanlawng Nawl ngeitu cu ka ton khawh, lungtling tein ka sining ka chimh i lawm tein a ka cohlan caah ka tlai deuh nain, zaanlei 6:20 Pm tlung ding cun an ka thial i, 7:50 PM in ka umnak khua Dallas lei ah ka zuang cuahmah.
III. ZUNGZAL KAN INN, VANRAM PHAKNAK LAM, JESUH!
Hi vawlei kan khuallam tlonlen hi a nuam tuk hringhran ko. Hawikom thatha, chungkhar unau tampi kan ngei. Tlaihchan ding thil, rumnak chawva tampi kan ngeih. Nun chung te ahhin vawlei pum nuamh caan hi kan i za hrimhrim lo. Hawikom dawt he New York khua tlonlen a nuamh bantuk in, hawikom dawt rual le chungkhar hna he hi vawlei tlonlen hi a nuam tuk hringhran ko. Sihmanhseh law hi vawlei cu zungzal kan um nak ding hmun asi lo caah, zeitluk kan tlaihchan i a nuam kan ti ko zongah, zungzal kan umnak ding hmun phaknak lam kawl hmasa hi kan caah a biapi hringhran. (Matthai 6:33) Zungzal Nunnak vanram, Bawipa nih a kan pekmi hmun phaknak ding caah, phah khawhnak nawl ngeitu Jesuh kan fuh a hau. (Johan 14:6) Na tlai cang tiah khirh thai a um ballo i, kan fuh tik poahah lawm tein kan umnak khua ah a kan zuanpi kho dingmi Jesuh Khrih, Bawi kan ngeih hi vawlei ah mi vantha bik kan si nak a si. (Hebru 7:25)
Vawlei nih Vancung phaknak lam na panh lio caan ah, ka kawi i nuam ko rih usih tiah an sawm ve tawn lai. Hi vawlei nuamhnak hi kan caah a za ti a um hrimhrim lai lo. Tlonlen a nuam tuk kan ti lio caan ah, kan nunnak a dong te lai. Khi tikah, Biaceih kan site lai. (Hebru 9:27) Cutikah min cazin ah kan min a um lo sualding le, na tlai cang tiah an kan ti sual ding hi tih a nung tuk hringhran. Vanlawng ticket ka cawk lio ah lawm taktak in a zuartu nu he kan i chawn nain, felai lo mi a rak si tikah, vanlawng kainak cazin chungah kaa tel ti lo ai. Vawlei ah nuam taktak in kan tlong leng lai nain, vankainak ah kan min cazin tial kho tu asi lo ahcun a kan taan tertu asi te lai. (Matthai 16:26) Zumhnak hman tehe Khamhnak pe kho tu biatak fuh hi kan herh tuk hringhran. Vawlei nuamhnak nih kan thlarau nunnak zungzal vanram a phak pi lai lo hi vawlei tlonlen a nuamh lio tein theih khawh hi kan caah a biapi ngaingai. (Luke 12:5)
Hi vawlei ah khual kan si caah, a nuamtuk tiah thlaihchan tuk in zungzal kan umnak ding hmun kong tu kan philh sual lo ding hi Bible cawnpiaknak asi. ( I Chanrelnak 29:15) A tlai cang nain amah a fuh tu paoh a khamh kho zungzal tu Khrih hi can kan ngeih lioah fuh khawh i zuam u sih. Hebru khrih cu zungzal in a nun caah mi hi a khamh khawh zungzal ko hna. Zungzal kan umnak ding cu Vanram asi. (II Korin 5:1)
August 11, 2015 @ 9:06 pm; Flight AA 1104, New York to Dallas Vanlawng cung in tialmi asi; Bawipa nih sunparnak co ko seh.
Lawmhnak tampi he
Zathawngcin
Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.
Biahmaithi
Albany Chin Christian Church ah mino cawnpiak dingin an ka sawm ve caah zarhkhat chung cawnpiaknak kan ngei. An Pastor, Danny Bawi nih a ngeihchunh Lexus in New York khuapi ah a ka thlah. August 11, 2015 zing 6:20 am ah ka umnak hmun Dallas lei ah New York khualipi in aa thawh ding ka si. Zantim ah kan theih lomi, vanlawng leiah tuanvo a ngeimi nu nih thaizing na tlung kho lai lo tlamtling lonak a um caah, Vanlawng leet asi tiah phone a kan chawnh pahah thaizing zanlei 6:20 ah kan in thial caah, cu caan ah cun na zuang te lai; na Number cu AEOGYC asi lai tiah thawng a ka thanh. Zeitiawk dah atha tiah lungsau tein zanlei phak lai cu ka hngak. Hnangam tein ka um i, New York khualipi hna zong kan leng i a nuam ngai ve ko.
Zanlei sang a hung phak tikah, ka thil he cun LBA, New York vanlawng tual lei cu panh in ka hun i thawh. I ngaih ngai cun US Airways cu ka hei panh. A Hmun ka va phan i, vanlawng cung kaikhawhnak ding caah a herhmi Tikcet (Boarding pass) chuahnak seh cu ka hei fuh. Tuah tawn ning kel cun, ka Minpum, le ka Book nak number ka van tial tik cu, seh nih a ka thei ti lo ai! Ka min cu a hramthok he a donghnak he tial ter ka si. An cazin chungah ka min a um ti lo ai! Vanlawng lei riantuan pawl cu, ka hal hna tikah a ruah awk te kan hngal lo, na min um lo i kan in bawm kho lai lo ti asi! Ka khuaruah a har cang. Can tlawmpal ah US Airways in American Airline ah kan in thial caah kainak D (Terminal D) ah va kal tiah zanlei 6:20 zuan ding cu, 5:40 ro ah an ka ti tikah, rian rang taktak in ka tanh phum hmanhmaw tiah kaa thawh. Ka va phak tikah cun; Seh ahcun rian rang taktak in kan konglam cu ka van tial tikah na tlai cang ti asi.
Vanlawng Ticket a ngei lomi le keimah bantuk in an min a um lo mi, a tlai cangmi vialte cu hmunkhat ah a hnudeuh a zuangding vanlawng caah cun kan buai cio. Culakah cun Canada ah a zuang dingmi Vietnam pa le Brazil ah a zuang dingmi nu an um ve. Zuang kho ding an si ti lo tik ah an tha a chia ngaingai! Canada zuang ding pa cu, a chungkhat thawngthanhnak caah a phone zong a thi dih cang i chungkhar he pehtlaihnak zong a ngei kho ti lo. Brazil nu cu keimah bang Mirang holh a thiam ve lo i bawmh ka duh ngai nain ka bawm kho lo. A donghnak ah ka phone in mirang ca ka tial i, Google holh leh piaknak in kan i chawn kho. A chungkhar zong thawng a thanh kho ti hna lo. Culio ah LGA vanlawng tual cu lungrethei in mah le kongkau cio ah buai asi nain, vanlawng cit khawhnak ding caah Ticket ngeih lo ahcun umnak khua phak khawh asi lo i, vanlawng tual chung hrimhrim ah luhkhawh asi lo. Riantuan tu pawl cu, vanlawng ticket ka cawk ko tiah fianh len zongah na min a um lo caah kan in luh ter kho lo tiah an kan khar thup ko. Culioah ka tonmi thil kong ka ruat!
I. A TLAI HLAHAH!
Tha tein ticket zuar tu pawl nih ticket kan in pek tiah an ka ti ko nain, fehternak an ka tuahmi ka fian lo caah, ka kal nak ding hmun ka fiang ti lo i, AA kalding cu US Airways tu ah ka kal diam. US Airways ah ka min a um ti lo tikah riantuan pawl nih, na min a um lo caah kan in bawm kho tilo ti asi. A donghnak caan ah AA ka va kal tikah can na tlai cang caah kan in luhter kho ti lo ti a si than. Ka thinlung ah a hung chuakmi cu, vawlei ah thawngtha phunphun kan ngai, riantuan tu hna nih, Pathian bia chimh kan si, van cung ka kai lai tiah hnangam tein kan tlongleng i kan i lawm tuk hringhran. Sinain kan theihmi thawngtha hi kan i fian lo i, lamdang hmundangah mah hnangam in nuam in kan tlonlen lio ah, vanzuannak kan vanlawng min cazin ah kan min a um lo ahcun, bawmh khawh ka site lai lo hi ta tiah khua a ka ruah ter. AA airline ka va kal tikah na tlai cang tiah khirh ka si than. Velngeihnak caan hi a liam cuahmah, pumpak kan nunnak innka zong aa khar cuahmah. Hi lio caan ah, van kalnak ticket ngei loin sautuk kan vah sual i a caan a pahk tik ah cun na tlai cang ti kan i huah sual te kho hi ta ti zong khua ka ruah ter ngaingai.
Kan nunnak can tawite chungah, zungzal nunnak vanlam; Khamhnak lam serpiaktu Khrih fuh hi kan caah thil tha bik asi. Khrih loin thawngtha ka thei cang ko tiah mah hnangam in hnangamnak nih, vancung min cazin ah a kan khumh lai lo caah, a hmanmi hmun ah dir le kal ding hi kan nunnak nih a herh tukmi, kan daithlan lo awk mi sining asi. Cun, can ka ngei rih ko tiah daithlang in tlon len si tiloin, na tlai cang tiah ti kan si sual nakhnga lo, a tu kan caan hi caan thabik asi ti lungput ngeih i, kan khamhnak le kan luatnakhram Biatak chungah caan kan ngeih lio ah luh hi a kan luatertu Biatak thawngin, luatnak lam a si. (Johan 8:32) Zungzal Nunnak vanlawng a tlai hlan ah Fuh i zuam!
II. VANCUNG PENNAK KAWL HMASA!
Vanlawng ka tlai cang pinah, a tlai ngaingai cang caah a ka thlahmi ka hawi le nih cun tuzan cu riak lawlaw ko. Thaizing ah na kal te lai an ka ti. New York khua cu a phan bal lo mi kannih caah cun tlonvah a nuam, zoh ding a tam, thutdir hi cim a um lo, zante khuadei tlanglam kipah kan minung hawi an chuak i, nuam taktak in an tlonlennak hmun asi caah hi khua tlonlen cu a nuam tuk hringhran. Sihmanhseh law, New York ahcun khual ka si caah, nuam te le hnangam tein um ding ka si lo kha ka hngalh; ka kawi le tlung ko ning, kei ka inn cu Dallas a si ai, New York ahcun khual ka si ai tiah ka ti hna i Tlunkhawhnak nawl a ngeimi AA riantuan tu pawl ton nak ding caah Nazi pahnih cung kan hngak. Ka kawi le zongnih a kan hngah pi ve. Hi lio caan hi Mission Impossible timi Movie a chuah lio caan asi caah va zoh ta duak ka duh ngaingai ve! Ka hawi le nih cam ko Movie zong kan zoh ta lai tiah siaherh taktak in an ka tlolh. Ka duh tuk ve nain ka umnak inn phak khawh hi kei ka caah a herh tukhrinhran ti kha ka fian caah tlunkhawhnak lam tu cu ka kawl. Suimilam pakhat hnuah vanlawng Nawl ngeitu cu ka ton khawh, lungtling tein ka sining ka chimh i lawm tein a ka cohlan caah ka tlai deuh nain, zaanlei 6:20 Pm tlung ding cun an ka thial i, 7:50 PM in ka umnak khua Dallas lei ah ka zuang cuahmah.
III. ZUNGZAL KAN INN, VANRAM PHAKNAK LAM, JESUH!
Hi vawlei kan khuallam tlonlen hi a nuam tuk hringhran ko. Hawikom thatha, chungkhar unau tampi kan ngei. Tlaihchan ding thil, rumnak chawva tampi kan ngeih. Nun chung te ahhin vawlei pum nuamh caan hi kan i za hrimhrim lo. Hawikom dawt he New York khua tlonlen a nuamh bantuk in, hawikom dawt rual le chungkhar hna he hi vawlei tlonlen hi a nuam tuk hringhran ko. Sihmanhseh law hi vawlei cu zungzal kan um nak ding hmun asi lo caah, zeitluk kan tlaihchan i a nuam kan ti ko zongah, zungzal kan umnak ding hmun phaknak lam kawl hmasa hi kan caah a biapi hringhran. (Matthai 6:33) Zungzal Nunnak vanram, Bawipa nih a kan pekmi hmun phaknak ding caah, phah khawhnak nawl ngeitu Jesuh kan fuh a hau. (Johan 14:6) Na tlai cang tiah khirh thai a um ballo i, kan fuh tik poahah lawm tein kan umnak khua ah a kan zuanpi kho dingmi Jesuh Khrih, Bawi kan ngeih hi vawlei ah mi vantha bik kan si nak a si. (Hebru 7:25)
Vawlei nih Vancung phaknak lam na panh lio caan ah, ka kawi i nuam ko rih usih tiah an sawm ve tawn lai. Hi vawlei nuamhnak hi kan caah a za ti a um hrimhrim lai lo. Tlonlen a nuam tuk kan ti lio caan ah, kan nunnak a dong te lai. Khi tikah, Biaceih kan site lai. (Hebru 9:27) Cutikah min cazin ah kan min a um lo sualding le, na tlai cang tiah an kan ti sual ding hi tih a nung tuk hringhran. Vanlawng ticket ka cawk lio ah lawm taktak in a zuartu nu he kan i chawn nain, felai lo mi a rak si tikah, vanlawng kainak cazin chungah kaa tel ti lo ai. Vawlei ah nuam taktak in kan tlong leng lai nain, vankainak ah kan min cazin tial kho tu asi lo ahcun a kan taan tertu asi te lai. (Matthai 16:26) Zumhnak hman tehe Khamhnak pe kho tu biatak fuh hi kan herh tuk hringhran. Vawlei nuamhnak nih kan thlarau nunnak zungzal vanram a phak pi lai lo hi vawlei tlonlen a nuamh lio tein theih khawh hi kan caah a biapi ngaingai. (Luke 12:5)
Hi vawlei ah khual kan si caah, a nuamtuk tiah thlaihchan tuk in zungzal kan umnak ding hmun kong tu kan philh sual lo ding hi Bible cawnpiaknak asi. ( I Chanrelnak 29:15) A tlai cang nain amah a fuh tu paoh a khamh kho zungzal tu Khrih hi can kan ngeih lioah fuh khawh i zuam u sih. Hebru khrih cu zungzal in a nun caah mi hi a khamh khawh zungzal ko hna. Zungzal kan umnak ding cu Vanram asi. (II Korin 5:1)
August 11, 2015 @ 9:06 pm; Flight AA 1104, New York to Dallas Vanlawng cung in tialmi asi; Bawipa nih sunparnak co ko seh.
Lawmhnak tampi he
Zathawngcin
HTML Comment Box is loading comments...
