ZEIZONG TEITU JESUH
Pathian nih zeizong vialte cu a ke tangah a chiah dih hna. I Korin 15:27
Bawipa cu thangthat tuah! Jesuh tuanbia cu a donghnak a tha tuk mi asi. A THOTHAN! A thawhthan lawng siloin atu te hin Bawipa orhlei kam ah a thu I Kanmah caah nawlnak bia a chim cuahmah ko. “… Thihnak in thawhter asi I Pathian orhlei kamah a um I kan ca I a kan nawlpiaktu cu amah (Jesuh) cu pei asi cu,” Rom 8:34 timi cathiang bia bantuk in Jesuh nih kan caah a tuah cuahmah ko. A thlacamnak cu Bawipa nih a theih piak zungzal i a leh zungzalmi, Jesuh asi. Na nunnak ah a tlungmi harnak, na lu cungah a ummi lungretheihnak le vawlei nun buaibainak vialte an rih tuk lio caan ah, hi thil vialte hi A KE TANG; Jesuh ke tangah an um kha philh hlah. Jesuh Khrih Lu cu khuazei ahdah a um? Vancung khua ah a um I, nangmah luatnak caah Pathian a nawl cuahmah ko. Khuazeidah na harnak, na lungretheihnak, le na buaibainak hna cu an um? A Ke tangah an um.
Jesuh cu a NUNG I nangmah ca I rak kir than ding ah a thlarau thla samh in a hngak cuahmah ko. Na nun a dongh tikah zungzal hrem hmun na phak nakhnga lo, Bawipa an nawl piak cuahmah I, na caah zungzal umnak Innkhan a remh cuahmah mi (Johan 14:2) Jesuh cu nang le kei kan caah a chuak than cang. Vawlei harnak, lungretheihnak le ngaichiatnak vialte hi a Ketang ah a ummi lawngte, a lamh cia I, a tei cia lawngte an si. Harnak tong le ngaihchia in na um lio caan asi maw? Vanah a lu chia in na caah Pathian sinah nawlnak bia an chimh piak tu Jesuh kha au law, Pathian sinah an hal piak lai I, lei le van ah Bawibik a simi Pathian nih lawmhnak le daih tlamting an pek ko lai. Aa lim cang (Johan 19:30) tiah Vailam cung in kan khamhnak rian a lim i, vawlei a kan teipiak tu Jesuh a min thangthat sikoseh. Amah fuh law, Daihnak an pek lai.
Isaiah 9:6
Kan caah ngakchia pakhat a chuak!
Christmas lawmhnak le daihnak nan cungah um ko seh.
Zathawngcin
BBC
Lewisville
December 6, 2014
Pathian nih zeizong vialte cu a ke tangah a chiah dih hna. I Korin 15:27
Bawipa cu thangthat tuah! Jesuh tuanbia cu a donghnak a tha tuk mi asi. A THOTHAN! A thawhthan lawng siloin atu te hin Bawipa orhlei kam ah a thu I Kanmah caah nawlnak bia a chim cuahmah ko. “… Thihnak in thawhter asi I Pathian orhlei kamah a um I kan ca I a kan nawlpiaktu cu amah (Jesuh) cu pei asi cu,” Rom 8:34 timi cathiang bia bantuk in Jesuh nih kan caah a tuah cuahmah ko. A thlacamnak cu Bawipa nih a theih piak zungzal i a leh zungzalmi, Jesuh asi. Na nunnak ah a tlungmi harnak, na lu cungah a ummi lungretheihnak le vawlei nun buaibainak vialte an rih tuk lio caan ah, hi thil vialte hi A KE TANG; Jesuh ke tangah an um kha philh hlah. Jesuh Khrih Lu cu khuazei ahdah a um? Vancung khua ah a um I, nangmah luatnak caah Pathian a nawl cuahmah ko. Khuazeidah na harnak, na lungretheihnak, le na buaibainak hna cu an um? A Ke tangah an um.
Jesuh cu a NUNG I nangmah ca I rak kir than ding ah a thlarau thla samh in a hngak cuahmah ko. Na nun a dongh tikah zungzal hrem hmun na phak nakhnga lo, Bawipa an nawl piak cuahmah I, na caah zungzal umnak Innkhan a remh cuahmah mi (Johan 14:2) Jesuh cu nang le kei kan caah a chuak than cang. Vawlei harnak, lungretheihnak le ngaichiatnak vialte hi a Ketang ah a ummi lawngte, a lamh cia I, a tei cia lawngte an si. Harnak tong le ngaihchia in na um lio caan asi maw? Vanah a lu chia in na caah Pathian sinah nawlnak bia an chimh piak tu Jesuh kha au law, Pathian sinah an hal piak lai I, lei le van ah Bawibik a simi Pathian nih lawmhnak le daih tlamting an pek ko lai. Aa lim cang (Johan 19:30) tiah Vailam cung in kan khamhnak rian a lim i, vawlei a kan teipiak tu Jesuh a min thangthat sikoseh. Amah fuh law, Daihnak an pek lai.
Isaiah 9:6
Kan caah ngakchia pakhat a chuak!
- Fapa pakhat pek kan si!
- Amah cu kan uktu bawi a si lai.
- Amah cu Khuaruahhar Fim Chimtu,
- A Ṭhawngmi Pathian,
- Zungzal Hmunmi Pa,
- Daihnak Bawi, ti a si lai.
Christmas lawmhnak le daihnak nan cungah um ko seh.
Zathawngcin
BBC
Lewisville
December 6, 2014
