KUM NO LE KUM TAR
"Annih cu Bawipa innchungah cinmi thing bantuk, Bawipa biakinn chungah hninghno ngaiin a um i, an tar tik hmanh ah thei a tlai lengmang i a zungzal in hring dildel in a um i a thawng ngaimi bantuk ansi." Psalm 92:13-14
Salm ca tialtu pa nih Bawipa he a nunnak a hmang ti mi hna cu, Sidar thingkung bantuk in an thawng tiah (Caang 12) ati. Sidar bantuk i na tthawng ti a duhlomi cu mi tlawmte lawng si a si lai. Sinain, pathian biakamnak nih hin Pumsa thazaang thawngnak kha a chim duhmi a si lo. Zeicahtiah catialtu nih a peh rih mi cu, "An tar hnu tiang hmanh ah thei a tlai zungzal i, hring dildel in a hninghno zungzal mi Nunnak an ngei," tiah a ti.
Kan dihlak caah biatak cu zeidah asi ti ah cun, kan tar deuhdeuh tik paoh ah, pumsa thazaang lei zongah kan der chin ve tawn. Hi thil sining hi Salm catialtu pa nih ralchanh in a doh mi siloin, Thlarau hninhnonak le thlarau thazaang tu kha a chim duhmi asi. Chimduhmi cu, Mi pakhat cu pumsa in zaang a tthawng ngaimi a si ko lio ah chunglei in a der thawmmi asi kho. Cubantuk cun Micheu ve cu, kum upat cuahmah ruangah pumsa in ka ttum ngaingai cang, ka derthawm cang tiah an i ruah lio ah chunglei Thlarau cu lawmhnak in a khat i vawlei ah aa lawmbik mi nun a ngei tu hna an si kho ve.
Zeinihdah Nun Dannak a chuahpi? Sidar bantuk in a tthawngmi Thlarau cu Pathian inn chung ah Hram aa bunh. Pathian umpinak le, a hninghno mi Pathian bia nih a Thlarau cu Tar kholo in a tuah i a pum cu tar in a thitha cu der chin cuahmah ko hmanhseh Thlarau ah a fek i a tthawng zungzal. A Thlarau thawnnak cu zungzal a hmun.
Vawlei kan pum cu rikhiah mi asi bantuk in ka tar deuh cang i ka pumsa, ka thitha an der cuahmah cang tiang naa ruah sual tikah nangmah le nangmah theihternak naa tuah tthan peng dingmi cu, Ahlan bantuk in hman santlai mi le thil ttha tuah kho tu sitihlah hmanhninglaw, Pathian cu kan rianttuannak a herh mi asi lo; Amah a Thangtthat, a Lawmhter mi le amah sinah Nunnak a pe mi nun tu kha a duhdeuh i a cohlang mi Pathian asi," tikha asi. Na kum a tar ruangah na pumsa der hmanhseh Pathian sin thlacamnak le Pathian sin i nunnak thinlung peknak ding caah Tar nak nih an don kho lo. Pathian a ttha.!
Sizung ihkhun cung zong in na tlai khawh mi theitlai ttha cu hi Nun; Pathian a thangtthat mi le, a lawmhter mi thlarau hi asi. Dernak nih an den i, fahnak na tuar cuahmah lio zongah naa lawmhpi khawh dingmi Damnak taktak cu hi Zumhnak hi asi.
Na kum a no ruang le na tar ruang ah siloin Bawipa chungah na um ruang le um lo ruang tu nih hin na Nunnak ah Lawmhnak le Zaangdernak kongah nawl an ngeih lai. Pathian chungah a ummi hna cu an tar kho lo an No zungzal.
Zathawngcin
October 26,2012
Salm ca tialtu pa nih Bawipa he a nunnak a hmang ti mi hna cu, Sidar thingkung bantuk in an thawng tiah (Caang 12) ati. Sidar bantuk i na tthawng ti a duhlomi cu mi tlawmte lawng si a si lai. Sinain, pathian biakamnak nih hin Pumsa thazaang thawngnak kha a chim duhmi a si lo. Zeicahtiah catialtu nih a peh rih mi cu, "An tar hnu tiang hmanh ah thei a tlai zungzal i, hring dildel in a hninghno zungzal mi Nunnak an ngei," tiah a ti.
Kan dihlak caah biatak cu zeidah asi ti ah cun, kan tar deuhdeuh tik paoh ah, pumsa thazaang lei zongah kan der chin ve tawn. Hi thil sining hi Salm catialtu pa nih ralchanh in a doh mi siloin, Thlarau hninhnonak le thlarau thazaang tu kha a chim duhmi asi. Chimduhmi cu, Mi pakhat cu pumsa in zaang a tthawng ngaimi a si ko lio ah chunglei in a der thawmmi asi kho. Cubantuk cun Micheu ve cu, kum upat cuahmah ruangah pumsa in ka ttum ngaingai cang, ka derthawm cang tiah an i ruah lio ah chunglei Thlarau cu lawmhnak in a khat i vawlei ah aa lawmbik mi nun a ngei tu hna an si kho ve.
Zeinihdah Nun Dannak a chuahpi? Sidar bantuk in a tthawngmi Thlarau cu Pathian inn chung ah Hram aa bunh. Pathian umpinak le, a hninghno mi Pathian bia nih a Thlarau cu Tar kholo in a tuah i a pum cu tar in a thitha cu der chin cuahmah ko hmanhseh Thlarau ah a fek i a tthawng zungzal. A Thlarau thawnnak cu zungzal a hmun.
Vawlei kan pum cu rikhiah mi asi bantuk in ka tar deuh cang i ka pumsa, ka thitha an der cuahmah cang tiang naa ruah sual tikah nangmah le nangmah theihternak naa tuah tthan peng dingmi cu, Ahlan bantuk in hman santlai mi le thil ttha tuah kho tu sitihlah hmanhninglaw, Pathian cu kan rianttuannak a herh mi asi lo; Amah a Thangtthat, a Lawmhter mi le amah sinah Nunnak a pe mi nun tu kha a duhdeuh i a cohlang mi Pathian asi," tikha asi. Na kum a tar ruangah na pumsa der hmanhseh Pathian sin thlacamnak le Pathian sin i nunnak thinlung peknak ding caah Tar nak nih an don kho lo. Pathian a ttha.!
Sizung ihkhun cung zong in na tlai khawh mi theitlai ttha cu hi Nun; Pathian a thangtthat mi le, a lawmhter mi thlarau hi asi. Dernak nih an den i, fahnak na tuar cuahmah lio zongah naa lawmhpi khawh dingmi Damnak taktak cu hi Zumhnak hi asi.
Na kum a no ruang le na tar ruang ah siloin Bawipa chungah na um ruang le um lo ruang tu nih hin na Nunnak ah Lawmhnak le Zaangdernak kongah nawl an ngeih lai. Pathian chungah a ummi hna cu an tar kho lo an No zungzal.
Zathawngcin
October 26,2012
