CAANRUAH HI THLUACHUAH ASI THEU!
"Asinain nan cungah a velngeihnak langhter duh ah Bawipa nih an hngah ko hna. Amah nih cun a dingmi thil kha a tuah zungzal caah nanmah zaangfah awk kha aa tim ko. Lunglawmhnak hi Bawipa i bochannak chungin a chuakmi a si."
Isaiah 30:18
Caan tampi cu kan cungah a velngeihnak langhter duh ah, Bawipa hi caan a la theu, i a tlai theu tawn. Lazaru a dam lo tikah, Jesuh an vung auh. Jesuh cu rat cawlh siloin, caan a la i caan sau nawn te ra lo in a um. (John 11:1-46) Lazaru a thih tiang bak a ra lo.
John 11:15 ah Jesuh bia kan hmuh khawhmi cu, "A sin i ka um lo i nan caah A TTHA ati." Mirang Bible (NIV) ahcun, "Hi hmun (Lazaru te inn) i ka rak um lo hi nanmah caah KAA LAWM," ati. Zeicahtiah Jesuh nih a thinlung chungah an caah a tha deuhmi thil lianngan a rak ngeih diam cang. A caan a rak hngah tu kha arak si.
Vawlei ah Jesuh run thlah dingah, Pathian nih biakamnak a tuah hnu kum 4000 chung a hngah. Galati 4:4 nih, "Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um," tiah a ti. Caan a hungphak tikah kan caah a ra. Pathian cu a tlai bal lo i, hnawhnam in caan a zaat hlan zongah rian a ttuan bal lo, amah caan ning tein rian a tuanmi Pathian asi.
Pathian sinah lungtak in thla na cam i na hmuh lo mi thil, na hngah pengmi thil, kum caan saupi chung thla na cam i na hal peng nain Pathian nih an leh rih lo mi a um maw? Lung dai tein um. Cun a caan a tlin tikah na hal mi kha Pathian nih an pek te lai zong kha hngalh i zuam law amah kha zuum. Pathian cu a tlai bal lo. Amah nih a caan a tling a ti caan tu kha lungsau tein hngak ko. Zeizong te hi Bawipa kut chungah an um. Amah nih a zaa a ti mi caan kha hngah khawh i zuam law, daihnak tlamtling na co lawng siloin, na caah a ttha deuhmi le a lianngan deuhmi thil kha Bawipa nih a lungthin chungah an chiah piak ko. Pathian nih na thlacam an leh rih lo mi cu na caah thil ttha deuh a ngeih caah asi. Pathian min thangtthat sikoseh!
Zathawngcin
Lewisville
April 24, 2013
Isaiah 30:18
Caan tampi cu kan cungah a velngeihnak langhter duh ah, Bawipa hi caan a la theu, i a tlai theu tawn. Lazaru a dam lo tikah, Jesuh an vung auh. Jesuh cu rat cawlh siloin, caan a la i caan sau nawn te ra lo in a um. (John 11:1-46) Lazaru a thih tiang bak a ra lo.
John 11:15 ah Jesuh bia kan hmuh khawhmi cu, "A sin i ka um lo i nan caah A TTHA ati." Mirang Bible (NIV) ahcun, "Hi hmun (Lazaru te inn) i ka rak um lo hi nanmah caah KAA LAWM," ati. Zeicahtiah Jesuh nih a thinlung chungah an caah a tha deuhmi thil lianngan a rak ngeih diam cang. A caan a rak hngah tu kha arak si.
Vawlei ah Jesuh run thlah dingah, Pathian nih biakamnak a tuah hnu kum 4000 chung a hngah. Galati 4:4 nih, "Sihmanhsehlaw caan cu a hung phak tikah, Pathian nih A Fapa kha a run thlah. Nu chung khan a hung chuak i Judah mi Nawlbia tangah khan a um," tiah a ti. Caan a hungphak tikah kan caah a ra. Pathian cu a tlai bal lo i, hnawhnam in caan a zaat hlan zongah rian a ttuan bal lo, amah caan ning tein rian a tuanmi Pathian asi.
Pathian sinah lungtak in thla na cam i na hmuh lo mi thil, na hngah pengmi thil, kum caan saupi chung thla na cam i na hal peng nain Pathian nih an leh rih lo mi a um maw? Lung dai tein um. Cun a caan a tlin tikah na hal mi kha Pathian nih an pek te lai zong kha hngalh i zuam law amah kha zuum. Pathian cu a tlai bal lo. Amah nih a caan a tling a ti caan tu kha lungsau tein hngak ko. Zeizong te hi Bawipa kut chungah an um. Amah nih a zaa a ti mi caan kha hngah khawh i zuam law, daihnak tlamtling na co lawng siloin, na caah a ttha deuhmi le a lianngan deuhmi thil kha Bawipa nih a lungthin chungah an chiah piak ko. Pathian nih na thlacam an leh rih lo mi cu na caah thil ttha deuh a ngeih caah asi. Pathian min thangtthat sikoseh!
Zathawngcin
Lewisville
April 24, 2013