Tuni Lawmhnak Bia Chim!
"Bawipa sinah lunglawmhnak bia chim tuah u, a min kha au tuah u, Mi zakip kha a tuahnak hngalhter hna u!"
I Chanrelnak 16:8
Lunglawmhnak bia chim hi thlarau nunnak caah si ttha pakhat asi. Minung kan nunnak ah kan chambau bikmi cu nitin kan nunnak ah kan co mi thilttha ruangah lawmhnak bia chim lo in, kan nun ah kan tonmi thil ttha lo tlawm te ruang tu ah phunzai a hmangmi kan si. Kan nunnak ah dongcat lo in thluachuah a kan petu Pathian sinah lawmhnak bia chim hi kan bau ngai tawn. A kan pekmi thluachuah cu lawm ngai in kan hman, kan i lawmh pi tawn ko hna nain, thluachuah petu Pathian hi philh in a um theu tawn. Caan tampi ah a kan pekmi thluachuah ruang i lawmhnak biachim cu chim lo in, thluachuah dang halchap nak caan hmanh kan ngei lo theu. Cucaah hi capar hin kan nunnak cio ah a tuahmi thil vialte ruattthan in Pathian sinah lawmhnak bia chim tti ding in kan sawm hna. An pekmi thluachuah hi aa dang men lai nain, a tanglei lawmhnak bia ah hin nangmah tein chap in Pathian sinah lawmhnak biachim ve te.
Bawipa chungkhar ttha na ka pek caah kaa lawm.
Pawcawmnak ca Rian na ka pek caah kaa lawm.
Lamkhat lawng siloin lam tampi in na ka zohkhenh caah kaa lawm.
Ka rawlchiahnak ah rawl ka ngeih caah kaa lawm.
Din ding ah ti thiangmi te ka ngeih caah kaa lawm.
Zaancan ihnak hmun na ka pek caah kaa lawm.
Hruk ding hnipuan ka ngeih caah kaa lawm.
Zalong tein nangmah kan thangtthat khawhnak Biakinn le Khrihfabu na ka pek caah kaa lawm.
Ka zawn a ka ruatmi hawikom ttha ka ngeih hna caah kaa lawm.
Na bia rel khawhnak ding caah Baibal ka ngeih caah kaa lawm.
Nunnak na ka pek rih caah kaa lawm.
Ka dam ruangah kaa lawm.
Hmuhkhawhnak, theihkhawhnak, rim theih khawhnak, tongh khawhnak le thawtnam theih khawhnak hna na ka pek caah kaa lawm.
Nikaa, thlapa le Arfi hna caah kaa lawm.
Thlicung a zuangmi va tete caah kaa lawm.
Rili chung nga tete caah kaa lawm.
Vawlei cung saram vialte caah kaa lawm.
Ka phuttawk lo na Vel ruangah kaa lawm.
Kan sualnak man ah thi ding in na Fapa na run thlah caah kaa lawm.
Peh len rih khawh a si lai. Tuni ah Pathian nih na caah a tuahmi thil vialte kha ruattthan in a sinah lawmhnak biachim ding in i tim. Thilhme he thilngan he, na nunnak ah Bawipa nih an tuahpi mi thluachuah vialte catlap cungah tial hna law, fakpi in thangpi in rel hna. Na ruahnak naknak in Bawipa thluachuah rel ding hi a tam deuh lai.
Na nunnak ah zumhnak lei ah na tthan nak ding caah, Bawipa sinin na hmuhmi Thluachuah vialte kha catlap cungah tial. Na nunnak ah Bawipa nih a tuahmi thil vialte hmuh khawh i zuam law Bawipa dawtnak a nganzia kha fiang tein na hmuh lai.
"Bawipa cu a ṭhat i a dawtnak cu zungzal in a hmunh caah lawm tuah u! Salm 118:1"
Relchap ding Baibal caang: Salm 45
Zathawngcin
March 21, 2013
I Chanrelnak 16:8
Lunglawmhnak bia chim hi thlarau nunnak caah si ttha pakhat asi. Minung kan nunnak ah kan chambau bikmi cu nitin kan nunnak ah kan co mi thilttha ruangah lawmhnak bia chim lo in, kan nun ah kan tonmi thil ttha lo tlawm te ruang tu ah phunzai a hmangmi kan si. Kan nunnak ah dongcat lo in thluachuah a kan petu Pathian sinah lawmhnak bia chim hi kan bau ngai tawn. A kan pekmi thluachuah cu lawm ngai in kan hman, kan i lawmh pi tawn ko hna nain, thluachuah petu Pathian hi philh in a um theu tawn. Caan tampi ah a kan pekmi thluachuah ruang i lawmhnak biachim cu chim lo in, thluachuah dang halchap nak caan hmanh kan ngei lo theu. Cucaah hi capar hin kan nunnak cio ah a tuahmi thil vialte ruattthan in Pathian sinah lawmhnak bia chim tti ding in kan sawm hna. An pekmi thluachuah hi aa dang men lai nain, a tanglei lawmhnak bia ah hin nangmah tein chap in Pathian sinah lawmhnak biachim ve te.
Bawipa chungkhar ttha na ka pek caah kaa lawm.
Pawcawmnak ca Rian na ka pek caah kaa lawm.
Lamkhat lawng siloin lam tampi in na ka zohkhenh caah kaa lawm.
Ka rawlchiahnak ah rawl ka ngeih caah kaa lawm.
Din ding ah ti thiangmi te ka ngeih caah kaa lawm.
Zaancan ihnak hmun na ka pek caah kaa lawm.
Hruk ding hnipuan ka ngeih caah kaa lawm.
Zalong tein nangmah kan thangtthat khawhnak Biakinn le Khrihfabu na ka pek caah kaa lawm.
Ka zawn a ka ruatmi hawikom ttha ka ngeih hna caah kaa lawm.
Na bia rel khawhnak ding caah Baibal ka ngeih caah kaa lawm.
Nunnak na ka pek rih caah kaa lawm.
Ka dam ruangah kaa lawm.
Hmuhkhawhnak, theihkhawhnak, rim theih khawhnak, tongh khawhnak le thawtnam theih khawhnak hna na ka pek caah kaa lawm.
Nikaa, thlapa le Arfi hna caah kaa lawm.
Thlicung a zuangmi va tete caah kaa lawm.
Rili chung nga tete caah kaa lawm.
Vawlei cung saram vialte caah kaa lawm.
Ka phuttawk lo na Vel ruangah kaa lawm.
Kan sualnak man ah thi ding in na Fapa na run thlah caah kaa lawm.
Peh len rih khawh a si lai. Tuni ah Pathian nih na caah a tuahmi thil vialte kha ruattthan in a sinah lawmhnak biachim ding in i tim. Thilhme he thilngan he, na nunnak ah Bawipa nih an tuahpi mi thluachuah vialte catlap cungah tial hna law, fakpi in thangpi in rel hna. Na ruahnak naknak in Bawipa thluachuah rel ding hi a tam deuh lai.
Na nunnak ah zumhnak lei ah na tthan nak ding caah, Bawipa sinin na hmuhmi Thluachuah vialte kha catlap cungah tial. Na nunnak ah Bawipa nih a tuahmi thil vialte hmuh khawh i zuam law Bawipa dawtnak a nganzia kha fiang tein na hmuh lai.
"Bawipa cu a ṭhat i a dawtnak cu zungzal in a hmunh caah lawm tuah u! Salm 118:1"
Relchap ding Baibal caang: Salm 45
Zathawngcin
March 21, 2013
