ZUMHNAK NU
"Cu tikah minu cu a ra i a hmaiah khukbil in a kun i, "Bawipa ka bawm ko," tiah ati." Matthai 15:25
A Fanu damnak ruah ah Jesuh sinah a ra mi Kanan nu hi a Min hmanh hngalh asilo. Amin kan hngal lo nain,a sining kan hngalh khawh mi cu, A THAWNGMI A ZUMHNAK asi, zeicahtiah Jesuh hrimhrim nih a zumhnak a tthawnnak kong kha a langhter i a fianter.
Jesuh sin i bawmhhal ah a rat ahhin, donkhan tu thil phunthum a ngei: Daih ternak, thianhlimnak le nehsawhnak kong ah an si. Zangfahnak pekding ah Jesuh a nawl hmasabik lio ah, Jesuh nih bia kaa khat hmanh a let lo. Aa theihter lo i a daiktak diam ko. (Caang 23) Nangtah lungtak in thla na cam ko nain, "Pathian nih let lo piin an um taak caan a um bal ve maw?" Hi Minu cu a au nak kha Pathian nih a let lo nain a lung adong lo.
Jesuh nih a bia a leh lo tikah, zultupawl nih hi nu hi kan kalter ah a tha lai tiah an ruah. Mi tampi cu kan Khrihfabu ah kan zumtu hawi pawl he lungtlin lo nak le siarem lo nak kan ngeih tikah Biakinn phan ti lo in kan um theu. Zultu pawl hi Khrihfabu athok hmasa mi pawl an si ko nain, hi Minu hi lawm tein cohlang siloin Jesuh pawng in chuak ding ah an dawi. Sinain cuti Zultupawl, khrihfabu thok tu pawl nih Jesuh biaknak hmun in kal ding ah an thawl ko nain cu zong nih cun Jesuh biak dingkha a dawn hlei lo. Jesuh ka zaamtak kho lo timi zumhnak tthawng a ngei peng.
A donghnak ah Jesuh nih Uico tiang he a tahchunh. Jesuh bialehnak nih khuaruahhar in akan hmuhsak mi cu; Jesuh nih hi nu a bawmhnak hi Zaangfahnak asi kha kan theih. Cu zaangfahnak cu co dingah kan i tlak mi cu asi lo. Kan phut kan tawk lo laksawng asi. Kan phut kan tawk lo in Jesuh nih a kan dawtnak ruah tikah kan khuaruah a har men ko lai nain, hi Nu cu a khuaruah a har lo. A hngalh bak mi cu Pathian vel, le a dawtnak co dingah kaa tlak lo ti kha fiang tein a hngalh cia mi asi. Kan nih cu kan philh theu!
Jesus nih Uico dirhmun tiang tahchunh in a zumhnak a hnek hnu ah fiang tein a thanh mi cu, "Na zumhnak a ngan hringhran," ti kha asi. A liannganbik mi bia kan chim khawh ding cu, Pathian vel le a dawtnak co ding ah kan i tlak lo, nain Zumhnak nganpi kan ngei," tihi asi. Hi Nu nih hin Jesuh, Pathian kha lunghrinnak le lung awttawmnak um lo bak in a zumh i Jesuh upatnak a pek nak kha fiang tein a langhter.
Jesuh sinah a ra, a Biak i a zumh; "Bawipa ka bawm tuah," tiah dawnkhan tu tampi lak ah ngol lo in Jesuh a auh. A nganmi a zumhnak nih khan, a hnu lei i a ummi, Jesuh ton khawhnak ding caah dawnkhan tu thil vialte kha a tlau ter dih i, Jesuh ke hram ah thu in a zaangfahnak pek dingah Jesuh sin ah nawl khawhnak thazaang a pek. Nang na zumhnak tah zeitluk ngan dah asi? Na Pathian tluk in na zumhnak hi a ngan maw?
Ruahchihawk:
1. Harsatnak na ton lio ah ruahchannak nganpi he Pathian na auh i an leh lo lio caan a um bal maw? Zeitindah na tuar tawn?
2. Na au nak aw Jesuh nih a theih lo mi a lawh tikah lungdong in na um bal maw?
3. Kanan nu cungah Jesuh nih velngeihnak a a ngeih mi hi na khuaruah a har maw?
4. Pathian dawtnak, ngaihthiamnak le a vel hi co ding ah kaa tlak ko tiah na ruat maw?
5. Harnak na ton tikah Jesuh na au tawn maw, nangmah ton in dah na ton tawn?
6. Na ton mi thil cung in bawmhnak hmuh dingah zeitluk in dah na zumh i, na zumhnak a ngan?
7. Na zumhnak hi na biakmi Pathian nak in a hme deuh sual maw?
A Fanu damnak ruah ah Jesuh sinah a ra mi Kanan nu hi a Min hmanh hngalh asilo. Amin kan hngal lo nain,a sining kan hngalh khawh mi cu, A THAWNGMI A ZUMHNAK asi, zeicahtiah Jesuh hrimhrim nih a zumhnak a tthawnnak kong kha a langhter i a fianter.
Jesuh sin i bawmhhal ah a rat ahhin, donkhan tu thil phunthum a ngei: Daih ternak, thianhlimnak le nehsawhnak kong ah an si. Zangfahnak pekding ah Jesuh a nawl hmasabik lio ah, Jesuh nih bia kaa khat hmanh a let lo. Aa theihter lo i a daiktak diam ko. (Caang 23) Nangtah lungtak in thla na cam ko nain, "Pathian nih let lo piin an um taak caan a um bal ve maw?" Hi Minu cu a au nak kha Pathian nih a let lo nain a lung adong lo.
Jesuh nih a bia a leh lo tikah, zultupawl nih hi nu hi kan kalter ah a tha lai tiah an ruah. Mi tampi cu kan Khrihfabu ah kan zumtu hawi pawl he lungtlin lo nak le siarem lo nak kan ngeih tikah Biakinn phan ti lo in kan um theu. Zultu pawl hi Khrihfabu athok hmasa mi pawl an si ko nain, hi Minu hi lawm tein cohlang siloin Jesuh pawng in chuak ding ah an dawi. Sinain cuti Zultupawl, khrihfabu thok tu pawl nih Jesuh biaknak hmun in kal ding ah an thawl ko nain cu zong nih cun Jesuh biak dingkha a dawn hlei lo. Jesuh ka zaamtak kho lo timi zumhnak tthawng a ngei peng.
A donghnak ah Jesuh nih Uico tiang he a tahchunh. Jesuh bialehnak nih khuaruahhar in akan hmuhsak mi cu; Jesuh nih hi nu a bawmhnak hi Zaangfahnak asi kha kan theih. Cu zaangfahnak cu co dingah kan i tlak mi cu asi lo. Kan phut kan tawk lo laksawng asi. Kan phut kan tawk lo in Jesuh nih a kan dawtnak ruah tikah kan khuaruah a har men ko lai nain, hi Nu cu a khuaruah a har lo. A hngalh bak mi cu Pathian vel, le a dawtnak co dingah kaa tlak lo ti kha fiang tein a hngalh cia mi asi. Kan nih cu kan philh theu!
Jesus nih Uico dirhmun tiang tahchunh in a zumhnak a hnek hnu ah fiang tein a thanh mi cu, "Na zumhnak a ngan hringhran," ti kha asi. A liannganbik mi bia kan chim khawh ding cu, Pathian vel le a dawtnak co ding ah kan i tlak lo, nain Zumhnak nganpi kan ngei," tihi asi. Hi Nu nih hin Jesuh, Pathian kha lunghrinnak le lung awttawmnak um lo bak in a zumh i Jesuh upatnak a pek nak kha fiang tein a langhter.
Jesuh sinah a ra, a Biak i a zumh; "Bawipa ka bawm tuah," tiah dawnkhan tu tampi lak ah ngol lo in Jesuh a auh. A nganmi a zumhnak nih khan, a hnu lei i a ummi, Jesuh ton khawhnak ding caah dawnkhan tu thil vialte kha a tlau ter dih i, Jesuh ke hram ah thu in a zaangfahnak pek dingah Jesuh sin ah nawl khawhnak thazaang a pek. Nang na zumhnak tah zeitluk ngan dah asi? Na Pathian tluk in na zumhnak hi a ngan maw?
Ruahchihawk:
1. Harsatnak na ton lio ah ruahchannak nganpi he Pathian na auh i an leh lo lio caan a um bal maw? Zeitindah na tuar tawn?
2. Na au nak aw Jesuh nih a theih lo mi a lawh tikah lungdong in na um bal maw?
3. Kanan nu cungah Jesuh nih velngeihnak a a ngeih mi hi na khuaruah a har maw?
4. Pathian dawtnak, ngaihthiamnak le a vel hi co ding ah kaa tlak ko tiah na ruat maw?
5. Harnak na ton tikah Jesuh na au tawn maw, nangmah ton in dah na ton tawn?
6. Na ton mi thil cung in bawmhnak hmuh dingah zeitluk in dah na zumh i, na zumhnak a ngan?
7. Na zumhnak hi na biakmi Pathian nak in a hme deuh sual maw?
