AA LAWMMI NIH AN TUAH LO MI THIL PHUNTHUM!
Filipi 4:8, “Adonghnak ah ka u le ka nau hna, nan lungthin kha a tha le thangthat awk a tlakmi thil in khahter hna u; a taktak asimi thil, a sunglawimi thil, aa dawhmi thil le upat awk a tlakmi thil in khahter hna u.”
Debra Flteta nih Aa lawmmi hna nih an tuah lo mi thil phunthum kong a tial. Voikhat cu Sianginn tha ah kaitermi, a duhmi poah a ngei khomi, nu le pa tha a ngeimi, inchungkhar le tlonlennak ah chambaunak a ngei lo mi, Mirum fanu tecu a zai peng ka theih. Azai bikmi cu ka nu le ka pa cu, lengchuah ter an kan duh lo tuk, ka hawi le vialte cu an chuak peng; ka hawi le bantuk nu le pa hi ngeih ka duh tiah a zai I ka ruahmi cu, “A ngeihmi nu le pa tha, le thluachuah vialte khi a hmu hnga lo maw! Maw ngakchia! Ka ti,” ati.
Kut le ke pakhat hmanh a ngei lo nain vawlei mirung minthang ah aa chuak mi pa cu Nick Vujicic asi. A chuah ka tein kut le ke lo in a chuak. Achimmi cu kum 8 ka si tiang, ka ngeih lo mi ka kut le ka ke kong lawngte ka ruat I, ka chuahchan ka hmu kho lo. Thih te hna ka duh I, ka nunnak sullam a ngeihnak ka hmu kho lo. Kum 8 ka tlin tikah, Bawipa thawng in Bawipa nih sunparnak caah a ka ser ti ka theih I, vawlei ah Bawipa sunparnak ah bawipa nih a ka hman I nunnak sullam ngei tein hmuitinh he a ka sernak kha ka hmuh khawh I amah thawngin phunzai nun in lawmh nun ka ngei cang ati. Cuti Kut le Ke a ngei lo mi pa cu, vawlei ramkip ah biachim ah sawm asi I, sianghleirun kip nih biachim an fialmi pa ah a cang. Cauk a tial mi tamtuk a zuar I mi rum ah a can lawng siloin thlarau tlau tampi nih Pathian dawtnak an theihnak hram ah a cang.
Nunnak ah aa lawmmi hna hi Lawmhnak hi an I chuahpimi, Nu hrin chihmi asi lo. Aa lawmmi thinlung an ngeih caah a si. Vawlei minung nih tonmi harnak vialte an tong dih ve ko nain, lawmhnak in an khat peng I mi thluachuak an si. Aa lawmmi hna nih an tuah lo mi thil pathum hna cu:
1. AN PHUNZAI BALLO
Phunzainak (Complain) nihhin lunglawmh lo nakah a kan hruai zungzal. Khuacan kongah, riantuanti pawl an tha lo ti kongah, nupi le va, chungkhar kongah a zai pengmi cu lawmhnak nun ngeih le phak khawh asi bal lo. Catial thiam pa nih zaitam pa le zaihmang lomi pa an um I Mitsur thei an ei tiah ati. Zaihmang lo panih ‘A thlum tuk ti ka kawi’ tiah zaitam pa cu a hei ti tikah, ZAITAM PA NIH CUN, aa thawh I, ‘A MU A TAM TUK,’ tiah a rak leh. Pangpar dawh taktak (Rose) an hmuh. Zai hmang lo pa nih, ‘Mah pangpar cu a va dawh dah!’ ati I Zaitampa nih cun aa thawh ve I, “A HLING TAMTUK MI ASI,’ ati ve hawi. Culioah, Dinding (Cocacola) dur khat veve an I cawk I an ding pah cuahmah. Caan tlawmpal ah Zaitampa nih cun a ngeihmi cu a zoh I, ‘Bialo thipthep, dinding thawltan lawng ka ngei cang’ tiah a zai lio ah, Zaihmang lo pa nih cun aa thawh I, ‘Maw vanthat, Dinding thawltan ka ngei rih’ tiah aa lawm tuk,” tiah a ti. Minung kan nunnak ah kan ngeih lo mi kongah lungretheih I zai peng I, ngeihmi cungah I lawmh khawh lo hi, lawmh lo nak hrampi asi. Aa lawmmi cu an ngeih lo mi cungah a phunzai lo mi an si.
2. MI DANG HE AN I TAHCHUN BALLO
Kan nunnak ah midang he I tahchunh nun kan ngei tawn. Caan tampi ah minak in a za deuh, a tha deuh, a fim deuh, hlawhtling deuh in kan I hmuh chikkhat ah cun kan I lawm tawn nain tlawmpal ah kanmah nakin hlawhtling deuhmi, aa dawh deuhmi, a za deuhmi, a fim deuhmi zawn kan phak tikah lungretheihnak le nun lawmh lo nak nih a zulh tawn. Vawlei minung kan I tahchunh ding an um lo. Pathian nih kanmah bantuk te hin a kan herh caah vawlei ah kanmah te lawng a kan sernak asi. Kanmah bantuk hi vawlei ah cawkding kawl len zongah kan hmu ti hna lai lo. Sertu nih a tu bantuk te hin a kan herh caah atu kan sining te hin a kan sernak kan si.
Khrihfa cu, chuhkhawh tilo mi, zorter khawh ti lo dingmi, Khrihnih a kan pekmi Khamhnak MAN lawnglawng in kan man hi aa tah ding kan si. Cu MAN cu a dik, a hman, I a thawngmi tahnak asi. Itahnak fung pakhat lawng a um, cucu Kalvary Vailamtah tung asi. Pathian cu nangmah le keimah kan nunnak caah Thihnak tuar in zeitluk a sunglawimi kan si kha vawlei theih in a thanh caah a sunglawimi man ngeimi kan si; A Min thangthat sikoseh. Jesuh Kalvary ah kan man a um caah vawlei mi he tahchunh ding pakhat hmanh kan ngei lo. Aa lawmmi minung cu minung hawi he I tahchunh lo in, Kalvary Vailam tahnak in a man aa tahmi an si tawn.
3. MI ZUAM NUN AN NGEI LO
Mi hmai chuah duhnak, minak in san deuh duhnak rap ah caan tampi ah minung hi kan I foih tawn. Kan ngeihchiah chawva, kan chungkhar sining, kan pathian riantuannak, tbk ah tampi in hlawhtlin deuh le tlamtlin deuh a duhmi Nun kan ngei. Minung phung asi. Lente kan I celh tik zongah tei kan duh I kan si khawh chung kan I zuam tawn, a phung asi ko. Sihmanhsehlaw aa lawm mi minung hna nih an fian mi cu, Nun lungdiriamnak (Contentment) hi, Mi va Teinak, Vawlei cung thilri le Hlawhtlinnak ah tamdeuh VA ngeihnak hna ah um loin, Jesuh Khrih Dawtnak, Vel le Zangfahnak tu ah a um ti kha an fiang. Midang nakin ka tha deuh timi kha biapi bikah a chiahmi nunnak siloin Midang caah thla a cam I midang caah Thluachuah a hal mi Nunzia tu ah khan Lawmhnak tlamtling a um tawn. Aa lawmmi minung hna cu mi a zuam mi siloin Mi thluachuah a hal piakmi an si tawn.
Aa lawmmi Nunnak conak caah aa thupmi tawhfung cu, Phunzainak, Mi he I tahchunhnak nun le Mi a zuammi lungput hnakha Nunnak chungah a um ter lo mi, NO! a ti kho mi nun le Jesuh cungah Hram a bunhmi Nun kha asi.
Filipi 4:8, “Adonghnak ah ka u le ka nau hna, nan lungthin kha a tha le thangthat awk a tlakmi thil in khahter hna u; a taktak asimi thil, a sunglawimi thil, aa dawhmi thil le upat awk a tlakmi thil in khahter hna u.”
Minung nih vawleiah phunzai ding kan tong lengmang ko lai. Ngeih lo le hmuh khawh lo dingmi thil kong kha fakdeuh in a ruat mi nih lung hnangamnak hmu lo in Ramcar nun an ngei tawn I, a ngeih lomi nakin a ngeihmi thil le a phak khawhmi dirhmun ah Lawmhnak bia chim kho mi hna kha Kanan nun, lawmhnak nun a co I lawmhnak hrampi a pemh mi an si. Bawipa nih Lawmhnak thluachuah in pe ko hna seh.
Zathawngcin
Bethel Baptist Church
Lewisville
March 25, 2015
Filipi 4:8, “Adonghnak ah ka u le ka nau hna, nan lungthin kha a tha le thangthat awk a tlakmi thil in khahter hna u; a taktak asimi thil, a sunglawimi thil, aa dawhmi thil le upat awk a tlakmi thil in khahter hna u.”
Debra Flteta nih Aa lawmmi hna nih an tuah lo mi thil phunthum kong a tial. Voikhat cu Sianginn tha ah kaitermi, a duhmi poah a ngei khomi, nu le pa tha a ngeimi, inchungkhar le tlonlennak ah chambaunak a ngei lo mi, Mirum fanu tecu a zai peng ka theih. Azai bikmi cu ka nu le ka pa cu, lengchuah ter an kan duh lo tuk, ka hawi le vialte cu an chuak peng; ka hawi le bantuk nu le pa hi ngeih ka duh tiah a zai I ka ruahmi cu, “A ngeihmi nu le pa tha, le thluachuah vialte khi a hmu hnga lo maw! Maw ngakchia! Ka ti,” ati.
Kut le ke pakhat hmanh a ngei lo nain vawlei mirung minthang ah aa chuak mi pa cu Nick Vujicic asi. A chuah ka tein kut le ke lo in a chuak. Achimmi cu kum 8 ka si tiang, ka ngeih lo mi ka kut le ka ke kong lawngte ka ruat I, ka chuahchan ka hmu kho lo. Thih te hna ka duh I, ka nunnak sullam a ngeihnak ka hmu kho lo. Kum 8 ka tlin tikah, Bawipa thawng in Bawipa nih sunparnak caah a ka ser ti ka theih I, vawlei ah Bawipa sunparnak ah bawipa nih a ka hman I nunnak sullam ngei tein hmuitinh he a ka sernak kha ka hmuh khawh I amah thawngin phunzai nun in lawmh nun ka ngei cang ati. Cuti Kut le Ke a ngei lo mi pa cu, vawlei ramkip ah biachim ah sawm asi I, sianghleirun kip nih biachim an fialmi pa ah a cang. Cauk a tial mi tamtuk a zuar I mi rum ah a can lawng siloin thlarau tlau tampi nih Pathian dawtnak an theihnak hram ah a cang.
Nunnak ah aa lawmmi hna hi Lawmhnak hi an I chuahpimi, Nu hrin chihmi asi lo. Aa lawmmi thinlung an ngeih caah a si. Vawlei minung nih tonmi harnak vialte an tong dih ve ko nain, lawmhnak in an khat peng I mi thluachuak an si. Aa lawmmi hna nih an tuah lo mi thil pathum hna cu:
1. AN PHUNZAI BALLO
Phunzainak (Complain) nihhin lunglawmh lo nakah a kan hruai zungzal. Khuacan kongah, riantuanti pawl an tha lo ti kongah, nupi le va, chungkhar kongah a zai pengmi cu lawmhnak nun ngeih le phak khawh asi bal lo. Catial thiam pa nih zaitam pa le zaihmang lomi pa an um I Mitsur thei an ei tiah ati. Zaihmang lo panih ‘A thlum tuk ti ka kawi’ tiah zaitam pa cu a hei ti tikah, ZAITAM PA NIH CUN, aa thawh I, ‘A MU A TAM TUK,’ tiah a rak leh. Pangpar dawh taktak (Rose) an hmuh. Zai hmang lo pa nih, ‘Mah pangpar cu a va dawh dah!’ ati I Zaitampa nih cun aa thawh ve I, “A HLING TAMTUK MI ASI,’ ati ve hawi. Culioah, Dinding (Cocacola) dur khat veve an I cawk I an ding pah cuahmah. Caan tlawmpal ah Zaitampa nih cun a ngeihmi cu a zoh I, ‘Bialo thipthep, dinding thawltan lawng ka ngei cang’ tiah a zai lio ah, Zaihmang lo pa nih cun aa thawh I, ‘Maw vanthat, Dinding thawltan ka ngei rih’ tiah aa lawm tuk,” tiah a ti. Minung kan nunnak ah kan ngeih lo mi kongah lungretheih I zai peng I, ngeihmi cungah I lawmh khawh lo hi, lawmh lo nak hrampi asi. Aa lawmmi cu an ngeih lo mi cungah a phunzai lo mi an si.
2. MI DANG HE AN I TAHCHUN BALLO
Kan nunnak ah midang he I tahchunh nun kan ngei tawn. Caan tampi ah minak in a za deuh, a tha deuh, a fim deuh, hlawhtling deuh in kan I hmuh chikkhat ah cun kan I lawm tawn nain tlawmpal ah kanmah nakin hlawhtling deuhmi, aa dawh deuhmi, a za deuhmi, a fim deuhmi zawn kan phak tikah lungretheihnak le nun lawmh lo nak nih a zulh tawn. Vawlei minung kan I tahchunh ding an um lo. Pathian nih kanmah bantuk te hin a kan herh caah vawlei ah kanmah te lawng a kan sernak asi. Kanmah bantuk hi vawlei ah cawkding kawl len zongah kan hmu ti hna lai lo. Sertu nih a tu bantuk te hin a kan herh caah atu kan sining te hin a kan sernak kan si.
Khrihfa cu, chuhkhawh tilo mi, zorter khawh ti lo dingmi, Khrihnih a kan pekmi Khamhnak MAN lawnglawng in kan man hi aa tah ding kan si. Cu MAN cu a dik, a hman, I a thawngmi tahnak asi. Itahnak fung pakhat lawng a um, cucu Kalvary Vailamtah tung asi. Pathian cu nangmah le keimah kan nunnak caah Thihnak tuar in zeitluk a sunglawimi kan si kha vawlei theih in a thanh caah a sunglawimi man ngeimi kan si; A Min thangthat sikoseh. Jesuh Kalvary ah kan man a um caah vawlei mi he tahchunh ding pakhat hmanh kan ngei lo. Aa lawmmi minung cu minung hawi he I tahchunh lo in, Kalvary Vailam tahnak in a man aa tahmi an si tawn.
3. MI ZUAM NUN AN NGEI LO
Mi hmai chuah duhnak, minak in san deuh duhnak rap ah caan tampi ah minung hi kan I foih tawn. Kan ngeihchiah chawva, kan chungkhar sining, kan pathian riantuannak, tbk ah tampi in hlawhtlin deuh le tlamtlin deuh a duhmi Nun kan ngei. Minung phung asi. Lente kan I celh tik zongah tei kan duh I kan si khawh chung kan I zuam tawn, a phung asi ko. Sihmanhsehlaw aa lawm mi minung hna nih an fian mi cu, Nun lungdiriamnak (Contentment) hi, Mi va Teinak, Vawlei cung thilri le Hlawhtlinnak ah tamdeuh VA ngeihnak hna ah um loin, Jesuh Khrih Dawtnak, Vel le Zangfahnak tu ah a um ti kha an fiang. Midang nakin ka tha deuh timi kha biapi bikah a chiahmi nunnak siloin Midang caah thla a cam I midang caah Thluachuah a hal mi Nunzia tu ah khan Lawmhnak tlamtling a um tawn. Aa lawmmi minung hna cu mi a zuam mi siloin Mi thluachuah a hal piakmi an si tawn.
Aa lawmmi Nunnak conak caah aa thupmi tawhfung cu, Phunzainak, Mi he I tahchunhnak nun le Mi a zuammi lungput hnakha Nunnak chungah a um ter lo mi, NO! a ti kho mi nun le Jesuh cungah Hram a bunhmi Nun kha asi.
Filipi 4:8, “Adonghnak ah ka u le ka nau hna, nan lungthin kha a tha le thangthat awk a tlakmi thil in khahter hna u; a taktak asimi thil, a sunglawimi thil, aa dawhmi thil le upat awk a tlakmi thil in khahter hna u.”
Minung nih vawleiah phunzai ding kan tong lengmang ko lai. Ngeih lo le hmuh khawh lo dingmi thil kong kha fakdeuh in a ruat mi nih lung hnangamnak hmu lo in Ramcar nun an ngei tawn I, a ngeih lomi nakin a ngeihmi thil le a phak khawhmi dirhmun ah Lawmhnak bia chim kho mi hna kha Kanan nun, lawmhnak nun a co I lawmhnak hrampi a pemh mi an si. Bawipa nih Lawmhnak thluachuah in pe ko hna seh.
Zathawngcin
Bethel Baptist Church
Lewisville
March 25, 2015
