SULLAM ANGEI BIKMI THLACAMNAK
Luke 19:10, "Zeicahtiah Mi Fapa cu a tlaumi kawl awk le khamh awkah a ra,” tiah a ti.
Vawlei zumtu vialte nih thla kan cammi hi zeikong bikdah a si hnga? Taksa damnak kong asi. Kan pumpak pumsa a damnak ca zong thla kan cam bantuk in, kan chungkhat a zawmi hna le kan pawngkam mizaw kan theihmi hna an dam nakhnga caah thla kan cam. Thlacamnak hmun ah voi zeizatdah naa tel bal cang i zeikong dah cam a si bik tawn?
Vawlei takpum damnak caah siloin, vawlei ah Thlarau a tlaumi, kan minung hawi hna khamh an sinak ding caah tuahmi thlacamnak hmunah naa tel bal maw? Nangmah pumpak nih tah na pawngkam minung hna Thlarau khamhnak an hmuh i zungzal nunnak an co nakhnga caah thla na cam bal maw? Nangmah pumpak damnak le thluachuah hmuhnak ca lawng dah na cam ve tawn!
Caan tampi ah Thlarau tlaumi hna Hell chung in an luat ding kong nakin Zumtu pawl Vancung ah dai tein an um khawhnak ding tuhi Pathian sinah lawmhnak bia kan chim theu tawn. Kan thi lai i Vancung kan phan lai timi lawng hi thil sining a si lo. Kan thi lai i Hell ah kan kal lai ti zong hi thil sining a si ve. Cucaah zumtu hawi le, kan thlacam ning hi Vawlei pumsa damnak ca lawng halnak hmun in Thlarau damnak le zungzal nunnak hmuhnak hmunhma ah i thial caan a cu cang.
Na thlacamnak cazin zohtthan law - Thlarau tlau in khamh a herhmi minung hna kha zeizawn ahdah na chiah hna? Lamdik an hmuhtthan khawhnak ding caah zeidah na tuahpiak hna i na bawmh hna?
Vawlei pumsa damnak ca lawng thlacam le khuakhan siti loin Thlarau a tlaumi hnanih khamhnak an hmuh i thlarau damnak an hmuhkhawh nakhnga thlacam hi sullam a ngeibik mi thlacamnak asi.
Pathian cu sunparnak pek si zungzal ko seh.
Zathawngcin
July 1, 2012
Vawlei zumtu vialte nih thla kan cammi hi zeikong bikdah a si hnga? Taksa damnak kong asi. Kan pumpak pumsa a damnak ca zong thla kan cam bantuk in, kan chungkhat a zawmi hna le kan pawngkam mizaw kan theihmi hna an dam nakhnga caah thla kan cam. Thlacamnak hmun ah voi zeizatdah naa tel bal cang i zeikong dah cam a si bik tawn?
Vawlei takpum damnak caah siloin, vawlei ah Thlarau a tlaumi, kan minung hawi hna khamh an sinak ding caah tuahmi thlacamnak hmunah naa tel bal maw? Nangmah pumpak nih tah na pawngkam minung hna Thlarau khamhnak an hmuh i zungzal nunnak an co nakhnga caah thla na cam bal maw? Nangmah pumpak damnak le thluachuah hmuhnak ca lawng dah na cam ve tawn!
Caan tampi ah Thlarau tlaumi hna Hell chung in an luat ding kong nakin Zumtu pawl Vancung ah dai tein an um khawhnak ding tuhi Pathian sinah lawmhnak bia kan chim theu tawn. Kan thi lai i Vancung kan phan lai timi lawng hi thil sining a si lo. Kan thi lai i Hell ah kan kal lai ti zong hi thil sining a si ve. Cucaah zumtu hawi le, kan thlacam ning hi Vawlei pumsa damnak ca lawng halnak hmun in Thlarau damnak le zungzal nunnak hmuhnak hmunhma ah i thial caan a cu cang.
Na thlacamnak cazin zohtthan law - Thlarau tlau in khamh a herhmi minung hna kha zeizawn ahdah na chiah hna? Lamdik an hmuhtthan khawhnak ding caah zeidah na tuahpiak hna i na bawmh hna?
Vawlei pumsa damnak ca lawng thlacam le khuakhan siti loin Thlarau a tlaumi hnanih khamhnak an hmuh i thlarau damnak an hmuhkhawh nakhnga thlacam hi sullam a ngeibik mi thlacamnak asi.
Pathian cu sunparnak pek si zungzal ko seh.
Zathawngcin
July 1, 2012
