KHUALTLUNG DAWTNAK
Hospitality
Bible Relnak: John 21:1-14
"Jesuh nih, “Ra u law ra ei tuah u!,” tiah a ti hna." John 21:12
Zultu pawl cu an rawl a ttaam caah ngasio ah an kal. Phundang in cun Tuahding dang an ngeih lo ca zong ah asi. (Vs.3) Zarh tampi chungah zultu pawl an nunnak ah khuaruahhar in voithumnak thlennak a tlun asi.
Jesuh thihnak nih zultu pawl nunnak ah an ruahchannak a tlauter, ttihphannak a pek hna pinah thil sual kan tuah ko rua tiin lung ttha lo in a um ter hna. Lungrawk in an umnak cu, Jesuh thih ruangah an ruahchannak kha a ziamh caah asi. Ttihphang in an umnak cu, an Hruaitu pa (Jesuh) a thih caah asi I, Jesuh dih in cun kan mah caan asi lai tikha an theih, an zumh caah asi. Kan sual ko rua tiah phuhrun in an umnak cu, Jesuh nih an mah kha an herh bik hna lio caan, a thih lai ah an zaam tak; a hlei tein Peter nih a zaam tak caah asi. Cucaah, innkaa an i khar I ho theih lo in lungrawk ngai in an I puum. Cuticun lungrawk ngai in an um I lungnuam lo ngai in an I tonnak a rak hnahnawh tu cu, Jesuh a nungtthan tiah thawngthanh ah a ra mi Nu a si. Cu tlawmpal ah Jesuh zong cu an sin ah aa langh tthan.
Zultu pawl I an lungdonghnak le an ttihphannak vialte cu Hmaingalnak le lawmhnak ah a hung I thleng. Zeicahtiah an Bawipa cu a Nungtthan cang! Siseh thil tlawmpal aa thleng. Jesuh cu an sin ah a um ko nain, an sin ah khua asa zungzal ti lo. Jesuh hi zoh tikah zultu hna nun ah tthannak lam sialpiak duhnak ngeih dawh asi. Ngasio an kal lio ah Jesuh nih a halmi kong he pehtlaiin Peter nunnak ah sual phuhrun nak kha a taang peng rih.
Jesuh nih zultu hna a ton tthan hna tikah Nunnem le dawtnak he a chawnh hna. An rak zaam tak I zultu pawl nih kan cungah a ngeih a chia theu lai tiah phuhrung ngai in an rak um bantuk kha si lo in Dawtnak he a chawnhbiak hna kha a lang. Jesuh nih Peter hi sualphawt dingah biaceihnak zung ah au in ton siloin, zaangfahnak le vel he a mah Peter a um tawnnak Galilee rili tilet lakah kal in Peter cu a ton tthan. Jesuh nih Peter hi minung tamnak hmun le zung dangdang ah au in tong sehlaw an biaruahnak hi phundang piin a va kal kho ko hnga! Sihmanhseh, rilikam ah paw khim te le lawm tein a um lio ah Jesuh nih a va auh tikah, tuar a har ngaimi Jesuh bia kha Peter nih a pehzulh khawh. Jesuh nih a timi cu, “Johan fapa, Simon, na ka daw maw?.... ka Tuu kha zohkhenh hna,” tiah ati. (Cang 17)
Caan tampi ah khualtlung, Jesuh caah a rian a tammi Martha nak in Jesuh kam ah thu in a bia a ngai mi Mary (Luke 10:38-42) hi upatnak pe deuh in, Khualtlung Dawtnak nun hi zeirel lo in kan um theu tawn. Hi tuanbia ah kan hmuh khawhmi cu Jesuh kha lum tein an inn ah an tlunter i an dawtnak an langhternak kha asi. Minung pakhatkhat he lungthin tak in biaruah le pehtlaih na herh maw? Mi thinlung laa ngai in Jesuh nih biaruah a thoknak hmun cu, “Rilikam i Thaithawh ei sawmnak” in asi.
Genesis 18:1-15 chung kan rel ahcun, Abraham nih khual pawl a sin tlung dingin a sawm hna i, an tar hnu ah Fapa te thluachuah an peknak kong kan hmuh. Khual dawtnak nun nih an in chungkhar ah an i ruah ngam lo mi van thluachuah an conak kha fiang tein kan hmuh khawh.
Ruahchihawk:
1. Na pawngkam minung hna caah lawmhnak ape khomi hawikomhnak hmunhma na ser ma?
2. Zeiruang ahdah Khualtlung dawt ding hi Khrihfa kan nunnak ah a herh?
3. Kan theih lo mi khual kha lawm tein tluninn a onh kho mi kan si hnga maw? Ahlei in ramdang a ummi kan caah theihlomi minung kha inn ah tlunter ding hi a har ngaingai i, Tlunter ding a si ko tiah na ruat maw?
Theihternak:
Mike Wittmer nih a tialmi "Hospitality" timi capar tharchuahmi a si.
"Jesuh nih, “Ra u law ra ei tuah u!,” tiah a ti hna." John 21:12
Zultu pawl cu an rawl a ttaam caah ngasio ah an kal. Phundang in cun Tuahding dang an ngeih lo ca zong ah asi. (Vs.3) Zarh tampi chungah zultu pawl an nunnak ah khuaruahhar in voithumnak thlennak a tlun asi.
Jesuh thihnak nih zultu pawl nunnak ah an ruahchannak a tlauter, ttihphannak a pek hna pinah thil sual kan tuah ko rua tiin lung ttha lo in a um ter hna. Lungrawk in an umnak cu, Jesuh thih ruangah an ruahchannak kha a ziamh caah asi. Ttihphang in an umnak cu, an Hruaitu pa (Jesuh) a thih caah asi I, Jesuh dih in cun kan mah caan asi lai tikha an theih, an zumh caah asi. Kan sual ko rua tiah phuhrun in an umnak cu, Jesuh nih an mah kha an herh bik hna lio caan, a thih lai ah an zaam tak; a hlei tein Peter nih a zaam tak caah asi. Cucaah, innkaa an i khar I ho theih lo in lungrawk ngai in an I puum. Cuticun lungrawk ngai in an um I lungnuam lo ngai in an I tonnak a rak hnahnawh tu cu, Jesuh a nungtthan tiah thawngthanh ah a ra mi Nu a si. Cu tlawmpal ah Jesuh zong cu an sin ah aa langh tthan.
Zultu pawl I an lungdonghnak le an ttihphannak vialte cu Hmaingalnak le lawmhnak ah a hung I thleng. Zeicahtiah an Bawipa cu a Nungtthan cang! Siseh thil tlawmpal aa thleng. Jesuh cu an sin ah a um ko nain, an sin ah khua asa zungzal ti lo. Jesuh hi zoh tikah zultu hna nun ah tthannak lam sialpiak duhnak ngeih dawh asi. Ngasio an kal lio ah Jesuh nih a halmi kong he pehtlaiin Peter nunnak ah sual phuhrun nak kha a taang peng rih.
Jesuh nih zultu hna a ton tthan hna tikah Nunnem le dawtnak he a chawnh hna. An rak zaam tak I zultu pawl nih kan cungah a ngeih a chia theu lai tiah phuhrung ngai in an rak um bantuk kha si lo in Dawtnak he a chawnhbiak hna kha a lang. Jesuh nih Peter hi sualphawt dingah biaceihnak zung ah au in ton siloin, zaangfahnak le vel he a mah Peter a um tawnnak Galilee rili tilet lakah kal in Peter cu a ton tthan. Jesuh nih Peter hi minung tamnak hmun le zung dangdang ah au in tong sehlaw an biaruahnak hi phundang piin a va kal kho ko hnga! Sihmanhseh, rilikam ah paw khim te le lawm tein a um lio ah Jesuh nih a va auh tikah, tuar a har ngaimi Jesuh bia kha Peter nih a pehzulh khawh. Jesuh nih a timi cu, “Johan fapa, Simon, na ka daw maw?.... ka Tuu kha zohkhenh hna,” tiah ati. (Cang 17)
Caan tampi ah khualtlung, Jesuh caah a rian a tammi Martha nak in Jesuh kam ah thu in a bia a ngai mi Mary (Luke 10:38-42) hi upatnak pe deuh in, Khualtlung Dawtnak nun hi zeirel lo in kan um theu tawn. Hi tuanbia ah kan hmuh khawhmi cu Jesuh kha lum tein an inn ah an tlunter i an dawtnak an langhternak kha asi. Minung pakhatkhat he lungthin tak in biaruah le pehtlaih na herh maw? Mi thinlung laa ngai in Jesuh nih biaruah a thoknak hmun cu, “Rilikam i Thaithawh ei sawmnak” in asi.
Genesis 18:1-15 chung kan rel ahcun, Abraham nih khual pawl a sin tlung dingin a sawm hna i, an tar hnu ah Fapa te thluachuah an peknak kong kan hmuh. Khual dawtnak nun nih an in chungkhar ah an i ruah ngam lo mi van thluachuah an conak kha fiang tein kan hmuh khawh.
Ruahchihawk:
1. Na pawngkam minung hna caah lawmhnak ape khomi hawikomhnak hmunhma na ser ma?
2. Zeiruang ahdah Khualtlung dawt ding hi Khrihfa kan nunnak ah a herh?
3. Kan theih lo mi khual kha lawm tein tluninn a onh kho mi kan si hnga maw? Ahlei in ramdang a ummi kan caah theihlomi minung kha inn ah tlunter ding hi a har ngaingai i, Tlunter ding a si ko tiah na ruat maw?
Theihternak:
Mike Wittmer nih a tialmi "Hospitality" timi capar tharchuahmi a si.
