THIL HMETE AH ZUMHTLAK NUN
“Thil hmete ah zumhawktlak a simi cu thil ngan zongah zumhawktlak an si tawn, thil hmete ah a hrokhrawlmi cu thil ngan zongah an hrokhrawl tawn.” Luke 16:10
Rili pi ti khi, Ti dor hme tete pakhat hnu pakhat in aa khongmi asi. Meng million pathum leng a kaumi, Sahara these rawn pi khi, Thetse dip pakhat tete an i fonh i a chuak mi asi. Thil ngan pipi tiah kan ruah mi vialte hi thil hme tete in aa sermi an si dih. Kan nunnak zongah kan i thimmi thil hmete nih khuaruahhar thil ngan a chuah pi khawh. Kan nunnak ah a chuakmi thil lianngan thil thahnem kan timi hna hi Thimnak hmete kan tuahmi, cawlcanghnak hmete kan ngeih mi le, bia ka tlawmte kan chimmi le thil hmete kan ruahmi in an i thok tawn. Nifatin te kan nunnak ah midang nun ah hmual kan va ngei tihi zeitikhmanh ah philh lo ding asi. Kan chim kan tuah mi thil hme tete nih midang nun a va tongh kha theih zungzal kan herh. Thil hmete ah zumhtlak kan si ahcun thil lianngan pi zongah zumhtlak kan si lai ti kha bible nih a fian tuk. Phundang in chim ahcun thil hmete ah felfai tein kan um ahcun thil ngan pipi zong an mah tein kan nun ah an chuak ko lai.
Bible nih Khrih lamkaltu nan si a kan ti. Nifatin kan nunnak ah zeithil kan tuah poah ah, Khrih aiawh kan si kha philh lo in thil hmete zongah a mah lamkaltu dirhmun in kan cawlcangh peng ding hi cathiang cawnpiaknak asi. Kan hawi pa nih riantuannak ah thlacam ka hmang bal lo lioah mirang ngakchia pa te cu rawl ei lai fatin te thla a cam i, amah pawngah ka ei ahcun thlacam lo in ka ei ngam ti lo a ti. Pathian nih thil hmete ah zumhtlak a simi kha thil lianngan tuahnak hriam ah a hman tawn hna. Pumpak na nunnak zongah sualnak a si ah thatnak a si ah, Pathian sunparnak ca na nunah, Setan sunparnak ca na nunah; Thilhmete ah na ruahmi nih na nun a thah khawh bantukin, na nun zong van ah a cawi khawh ve. Nitin na nunnak ah zumhtlak in um ko. Bawipa nih an cawisan lai.
Hmantlak mi zumtu, chungkhar, le pumpak kan si khawh nakhnga ni fatin kan nunnakah thilhmete ah zumhtlak nun in kan than a hau. Pathian dawtnak, inpa dawtnak, thlarau lei thannak le, khrihfa nunzia ah a hmete a si zongah zumhtlak tein khuasak tintuk naknih Bawipa a lawmhter i thil nganpi ah a chuahter tawn.
Hmailei kongah na lungre a thei maw? Zumhtlak tein Bawipa i tlaih ko.
Zathawngcin
February 9, 2018
Bethel Baptist Church
Lewisville, Texas, USA
Rili pi ti khi, Ti dor hme tete pakhat hnu pakhat in aa khongmi asi. Meng million pathum leng a kaumi, Sahara these rawn pi khi, Thetse dip pakhat tete an i fonh i a chuak mi asi. Thil ngan pipi tiah kan ruah mi vialte hi thil hme tete in aa sermi an si dih. Kan nunnak zongah kan i thimmi thil hmete nih khuaruahhar thil ngan a chuah pi khawh. Kan nunnak ah a chuakmi thil lianngan thil thahnem kan timi hna hi Thimnak hmete kan tuahmi, cawlcanghnak hmete kan ngeih mi le, bia ka tlawmte kan chimmi le thil hmete kan ruahmi in an i thok tawn. Nifatin te kan nunnak ah midang nun ah hmual kan va ngei tihi zeitikhmanh ah philh lo ding asi. Kan chim kan tuah mi thil hme tete nih midang nun a va tongh kha theih zungzal kan herh. Thil hmete ah zumhtlak kan si ahcun thil lianngan pi zongah zumhtlak kan si lai ti kha bible nih a fian tuk. Phundang in chim ahcun thil hmete ah felfai tein kan um ahcun thil ngan pipi zong an mah tein kan nun ah an chuak ko lai.
Bible nih Khrih lamkaltu nan si a kan ti. Nifatin kan nunnak ah zeithil kan tuah poah ah, Khrih aiawh kan si kha philh lo in thil hmete zongah a mah lamkaltu dirhmun in kan cawlcangh peng ding hi cathiang cawnpiaknak asi. Kan hawi pa nih riantuannak ah thlacam ka hmang bal lo lioah mirang ngakchia pa te cu rawl ei lai fatin te thla a cam i, amah pawngah ka ei ahcun thlacam lo in ka ei ngam ti lo a ti. Pathian nih thil hmete ah zumhtlak a simi kha thil lianngan tuahnak hriam ah a hman tawn hna. Pumpak na nunnak zongah sualnak a si ah thatnak a si ah, Pathian sunparnak ca na nunah, Setan sunparnak ca na nunah; Thilhmete ah na ruahmi nih na nun a thah khawh bantukin, na nun zong van ah a cawi khawh ve. Nitin na nunnak ah zumhtlak in um ko. Bawipa nih an cawisan lai.
Hmantlak mi zumtu, chungkhar, le pumpak kan si khawh nakhnga ni fatin kan nunnakah thilhmete ah zumhtlak nun in kan than a hau. Pathian dawtnak, inpa dawtnak, thlarau lei thannak le, khrihfa nunzia ah a hmete a si zongah zumhtlak tein khuasak tintuk naknih Bawipa a lawmhter i thil nganpi ah a chuahter tawn.
Hmailei kongah na lungre a thei maw? Zumhtlak tein Bawipa i tlaih ko.
Zathawngcin
February 9, 2018
Bethel Baptist Church
Lewisville, Texas, USA
HTML Comment Box is loading comments...
