Khristmas Ah Zeidah Sungh Ding Na Ngeih?
"Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in." ( Zechariah 10:2)
Khristmas hmuitinh hi philh a fawi te. Khristmas bantuk caan ahhin tuah dingmi thil an tam tuk tawn; Chawlehnak, phungphai in tuah tawnmi thil tuahnak, chungkhar ca le Khrihfabu rian ah buai tuk lio caan asi.
Khristmas sullam Muru theih khawh nakding caah Tukhal, Mifim le misual hna kan nunnak zohtthan an hau. Jesuh nih a ngakchiat deuh lio i a rian ttuannak ah a rak chimmi, vawlei i a rat hnawhchannak kong kha zoh tthan a herh. "Zeicahtiah Mi Fapa cu a tlaumi kawl awk le khamh awkah a ra,” tiah a ti." Luke 19:10
Khristmas hi lawm taktak in kan hman i kan i lawmh khunnak cu zeidang ruangah siloin Jesuh cu Atlau mi hna kawl i khamh awkah Vawlei ah a rat caah asi. Jesuh nih TLAU kong chimhnak ding caah tuanbia pathum a hman.: Tu tlau tahchunhnak, Tangka tlau tahchunhnak le Fapa tlau pa kong ansi. Hi Tuanbia hna nih fiang tein an kan chimhmi cu, "PATHIAN HE KAN I PEH LO TIK PAOH AH KAN TLAU" ti kha asi.
Kan Hoihmi (Our Direction): Tu Tlau kong ah Baibal nih a chimmi cu, "Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si." (Isaiah 53:6) Tu nih hin Tlau ding hi an i timhmi asi bal lo; Anmah an i chuahpi ning tekha asi ko. Kan mah zong Tu bantuk kan si ve. Kan i chuahpi mi sining hrimhrim ahhin, Kanmah duhmi lam a zul mi minung kan si. Kanmah duhmi lam kan zulh tikah kan Lam a tlau tawn.
Pathian Zohkhenhnak (God's Protection); Tu tlau kong ah;
Tu hna hi anmah tein aa humhak mi le aa kilvengmi saram an si lo. Cucaah Khaltu a ngei lo mi Tu cu athi dingmi asi. Kanmah zong kan si ve. Baibal nih, "Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in." (Zekhariah 10:2) Pathian he pehtlaihnak ngeih lo ahcun minung cu rawhralnak a phan dingmi lawng kan si ko.
Kan Thawnnak Thazaang (Our Full Potential); Tangka tlau kong ah;
Tangka hi thil ti khawh thawnnak a ngei ngaingai mi asi nain, a tlau cang hnu ahcun thawnnak a ngei ti lo. Baibal nih, "Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak." ( I Korin 2:9) Pathian he pehtlaihnak a ngeimi hna an thawnnak cu man khiah khawh lo le tah khawh lo mi thazang a ngeimi thawnnak asi i Pathian he pehtlaihnak a ngei lomi hna nih an thlau mi le an sunghmi thazaang zong tah khawh lo mi thawnnak asi ve.
Kan i lawmhnak (Our Happiness); Fapa tlau pa tahchungnak chung in:
Fapa tlau pa nih a pa zohkhenhnak le kilvennak kha kaltak in amah duh mi lam a van i thim tikah, caan rau lo teah lileng in harnak a phan cawlh ko. Nihin vawlei ah Pathian duhmi lam zul loin mah duhmi lam a zulmi minung relcawk lo in kan um cang. Pathian he pehtlaihnak a ngei lo mi kan Nunzia nih kan i lawmhnak cu tlawmpal ah a hrawh dih ko lai.
Vancung Khua Kan Inn (Our Home in Heaven); Fapa tlau pa tuanbia in zohtikah, Vawlei kan um lio ahhin Pathian nih amah ralchanh in vawlei ahhin Nunnak nawl a kan pek tawn nak a lang. Sihmanhsehlaw Vancung khua ahcun Bawipa ralchanhnak nawl a um ti lo. Zungzal nuncang hmunh nak caah timhlamhnak ngei bu te nunhi a sunglawi bikmi Nunnak hmanning asi. Pathian nih kan mah lam a kan pek ve. Vawlei ah Amah telloin Nun kan duh ahcun, Amah lo in zungzal nunnak nawl a kan pek ve lai mi hi tih a nung tuk. Pathian a um lo nak hmun cu Hell ram asi. (Baibal)
Pathian he pehtlaihnak ngei lo in Nun cu hmurka in chimh khawh lo mi, tih a nung taktak mi nunnak rallian asi. Bawipa tello in a nung mi na si sual ahcun, HNGAK HLAH! Atu ah Bawipa he i peh! Bawipa he aa peh mi nun ngeihnak ding caah zeidah sunghding na ngeih!
Ruahchih Ding:
1. Chunglei taktak in Bawipa he pehtlaihnak ka ngei ko tikha na Nunnak nih zeitindah a langhter lai; Tette a piah lai?
2. Na pawngkam ah tutan Khristmas ah Pathian he pumpak in an i pehtlaih a herh ko rua tiah na ruah mi minung an um maw? Zeitindah Bawipa he pehtlaihnak an ngeih khawh nakhnga na bawmh lai?
Lawmhnak tampi he
Zathawngcin
December 17, 2012
Khristmas hmuitinh hi philh a fawi te. Khristmas bantuk caan ahhin tuah dingmi thil an tam tuk tawn; Chawlehnak, phungphai in tuah tawnmi thil tuahnak, chungkhar ca le Khrihfabu rian ah buai tuk lio caan asi.
Khristmas sullam Muru theih khawh nakding caah Tukhal, Mifim le misual hna kan nunnak zohtthan an hau. Jesuh nih a ngakchiat deuh lio i a rian ttuannak ah a rak chimmi, vawlei i a rat hnawhchannak kong kha zoh tthan a herh. "Zeicahtiah Mi Fapa cu a tlaumi kawl awk le khamh awkah a ra,” tiah a ti." Luke 19:10
Khristmas hi lawm taktak in kan hman i kan i lawmh khunnak cu zeidang ruangah siloin Jesuh cu Atlau mi hna kawl i khamh awkah Vawlei ah a rat caah asi. Jesuh nih TLAU kong chimhnak ding caah tuanbia pathum a hman.: Tu tlau tahchunhnak, Tangka tlau tahchunhnak le Fapa tlau pa kong ansi. Hi Tuanbia hna nih fiang tein an kan chimhmi cu, "PATHIAN HE KAN I PEH LO TIK PAOH AH KAN TLAU" ti kha asi.
Kan Hoihmi (Our Direction): Tu Tlau kong ah Baibal nih a chimmi cu, "Kannih cu kan dihlak in a tlaumi tuu bantuk kan si; kan duhnak cio paoh ah khan kan rak kal. Cucaah dantatnak cu Bawipa nih amah cung tu ah khan a tlunter i cu dantatnak cu kanmah tu nih kan in awk a rak simi kha a si." (Isaiah 53:6) Tu nih hin Tlau ding hi an i timhmi asi bal lo; Anmah an i chuahpi ning tekha asi ko. Kan mah zong Tu bantuk kan si ve. Kan i chuahpi mi sining hrimhrim ahhin, Kanmah duhmi lam a zul mi minung kan si. Kanmah duhmi lam kan zulh tikah kan Lam a tlau tawn.
Pathian Zohkhenhnak (God's Protection); Tu tlau kong ah;
Tu hna hi anmah tein aa humhak mi le aa kilvengmi saram an si lo. Cucaah Khaltu a ngei lo mi Tu cu athi dingmi asi. Kanmah zong kan si ve. Baibal nih, "Innchungkhar khuazing hna nih cun pakpalawng biakamnak kha an chim i, Litinthiam hna nih cun ahmaan lomi hmelchunhnak kha an hmuh, Mangihthiam minu hna nih khan hlennak mang an manh i pakpalawng bia kha an chim. Mi cu tuu bantukin an vak, tuukhal a um lo caah harnak kha an in." (Zekhariah 10:2) Pathian he pehtlaihnak ngeih lo ahcun minung cu rawhralnak a phan dingmi lawng kan si ko.
Kan Thawnnak Thazaang (Our Full Potential); Tangka tlau kong ah;
Tangka hi thil ti khawh thawnnak a ngei ngaingai mi asi nain, a tlau cang hnu ahcun thawnnak a ngei ti lo. Baibal nih, "Sihmanhsehlaw Cathiang nih, “Ahohmanh nih an hmuh bal lomi le an theih bal lomi, A si kho lai, tiah ahohmanh nih a ruah in an ruah bal lomi, Kha thengte kha Pathian nih amah a dawtu hna ca i a timhmi cu a si,” a ti bang khan a si taktak." ( I Korin 2:9) Pathian he pehtlaihnak a ngeimi hna an thawnnak cu man khiah khawh lo le tah khawh lo mi thazang a ngeimi thawnnak asi i Pathian he pehtlaihnak a ngei lomi hna nih an thlau mi le an sunghmi thazaang zong tah khawh lo mi thawnnak asi ve.
Kan i lawmhnak (Our Happiness); Fapa tlau pa tahchungnak chung in:
Fapa tlau pa nih a pa zohkhenhnak le kilvennak kha kaltak in amah duh mi lam a van i thim tikah, caan rau lo teah lileng in harnak a phan cawlh ko. Nihin vawlei ah Pathian duhmi lam zul loin mah duhmi lam a zulmi minung relcawk lo in kan um cang. Pathian he pehtlaihnak a ngei lo mi kan Nunzia nih kan i lawmhnak cu tlawmpal ah a hrawh dih ko lai.
Vancung Khua Kan Inn (Our Home in Heaven); Fapa tlau pa tuanbia in zohtikah, Vawlei kan um lio ahhin Pathian nih amah ralchanh in vawlei ahhin Nunnak nawl a kan pek tawn nak a lang. Sihmanhsehlaw Vancung khua ahcun Bawipa ralchanhnak nawl a um ti lo. Zungzal nuncang hmunh nak caah timhlamhnak ngei bu te nunhi a sunglawi bikmi Nunnak hmanning asi. Pathian nih kan mah lam a kan pek ve. Vawlei ah Amah telloin Nun kan duh ahcun, Amah lo in zungzal nunnak nawl a kan pek ve lai mi hi tih a nung tuk. Pathian a um lo nak hmun cu Hell ram asi. (Baibal)
Pathian he pehtlaihnak ngei lo in Nun cu hmurka in chimh khawh lo mi, tih a nung taktak mi nunnak rallian asi. Bawipa tello in a nung mi na si sual ahcun, HNGAK HLAH! Atu ah Bawipa he i peh! Bawipa he aa peh mi nun ngeihnak ding caah zeidah sunghding na ngeih!
Ruahchih Ding:
1. Chunglei taktak in Bawipa he pehtlaihnak ka ngei ko tikha na Nunnak nih zeitindah a langhter lai; Tette a piah lai?
2. Na pawngkam ah tutan Khristmas ah Pathian he pumpak in an i pehtlaih a herh ko rua tiah na ruah mi minung an um maw? Zeitindah Bawipa he pehtlaihnak an ngeih khawh nakhnga na bawmh lai?
Lawmhnak tampi he
Zathawngcin
December 17, 2012
