HMUHNING PHUNDANG
“Sihmanhsehlaw annih lak i a cheukhat cu an lung a khong i an zum duh lo; Bawipa Lam kong kha zapi hmaiah a ṭhalo tiah an ti. Cucaah Paul nih khan a chuahtak hna i zultu pawl kha aa kalpi hna; ni fate in Tirannas biachimnak inn timi ah khan mi kha a cawnpiak hna” Lamkaltu 19:9
Bible chungah Jesuh sinah a ra i, zumh dingah a thinlung aa thlek i vancung pennak tette nun a pemhmi hna nunnak ah a hodah an si-nak kong ah biahalnak a um ti lo. A ho an si kha an i fiang tuk.
Zumlo tu hna hmanh nih zungzal nunnak Lam a zulmi an si le cu lam caah a nungmi an si kha fiang tein an hngalh tawn hna. Zeicahtiah an nunnak kha vawlei zaraan minung nunning he aa lo lo. Phundang tein an nun caah a si. An nunnak kha Jesuh le Vancung pennak he fekthupin an in tem, an kalti peng. An sining hrimhrim kha vawlei mi in i hmu ti lo in Vancungpennak he an i tem tikah vawlei fa bantukin nung ti lo in Pennak fa bantuk in an nung i an duhbikmi cu Pennak ca nun hman le thap kha asi. Cucaah Van pennak tette an si tiah an pawngkam hna nih an mah tein Jesuh zumtu ka si ti i chim hau lo in an nunning le biapi ah an chiahmi zohin an hngalh hna.
Nihin zumtu nun ah a poi ngaingai mi thil pakhat cu mizeidah ka si ti aa hngal i cutining in a nung taktak mi zultu um lo tluk kan si hi a si. Lungthiang tein Pathian zum ko tung nain an zumhnak cu an nunnak khan dang teah a va chiami kan tam. Kan zumhnak le kan nun pehtlaihnak an ngei lo i an nungti tawn lo in khua an sa ti tawn lo. Mah kong langhternak Muru taktak a hung phak tikah, Khrih lamkaltu kan sinak lang ti loin, vawlei kan rian, kan dirhmun, kan ngeihmi chawva, le kan hawikom mi zeidah an si ti pawl tu kha kan sining langhter tu ah an cang theu.
Pakhatkhat nih ruah lo pi ah hodah na si tiah in hal hna sehlaw Jesuh le Pathian pennak kong na thinlung ah duak tiah a hung chuak hnga maw. Pathian fa na si i van pennak caah vawlei ah nun hmang ding in cawkmi na si nak kha chim hau loin na nun ah midang nih an hmu kho hnga maw. Hodah na si kha an in hal tikah Jesuh le Vancung pennak kong na nunnak thinlung muru ah a chuah cawlh rih lo ahcun AA LAKLAWH RIHMI Khrihfa, A sining le a dirhmun a fiang taktak rih lo mi Khrihfa na si. Vancung pennak chungkhar ah chungtel na si bantukin na sining hi vawlei tahnak ah a um ti lo i Khrih he aa pehtlai mi na si cang. Cucaah vawlei ah a hodah na si timi biahalnak lehnak caah hin, NUNNAK PEK IN AN CAWMI JESUH KONG CHIM LO IN Um i nangmah kong le nangmah dirhmun tu chimnak ding caah LAM aum ti lo. Nangmah ta na si lo, Pathian ta le amah FA na si cang caah asi.
Pathian fa na si kha philh hlah law! Pathian fa bantuk tein nitin na nunnak na hman ahcun Na nun in Pathian nih sunparnak a co lai.
Zathawngcin
February 14, 2018
Bible chungah Jesuh sinah a ra i, zumh dingah a thinlung aa thlek i vancung pennak tette nun a pemhmi hna nunnak ah a hodah an si-nak kong ah biahalnak a um ti lo. A ho an si kha an i fiang tuk.
Zumlo tu hna hmanh nih zungzal nunnak Lam a zulmi an si le cu lam caah a nungmi an si kha fiang tein an hngalh tawn hna. Zeicahtiah an nunnak kha vawlei zaraan minung nunning he aa lo lo. Phundang tein an nun caah a si. An nunnak kha Jesuh le Vancung pennak he fekthupin an in tem, an kalti peng. An sining hrimhrim kha vawlei mi in i hmu ti lo in Vancungpennak he an i tem tikah vawlei fa bantukin nung ti lo in Pennak fa bantuk in an nung i an duhbikmi cu Pennak ca nun hman le thap kha asi. Cucaah Van pennak tette an si tiah an pawngkam hna nih an mah tein Jesuh zumtu ka si ti i chim hau lo in an nunning le biapi ah an chiahmi zohin an hngalh hna.
Nihin zumtu nun ah a poi ngaingai mi thil pakhat cu mizeidah ka si ti aa hngal i cutining in a nung taktak mi zultu um lo tluk kan si hi a si. Lungthiang tein Pathian zum ko tung nain an zumhnak cu an nunnak khan dang teah a va chiami kan tam. Kan zumhnak le kan nun pehtlaihnak an ngei lo i an nungti tawn lo in khua an sa ti tawn lo. Mah kong langhternak Muru taktak a hung phak tikah, Khrih lamkaltu kan sinak lang ti loin, vawlei kan rian, kan dirhmun, kan ngeihmi chawva, le kan hawikom mi zeidah an si ti pawl tu kha kan sining langhter tu ah an cang theu.
Pakhatkhat nih ruah lo pi ah hodah na si tiah in hal hna sehlaw Jesuh le Pathian pennak kong na thinlung ah duak tiah a hung chuak hnga maw. Pathian fa na si i van pennak caah vawlei ah nun hmang ding in cawkmi na si nak kha chim hau loin na nun ah midang nih an hmu kho hnga maw. Hodah na si kha an in hal tikah Jesuh le Vancung pennak kong na nunnak thinlung muru ah a chuah cawlh rih lo ahcun AA LAKLAWH RIHMI Khrihfa, A sining le a dirhmun a fiang taktak rih lo mi Khrihfa na si. Vancung pennak chungkhar ah chungtel na si bantukin na sining hi vawlei tahnak ah a um ti lo i Khrih he aa pehtlai mi na si cang. Cucaah vawlei ah a hodah na si timi biahalnak lehnak caah hin, NUNNAK PEK IN AN CAWMI JESUH KONG CHIM LO IN Um i nangmah kong le nangmah dirhmun tu chimnak ding caah LAM aum ti lo. Nangmah ta na si lo, Pathian ta le amah FA na si cang caah asi.
Pathian fa na si kha philh hlah law! Pathian fa bantuk tein nitin na nunnak na hman ahcun Na nun in Pathian nih sunparnak a co lai.
Zathawngcin
February 14, 2018
Comment Form is loading comments...
