HMAHTHAHNAK CATHLAIH
(Identity Tags)
Matthai 2:1-12
Cg. 2, “Judah siangpahrang asi lai dingmi ngakchia a chuak mi cu khuazei ahdah a um? Arfi nichuahlei in achuah kha kan hmuh I amah biak awkah cun atu hi kan ra,” anti.
2010 lio ah thlakhat ah Ngakchiat 10.8 million (Sing 118) lengmang hrin an si. Asulam cu Nikhat ah ngakchia 362,000
(Sing 3 le thong 62) lengmang hi Nitin te hrin an si I Second pakhat ah Ngakhcia 4 lengmang hrin an si tinak khi asi. Cucaah a ra lai mi Vawlei siangpahrang hi nihin ah hrin sisehlaw, zeitindah hitluk in a chuakmi ngakchia tampi le lawmhnak in akhat mi chungkhar tampi lak ahhin, khuzei hmun ahdah va kawl ding ti kha kan theih khawh hnga? Sihmanhsehlaw, Lawmh awk ngai asi mi cu, Sizung kip ah Ngakchiat chuak ka tete khi a ho fa dah asi I a min hodah asi ti hngalh khawh nakah Hmanhthahnak Cathlaih (Identity Tags) kha an ke silole an ban ah an thlaih tawn hna. Cubantuk in Mathai zong nih Jesuh cu JUDAH SIANGPAHRANG timi ca kha thlaih in, Jesuh cu a hodah a si ti kha a fianh ve. (Mt. 2:2, 21:5, 27:11)
Matthai nih Jesuh cungah a thlaihmi cu, Hi ngakchia pa hi, Bethlenhem khua I nungak thiang nih hrinmi, Siangpahrang asi ti kha asi. (Mtt. 1-2) Mathai catial tupa nih Jesuh cu Sui thutdan cungah a thu ding mi hrimhrim asinak kha, Jesuh chuahkehnak in a fianh. (Mt.1:1-17) Hi a chuahkehnak nih a langhter mi cu, Jesuh cu Israel miphun I an pa bik Abraham le a nganbik an siangpahrang, David hrinsor in a chuakmi a sinak kha fiang tein a langhter. (1:1)
Matthai nih hin Jesuh a chuahkeh ning zong a tial fawn. (Cg. 18-25). Hinih a fehter mi cu, Isaiah nih Nungak thiang chung in Khamhtu cu hrin asi lai a timi bia kha asi. ( Cg. 22-23; Isaiah 7:14) Mathai nih a kan fianhmi cu, “Uktu, Israel miphun caah Tukhal ttha cu Bethlehem khua hmete ah hrin a site lai timi chimchungbia kha Jesuh hin a hung tling cang ti kha asi. (Mt.2:4-6; Micah 5:2-4)
Nichuah lei mifim, Magi pawl zong, Judah siangpahrang asi dingmi Ngakchia pa kawl ding ah Arfi nih lam a hruai hna I, Meng thong tampi hlatnak in an rak ra. (Mt.2:1-2) Hi mifim hna cu Persian miphun an si I, Gentile (Judah Miphun asi lomi paohpaoh) mi vialte aiawh in Jesuh siangpahrang asi nak kha a hmu hmasabik tu le Jesuh a bia hmasabik mi an si. Jesuh cu Sui, Fankinsen zihmui le Mura zihmui kha laksawng ah pe in an va biak. (Mt.2:11) Hi laksawng pawl hi Siangpahrang pekawk ah aa tlak mi lak sawng tlamtling ansi.
Hitihin Matthai nih Jesuh cu zeibantukdah asi kha fiang tein a Langhtertu CATHLAIH atuah. Cucaah Jesuh chuahkehnak le a sining kong ah I AL len ding le KHUARUAHHAR ding a um ti lo. Kuun usih law Jesuh cu Bia ko usih. Amah lawnglawng hi Tutan Khristmas ah Hodah asi ti kha kan hngalh dingmi Ngakchia, Naute asi.
Magi, Mifim pawl nih an I kenmi laksawng hi Siangpahrang pawl pekding ah aa tlak tiah ruahmi an si. Tutan Khristmas ah zei laksawng dah Jesuh na pek lai? Jesuh chungah nangmah sining tah zeitindah naa kawl lai?
Atanglei Baibal cacaang pawl hi Jesuh chuahlai nak kong chimchungbia a tlintertu pawl an si I relchap ah cun Jesuh Khamhtu asinak kong hi a fiang deuh ngaingai lai. Matthai 2:13-15 nih hin Hosea 11:1 kha a tlinter. Matthai 2:16-18 nih Jeremiah 31:15 le Matthai 2:19-23 nih Isaiah 49:7, 53:3 tiin an tlinter hna.
(Theihternak: Cg.= Caang (Verse) tinak asi.)
Khristmas Daihnak Nan Cungah Tlung ko seh.
Zathawngcin
December 12, 2012
Cg. 2, “Judah siangpahrang asi lai dingmi ngakchia a chuak mi cu khuazei ahdah a um? Arfi nichuahlei in achuah kha kan hmuh I amah biak awkah cun atu hi kan ra,” anti.
2010 lio ah thlakhat ah Ngakchiat 10.8 million (Sing 118) lengmang hrin an si. Asulam cu Nikhat ah ngakchia 362,000
(Sing 3 le thong 62) lengmang hi Nitin te hrin an si I Second pakhat ah Ngakhcia 4 lengmang hrin an si tinak khi asi. Cucaah a ra lai mi Vawlei siangpahrang hi nihin ah hrin sisehlaw, zeitindah hitluk in a chuakmi ngakchia tampi le lawmhnak in akhat mi chungkhar tampi lak ahhin, khuzei hmun ahdah va kawl ding ti kha kan theih khawh hnga? Sihmanhsehlaw, Lawmh awk ngai asi mi cu, Sizung kip ah Ngakchiat chuak ka tete khi a ho fa dah asi I a min hodah asi ti hngalh khawh nakah Hmanhthahnak Cathlaih (Identity Tags) kha an ke silole an ban ah an thlaih tawn hna. Cubantuk in Mathai zong nih Jesuh cu JUDAH SIANGPAHRANG timi ca kha thlaih in, Jesuh cu a hodah a si ti kha a fianh ve. (Mt. 2:2, 21:5, 27:11)
Matthai nih Jesuh cungah a thlaihmi cu, Hi ngakchia pa hi, Bethlenhem khua I nungak thiang nih hrinmi, Siangpahrang asi ti kha asi. (Mtt. 1-2) Mathai catial tupa nih Jesuh cu Sui thutdan cungah a thu ding mi hrimhrim asinak kha, Jesuh chuahkehnak in a fianh. (Mt.1:1-17) Hi a chuahkehnak nih a langhter mi cu, Jesuh cu Israel miphun I an pa bik Abraham le a nganbik an siangpahrang, David hrinsor in a chuakmi a sinak kha fiang tein a langhter. (1:1)
Matthai nih hin Jesuh a chuahkeh ning zong a tial fawn. (Cg. 18-25). Hinih a fehter mi cu, Isaiah nih Nungak thiang chung in Khamhtu cu hrin asi lai a timi bia kha asi. ( Cg. 22-23; Isaiah 7:14) Mathai nih a kan fianhmi cu, “Uktu, Israel miphun caah Tukhal ttha cu Bethlehem khua hmete ah hrin a site lai timi chimchungbia kha Jesuh hin a hung tling cang ti kha asi. (Mt.2:4-6; Micah 5:2-4)
Nichuah lei mifim, Magi pawl zong, Judah siangpahrang asi dingmi Ngakchia pa kawl ding ah Arfi nih lam a hruai hna I, Meng thong tampi hlatnak in an rak ra. (Mt.2:1-2) Hi mifim hna cu Persian miphun an si I, Gentile (Judah Miphun asi lomi paohpaoh) mi vialte aiawh in Jesuh siangpahrang asi nak kha a hmu hmasabik tu le Jesuh a bia hmasabik mi an si. Jesuh cu Sui, Fankinsen zihmui le Mura zihmui kha laksawng ah pe in an va biak. (Mt.2:11) Hi laksawng pawl hi Siangpahrang pekawk ah aa tlak mi lak sawng tlamtling ansi.
Hitihin Matthai nih Jesuh cu zeibantukdah asi kha fiang tein a Langhtertu CATHLAIH atuah. Cucaah Jesuh chuahkehnak le a sining kong ah I AL len ding le KHUARUAHHAR ding a um ti lo. Kuun usih law Jesuh cu Bia ko usih. Amah lawnglawng hi Tutan Khristmas ah Hodah asi ti kha kan hngalh dingmi Ngakchia, Naute asi.
Magi, Mifim pawl nih an I kenmi laksawng hi Siangpahrang pawl pekding ah aa tlak tiah ruahmi an si. Tutan Khristmas ah zei laksawng dah Jesuh na pek lai? Jesuh chungah nangmah sining tah zeitindah naa kawl lai?
Atanglei Baibal cacaang pawl hi Jesuh chuahlai nak kong chimchungbia a tlintertu pawl an si I relchap ah cun Jesuh Khamhtu asinak kong hi a fiang deuh ngaingai lai. Matthai 2:13-15 nih hin Hosea 11:1 kha a tlinter. Matthai 2:16-18 nih Jeremiah 31:15 le Matthai 2:19-23 nih Isaiah 49:7, 53:3 tiin an tlinter hna.
(Theihternak: Cg.= Caang (Verse) tinak asi.)
Khristmas Daihnak Nan Cungah Tlung ko seh.
Zathawngcin
December 12, 2012
