Relcawk Lo Thluachuah Kan Co Mi Ruangah I Lawm
Filipi, “4Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh ṭhan rih ko lai.”
Caan tampi cu aa lawm ding kan si lio caan ah phunzai in kan nun kan hman tawn. Adrian nih ka fa le pawl sianginn an kai lio ah, Cusin (Tuition) man ah kan thi deng. Voikhat cu a piangpai ngai mi pa he khual kan tlawng I kan fa le siangin kai I kan harnak le a fawi lo nak kong tlawmpal ka zai. Cuti ka zai lio ah ka pawngpa nih cun, Kei cu siangin a kai mi fa le cu ngei hna ning law, vawlei ah zeizong te pek dih ka ngamh ko hnga tiah a ka leh; cutikah, “Oh, aa lawm kho lomi thlarau pei ka ngeih hi tiah ka fiang,” tiah a ti.
Adrian nih nun a kan chimhmi cu, “Fa le sianginn kai nak ca tangka kongah, kan phunzai; kan harnak kongah kan phunzai lio ah, mi tampi cu, sianginn kai ter awk fa le a ngei lo mi an um ti kha philh hlah. Kan chungkhar I a ummi umkheng an thur tuk, tawl a har tiah kan phun zai lio ah, ram tampi ahcun, umkheng thur mi kawl in ni tin an vak vai, an hmu kho lo ti theih zungzal a hau. In man a fak, motor man a fak, nunman pek awk (Bills) a tam tiah kan zai lio ah, minung tampi cu, umnak Inn ngei lo le, motor ngeih cu chim lo a hmu bal lo mi; nun nuam te (Comfort) in thutdirnak hmun cu chim lo, I dor nak hmun hmanh ngei lo in lam cungah siseh ramlak ah siseh aa choklet mi an tam pi ti kha hngalh khawh I zuam zungzal tihi a si. Cucaah nihin kan ngeihmi le Bawipa pekmi laksawng vialte ruangah Bawipa a lawm I, hi thluachuah vialte a co mi kan si ruang tu ah aa lawm zungzal ding kan si.
Na nunnak ah Bawipa sinin na comi thluachuah vialte ruangah I lawm. Nihin na nunnak kongkau ah phunzai dingin an fialmi tukforhnak seitan hriam kha hlawnh le tei I zuam. Bawipa nih a kan pekmi zungzal nunnak, vawlei nunnak le nunnak ca kan herhmi thil le ri, fimthiamnak le chungkhar a kan pek mi vialte ruangah I lawmh le thangthat nun ngeih le, lawmhnak biachim hi zumtu hna rian, kan tuah awk le, Bawipa nih a kan duhpiakmi zumtu fa le kan nun a si. Zumtu nun cu ngeih lo mi caah phunzai siloin, Bawipa pekmi thluachuah cungah I lawm I lawmhnak biachim nun asi. Cucu minung kan I lawmhnak hram taktak asi.
Zathawngcin
May 19, 2017
Caan tampi cu aa lawm ding kan si lio caan ah phunzai in kan nun kan hman tawn. Adrian nih ka fa le pawl sianginn an kai lio ah, Cusin (Tuition) man ah kan thi deng. Voikhat cu a piangpai ngai mi pa he khual kan tlawng I kan fa le siangin kai I kan harnak le a fawi lo nak kong tlawmpal ka zai. Cuti ka zai lio ah ka pawngpa nih cun, Kei cu siangin a kai mi fa le cu ngei hna ning law, vawlei ah zeizong te pek dih ka ngamh ko hnga tiah a ka leh; cutikah, “Oh, aa lawm kho lomi thlarau pei ka ngeih hi tiah ka fiang,” tiah a ti.
Adrian nih nun a kan chimhmi cu, “Fa le sianginn kai nak ca tangka kongah, kan phunzai; kan harnak kongah kan phunzai lio ah, mi tampi cu, sianginn kai ter awk fa le a ngei lo mi an um ti kha philh hlah. Kan chungkhar I a ummi umkheng an thur tuk, tawl a har tiah kan phun zai lio ah, ram tampi ahcun, umkheng thur mi kawl in ni tin an vak vai, an hmu kho lo ti theih zungzal a hau. In man a fak, motor man a fak, nunman pek awk (Bills) a tam tiah kan zai lio ah, minung tampi cu, umnak Inn ngei lo le, motor ngeih cu chim lo a hmu bal lo mi; nun nuam te (Comfort) in thutdirnak hmun cu chim lo, I dor nak hmun hmanh ngei lo in lam cungah siseh ramlak ah siseh aa choklet mi an tam pi ti kha hngalh khawh I zuam zungzal tihi a si. Cucaah nihin kan ngeihmi le Bawipa pekmi laksawng vialte ruangah Bawipa a lawm I, hi thluachuah vialte a co mi kan si ruang tu ah aa lawm zungzal ding kan si.
Na nunnak ah Bawipa sinin na comi thluachuah vialte ruangah I lawm. Nihin na nunnak kongkau ah phunzai dingin an fialmi tukforhnak seitan hriam kha hlawnh le tei I zuam. Bawipa nih a kan pekmi zungzal nunnak, vawlei nunnak le nunnak ca kan herhmi thil le ri, fimthiamnak le chungkhar a kan pek mi vialte ruangah I lawmh le thangthat nun ngeih le, lawmhnak biachim hi zumtu hna rian, kan tuah awk le, Bawipa nih a kan duhpiakmi zumtu fa le kan nun a si. Zumtu nun cu ngeih lo mi caah phunzai siloin, Bawipa pekmi thluachuah cungah I lawm I lawmhnak biachim nun asi. Cucu minung kan I lawmhnak hram taktak asi.
Zathawngcin
May 19, 2017
HTML Comment Box is loading comments...
