THLICHIA CHUNGAH DAIHNAK
"Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.” - Colossians 3:15
Kokek ral lian (Natural Disaster) lakah thlichia hi tih a nung ngaimi pakhat asi. Hariking (Hurricane) thlichia nih a kan den ahcun Inn le lo rawkdih in an um theu. Khi thlichia laifang te ahkhin, Thlichia Mit tiah an auhmi DAIHNAK AWNG te a um. Thlichia a hun dih tikah, zing ni ceu dawh bang daihnak nganpi a hung chuak tawn.
Hawi le hna, ni hin kan tonmi Harnak le lungretheihnak Laifang ah Daihnak Mit a um ko. Cucu Pathian thinlung asi. Kan lungretheihnak laifang te ahkhin a um i, Kan ton cuahmahmi harnak thlichia le lungretheihnak laifang teah KEIMAH CU KEIMAH KA SI KO atitu Pathian a um zungzal ko.
Vawlei nih chuhkhawh lo mi Daihnak le hnangamnak Bawipa nih a kan pek tiah kan chim theu tawn mi daihnak khi, Thil sining leng daihnak, minung thluak le khuaruah khawh nak nih a phak lo mi daihnak, Pathian pekmi daihnak (Supernatural Peace) a si.
Na nunnak ah lung fim lo lak in an tuahtu harnak le buainak a um sual maw? Lungdong lo tein Pathian zoh law, na tonmi nunnak harnak thlichia lakah, DAIHNAK AWNG; Pathian thinlung a um ko ti zum buin teitu si i zuam. Na tonmi nunnak thlichia a liam tikah, na Nunnak ah Daihnak Lianngan taktak nih a zulh tthan te lai.
Relchap ding:
Salm 29:11," Bawipa nih a mi cu thazang a pek hna i thluachuah daihnak a pek hna."
Isaiah 26:3,"Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna."
Romans 5:1, "Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem."
Zathawngcin
August 8, 2013
Kokek ral lian (Natural Disaster) lakah thlichia hi tih a nung ngaimi pakhat asi. Hariking (Hurricane) thlichia nih a kan den ahcun Inn le lo rawkdih in an um theu. Khi thlichia laifang te ahkhin, Thlichia Mit tiah an auhmi DAIHNAK AWNG te a um. Thlichia a hun dih tikah, zing ni ceu dawh bang daihnak nganpi a hung chuak tawn.
Hawi le hna, ni hin kan tonmi Harnak le lungretheihnak Laifang ah Daihnak Mit a um ko. Cucu Pathian thinlung asi. Kan lungretheihnak laifang te ahkhin a um i, Kan ton cuahmahmi harnak thlichia le lungretheihnak laifang teah KEIMAH CU KEIMAH KA SI KO atitu Pathian a um zungzal ko.
Vawlei nih chuhkhawh lo mi Daihnak le hnangamnak Bawipa nih a kan pek tiah kan chim theu tawn mi daihnak khi, Thil sining leng daihnak, minung thluak le khuaruah khawh nak nih a phak lo mi daihnak, Pathian pekmi daihnak (Supernatural Peace) a si.
Na nunnak ah lung fim lo lak in an tuahtu harnak le buainak a um sual maw? Lungdong lo tein Pathian zoh law, na tonmi nunnak harnak thlichia lakah, DAIHNAK AWNG; Pathian thinlung a um ko ti zum buin teitu si i zuam. Na tonmi nunnak thlichia a liam tikah, na Nunnak ah Daihnak Lianngan taktak nih a zulh tthan te lai.
Relchap ding:
Salm 29:11," Bawipa nih a mi cu thazang a pek hna i thluachuah daihnak a pek hna."
Isaiah 26:3,"Bawipa, nangmah nih, an i tinhmi kha fek tein aa tlaih i nangmah an bochanmi cu, a tlingmi daihnak kha na pek hna."
Romans 5:1, "Atu cu zumhnak thawngin thiamcoter kan si caah kan Bawipa Jesuh Khrih thawngin Pathian he kan i rem."
Zathawngcin
August 8, 2013
