Horkuang, Thihnak Thladem Le Pathian Biakam!
"A autu vialte hna cu an pawng khin a umhnawh hna, lungtak in a autu vialte hna cu."-Salm 145:18
Salm 23 nih "A thuk bikmi muihnak" kong hi fiang tein achim. Hihi mirang Bible nih "Thihnak thladem Horkuang" tiah atikha kan hmuh. Cucaah hi Baibal caang hi "Athuk bikmi thihnak horkuang chung" kong a chimmi a si kha fiang tein kan hmuh khawh. Thladem (Shadow) aum paoh ahcun, Ceunak a um a hau. Jesuh nih,"Keimah cu vawlei ceunak ka si" (John8:12) tiah fiang tein a chim. Thihnak thladem nih hin an tthihphoih lai i thinphannak an pek lai nain, nang cu Jesuh a zummi, Pathian fadawt na si cang caah, FAHNAK an pe kho lai lo.
Ralttha tein kan chimhkhawh mi cu, Thihnak Thladem nih hin mikip hi voikhat tal cu thinphannak le tthihphoihnak a kan pek dih. Sihmanhseh Jesuh Khrih kan theih cang hnu ahcun Thihnak hi cu Thladem menmen a si kha kan fian tikah thihnak kha ttih si ti loin Pathian sin tu ah Jesuh thawngin lawmhnak bia kan chim deuh tawn. Cucu Khrihfami hna kan thluachuah sungbik asi. Na hmai kha Ceunak lei hawih in na chiah ahcun na thladem cu na hnulei ah a um lai. Ka hnulei ah ka Thladem nih a ka dawi ti hmanh kha na theih lai lo pin ah na thladem kha a hmuh zong na hmu lai lo. Pathian nih kal taak ding ah Thihnak Horkuang chungah cun zeitik hmanh ah a kan hruai lai lo. Thihnak horkuang chung ah kan kal hmanh ah amah nih zungzal in a kan hruai, a kan umpi lai i a kan ton pi ko lai. Ceunak Pathian kha zoh in na kal ahcun na hnulei in an zulmi Thihnak thladem cu a ruah awk hmanh ah na thei lai lo. Bawipa a ttha!
Pathian hi Muihnak horkuang chung kan um lio caan ko ahhin naih khun in kan pawng te ah a ummi a si. Kan har caan le muihnak horkuang chung kan um lio caan i a kan naihmi nak naihdeuh in kan pawng ah a um bal lo. Bible hmasabik (Original Language) ah cun Pathian nih a kan kal tak lo nak kong hi Hebrew 13:5; caangkhat chung teah hin VOI NGA kheng te; LO (Negative) timi biafang hi a hman. Lai Baible ah "Kan kaltak bal hna lai lo i kan hlaw bal fawn hna lai lo," tiah ati. Afiang ngaingai ko. Fiang chinchin in mirang Baibal pakhat, The Amplified Bible nih cun hitinhin a leh: “I will never, no, not ever, never leave you nor forsake you.” (Laiholh in cun leh ka thiam ve lo! Athiam mi nih kan bawm te u.) A sunglawi tuk hringhran. Hi a sunglawi tuk mi Baibal cacaang, Pathian nih zeitik hmanhah a kan kal tak lo nak le, kan har ah siseh, ka fawi ah siseh a kan umpi zungzalnak kong, bia akan kamhnak cacaang hi nitin kan nunnak ah philh lo in i zah cio usih.
A thukbik mi Muihnak Horkuang chung le Thihnak thladem lak ah kal cuahmah ko hmanh law, Bawipa nih an kal tak bal lo. Ka fadawt, na thinphang hlah, keimah nih kan umpi zungzal ko tiah bia an kamh tu; an kal tak lai lo nak kong kha bia tlaang khat ah VOI NGA nolh tiang in an dawtu le an siaherh tu Pathian kha i bochan law Daihnak le Nunnak an pek ko lai.
"A autu vialte hna cu an pawng khin a umhnawh hna, lungtak in a autu vialte hna cu."-Salm 145:18
Lungthin tak in amah a au mi nun na ngeih ahcun vawlei harnak nih na nunnak a tawng kho lai lo.
Pathian nih sunparnak co ko seh.
Oct.18,2012
Nili Ni
Salm 23 nih "A thuk bikmi muihnak" kong hi fiang tein achim. Hihi mirang Bible nih "Thihnak thladem Horkuang" tiah atikha kan hmuh. Cucaah hi Baibal caang hi "Athuk bikmi thihnak horkuang chung" kong a chimmi a si kha fiang tein kan hmuh khawh. Thladem (Shadow) aum paoh ahcun, Ceunak a um a hau. Jesuh nih,"Keimah cu vawlei ceunak ka si" (John8:12) tiah fiang tein a chim. Thihnak thladem nih hin an tthihphoih lai i thinphannak an pek lai nain, nang cu Jesuh a zummi, Pathian fadawt na si cang caah, FAHNAK an pe kho lai lo.
Ralttha tein kan chimhkhawh mi cu, Thihnak Thladem nih hin mikip hi voikhat tal cu thinphannak le tthihphoihnak a kan pek dih. Sihmanhseh Jesuh Khrih kan theih cang hnu ahcun Thihnak hi cu Thladem menmen a si kha kan fian tikah thihnak kha ttih si ti loin Pathian sin tu ah Jesuh thawngin lawmhnak bia kan chim deuh tawn. Cucu Khrihfami hna kan thluachuah sungbik asi. Na hmai kha Ceunak lei hawih in na chiah ahcun na thladem cu na hnulei ah a um lai. Ka hnulei ah ka Thladem nih a ka dawi ti hmanh kha na theih lai lo pin ah na thladem kha a hmuh zong na hmu lai lo. Pathian nih kal taak ding ah Thihnak Horkuang chungah cun zeitik hmanh ah a kan hruai lai lo. Thihnak horkuang chung ah kan kal hmanh ah amah nih zungzal in a kan hruai, a kan umpi lai i a kan ton pi ko lai. Ceunak Pathian kha zoh in na kal ahcun na hnulei in an zulmi Thihnak thladem cu a ruah awk hmanh ah na thei lai lo. Bawipa a ttha!
Pathian hi Muihnak horkuang chung kan um lio caan ko ahhin naih khun in kan pawng te ah a ummi a si. Kan har caan le muihnak horkuang chung kan um lio caan i a kan naihmi nak naihdeuh in kan pawng ah a um bal lo. Bible hmasabik (Original Language) ah cun Pathian nih a kan kal tak lo nak kong hi Hebrew 13:5; caangkhat chung teah hin VOI NGA kheng te; LO (Negative) timi biafang hi a hman. Lai Baible ah "Kan kaltak bal hna lai lo i kan hlaw bal fawn hna lai lo," tiah ati. Afiang ngaingai ko. Fiang chinchin in mirang Baibal pakhat, The Amplified Bible nih cun hitinhin a leh: “I will never, no, not ever, never leave you nor forsake you.” (Laiholh in cun leh ka thiam ve lo! Athiam mi nih kan bawm te u.) A sunglawi tuk hringhran. Hi a sunglawi tuk mi Baibal cacaang, Pathian nih zeitik hmanhah a kan kal tak lo nak le, kan har ah siseh, ka fawi ah siseh a kan umpi zungzalnak kong, bia akan kamhnak cacaang hi nitin kan nunnak ah philh lo in i zah cio usih.
A thukbik mi Muihnak Horkuang chung le Thihnak thladem lak ah kal cuahmah ko hmanh law, Bawipa nih an kal tak bal lo. Ka fadawt, na thinphang hlah, keimah nih kan umpi zungzal ko tiah bia an kamh tu; an kal tak lai lo nak kong kha bia tlaang khat ah VOI NGA nolh tiang in an dawtu le an siaherh tu Pathian kha i bochan law Daihnak le Nunnak an pek ko lai.
"A autu vialte hna cu an pawng khin a umhnawh hna, lungtak in a autu vialte hna cu."-Salm 145:18
Lungthin tak in amah a au mi nun na ngeih ahcun vawlei harnak nih na nunnak a tawng kho lai lo.
Pathian nih sunparnak co ko seh.
Oct.18,2012
Nili Ni
