A THA BIKMI CHANTLING
Zan na ih lai ah minit 2 tein Bawipa bia rel ta usih.
Salm 3:5, "Bawipa nih a ka thlim i kaa hngilh. Bawipa nih a ka ven caah him tein kaa hlau tthan."
Salm 4:8, "Hnangam tein ka it lai i kaa hngilh fawn lai. Bawipa nangmah lawnglawng nih him tein na ka umter."
Pearl Pailey nih, "Minung nih hin nifa zanfa in Pathian cu kan hmu zungzal ko nain amah asi kha kan i chingchiah kho bal lo," tiah ati. Cun, Mal Coln anti mi pa nih achim rih mi cu; Thilhme thilngan kan tonmi paoh hi Pathian nih kan sinah lam kaltu athlah mi lawngte ansi. Asinain kan sinin thlahmi lamkaltu cu kan ngei bal lo tiah ati.
Zaan ih caan ah mitkuh thaw tein kan it i zingka thawh caan ah him tele dam tein kan thawh khawh ko mi hna khi thil hmete ah kan ruah ttheu tawn ko. Asinain thuk deuh in ruat tthan in na mit ttha tein naa hnuai hnuah na zoh ahcun Pathian asi kha fiangte in naa chingchiah tthan ko lai. Dai tein ihngilh khawh le dam tein thawh khawh hna hi Pathian lamkaltu lawngte an si ko.
Lungdaihnak hi a nem bikmi le a ttha bikmi chantling an si. Jacob nih aa tlinhmi kha a hak bikmi lung siko hmanhsehlaw amah caah a nem bik, a ttha bikmi le mangttha amanhnak chantling a rak si ko. Afekmi innsang le kutka hrenhmi innkhan chung asi lomi ramlak hmunking, zanthla tangah amah lawng in dai tein aa hngilh khawhnakcu; A ngubal lo i aa tthang pengmi Pathian nih a pawng in a umhnawh caah arak si.
Jacob nih him tein aa hlauh tikah keimah lawng ka si lo; Patian he pei kan si hi a ti i Pathian kha aa chingchiah. Cucaah amah philhlonak ah aa tlinhmi lungkha abunh. Kannih zong a ttha bikmi chantling kan i tlinh caan ah kan Bawipa Zisuh asi kha chingchiah i zuam ve hna uhsih. Bawipa nih thluachuah nak kan pekpiak ko seh.
Rev.Khen Sang
Salm 3:5, "Bawipa nih a ka thlim i kaa hngilh. Bawipa nih a ka ven caah him tein kaa hlau tthan."
Salm 4:8, "Hnangam tein ka it lai i kaa hngilh fawn lai. Bawipa nangmah lawnglawng nih him tein na ka umter."
Pearl Pailey nih, "Minung nih hin nifa zanfa in Pathian cu kan hmu zungzal ko nain amah asi kha kan i chingchiah kho bal lo," tiah ati. Cun, Mal Coln anti mi pa nih achim rih mi cu; Thilhme thilngan kan tonmi paoh hi Pathian nih kan sinah lam kaltu athlah mi lawngte ansi. Asinain kan sinin thlahmi lamkaltu cu kan ngei bal lo tiah ati.
Zaan ih caan ah mitkuh thaw tein kan it i zingka thawh caan ah him tele dam tein kan thawh khawh ko mi hna khi thil hmete ah kan ruah ttheu tawn ko. Asinain thuk deuh in ruat tthan in na mit ttha tein naa hnuai hnuah na zoh ahcun Pathian asi kha fiangte in naa chingchiah tthan ko lai. Dai tein ihngilh khawh le dam tein thawh khawh hna hi Pathian lamkaltu lawngte an si ko.
Lungdaihnak hi a nem bikmi le a ttha bikmi chantling an si. Jacob nih aa tlinhmi kha a hak bikmi lung siko hmanhsehlaw amah caah a nem bik, a ttha bikmi le mangttha amanhnak chantling a rak si ko. Afekmi innsang le kutka hrenhmi innkhan chung asi lomi ramlak hmunking, zanthla tangah amah lawng in dai tein aa hngilh khawhnakcu; A ngubal lo i aa tthang pengmi Pathian nih a pawng in a umhnawh caah arak si.
Jacob nih him tein aa hlauh tikah keimah lawng ka si lo; Patian he pei kan si hi a ti i Pathian kha aa chingchiah. Cucaah amah philhlonak ah aa tlinhmi lungkha abunh. Kannih zong a ttha bikmi chantling kan i tlinh caan ah kan Bawipa Zisuh asi kha chingchiah i zuam ve hna uhsih. Bawipa nih thluachuah nak kan pekpiak ko seh.
Rev.Khen Sang
