ZUNGZAL A HMUNMI BAN
"Zungzal hmunmi Pathian cu na umnak hmun asi I na tangah zungzal hmunmi ban kha a um. Cun ral kha na hmaiah a dawi I, “Hrawk Tuah,” tiah ati." Deuteronomy 33:27
Zungzal a hmunmi Pathian cu zei caan poah ah a kan bawmtu asi. Ahleice in Harnak thuk chung I kan pil lio caan ah asi tawn. Zumtu hna kan nunnak ah a thuk bikmi ningzah hmualphonak chung kan phak lio caan a um tawn. Minung hi a ngan, a kau I a thuk bikmi kan sualnak tang kan vung phak tikah, Pathian hmaiah toidor nun ngei in zeitindah thla ka cam lai ti kha fak taktak in hngalhnak nun kan phan I kan pemh tawn. Cu nun a phak hlan kan sining le kan nunnak cu, amah nih a duhmi le a tha tiah a ruah mi lawng kha a tuah caah Pathian mithmuh ah man ngei lomi asi.
Pathian fa le hna, a niam bik dirhmun le a har bikmi dirhmun ah kan dir lio caan ah theih kan herh bikmi cu, “Ahmun zungzal mi, Bawipa Ban” cungah kan um hi asi. Sualnak nih hin a thuk bikmi hmualphonak le ningzahnak ah an dawh in an thlak men ko lai nain, cu tang zongah, Khrih nih a kan serpiak mi, a Liannganmi, remtthannak cu a um thiamthiam. Athuk I a har bikmi le a niam bikmi hmun ah na tla kho ko. Sihmanhseh, cu chungah cun na tlu lan kho lo. Zeicahtiah, na ton mi; a thuk bikmi harnak chung zongah cun Bawipa nih an khamh ko. A Fapa Jesuh hrimhrim kha amah thawngin Pathian a fuhmi hna paoh cu a khamh kho zungzal tu asi. Zeicahtiah amah cu zungzal in a nung mi a si caah Pathian kha a kan nawlpiak khawh zungzal. (Hebru 7:25) Cucaah zumtu kan caah tih ding le lungdongh ding vawlei ah a um lo.
Nolhthan ahcun, zumtu Khrihfa hna hi caan tampi ah zeihmanh lo bakin a thuk bikmi harnak phan in Vawlei thluachuah, lianngannak le minthatnak vialte cu chuh dih an si theu tawn. Siseh cu hmun cu an donghnak asi tawn lo. Zeicahtiah, an harnak thuk bik tang zongah a Hmun Zungzal mi, Pathian Ban a um ko.
Pathian fa cu, Pathian vel nih a khuh dih I a kulh dih caah a tuarmi fahnak, zawtnak le lungrawhnak thuk chung ahkhan a tlu lan kho lo. Zumtu Khrihfa hi a hrangmi le ton a harmi harnak chungah a pil ko lai. Siseh, Pathian Dawtnak Ban, (Kut) nih a phanh khawh lo nak hmun tiang cu a pil kho lo; a thuk bik ah a ruahmi harnak tang zongah a ca ah Zungzal a hmunmi Pathian Ban a um ko. Cuticun thawhter tthan asi tikah, Satan nih zumtu nun hrawh dingah aa timhmi vialte cu pakpalawng ah an cang tawn; Pathian thawnnak hmual asi.
Afek mi Pathian bawmhnak le dirkamhnak hi, toidor nun a ngeimi zumtu hna caah, lungretheih thilrih nak chung in Hnemhnak le damnak asi. Nitin thawnak petu, herh mi kip caah Vel le tuah dingmi tuavo kip caah thawnnak asi. Adonghnak I Thihnak caan a va phak tik tiang hmanhah, a biakam cu a fek I a tha peng ko. Athuk I a hraatmi Jordan tilet laifang i kan um lio caan zongah, David bantuk in. “Athuk bikmi muihnak horkuang chungin kal hmanh ning law, Bawipa Zeihmanh (Zei thil tha lo hmanh’ tiah NIV nih cun ati) ka tih lai lo,” tiah kan au kho ve lai.
Thlan chungah thlak kan si te lai. Siseh a hmun zungzal mi ban cu kan caah samh a si cang caah khamh khawh lo nak tang tiang cu kan va tla lai lo. Zeicatiah a der kho lo I a ziam kho lo mi ban/kut nih a kan cawi zungzal I kanmah he naih tein a umti zungzal caah thihnak thlan nih a kan tei kho lo. Pathian, a kan dawtu, cu Zungzal a hmunmi, a kan sertu, lei le van a sertu le A BAA BAL LO I A THAZANG A TLAWM BALLO MI asi. ( Isaiah 40:28)
Ruahchih Awk:
1. Minung nih a nunnak ah a tonmi lawmhnak le lungretheihnak vialte kong hi a ruang a thei dih kho maw? Zeiruangah?
2. Naa lawmh caan ah siseh na lungretheih caan ah siseh zeitindah naa hnemhbik I na teinak hriam hi zeidah a si tawn?
3. Ahmun lo dingmi vawlei sunparnak, kan I lawmhnak le kan fahnak vialte hi, zungzal nunnak he tahchunh tikah, zumhnak mit in, tih ding le I uarthlang tuk ding thil an si tiah na ruat maw?
4. Na tonmi thil nih lawmhnak pek khawh mi le chuh khawh mi na si maw? Lawmhnak taktak hi tonmi thil chungah maw a um tiah na ruah tonmi thil pinlei ahdah?
Teinak tlamtling cu Pathian kut chungah a um.
Zathawngcin
November 11, 2013
Zungzal a hmunmi Pathian cu zei caan poah ah a kan bawmtu asi. Ahleice in Harnak thuk chung I kan pil lio caan ah asi tawn. Zumtu hna kan nunnak ah a thuk bikmi ningzah hmualphonak chung kan phak lio caan a um tawn. Minung hi a ngan, a kau I a thuk bikmi kan sualnak tang kan vung phak tikah, Pathian hmaiah toidor nun ngei in zeitindah thla ka cam lai ti kha fak taktak in hngalhnak nun kan phan I kan pemh tawn. Cu nun a phak hlan kan sining le kan nunnak cu, amah nih a duhmi le a tha tiah a ruah mi lawng kha a tuah caah Pathian mithmuh ah man ngei lomi asi.
Pathian fa le hna, a niam bik dirhmun le a har bikmi dirhmun ah kan dir lio caan ah theih kan herh bikmi cu, “Ahmun zungzal mi, Bawipa Ban” cungah kan um hi asi. Sualnak nih hin a thuk bikmi hmualphonak le ningzahnak ah an dawh in an thlak men ko lai nain, cu tang zongah, Khrih nih a kan serpiak mi, a Liannganmi, remtthannak cu a um thiamthiam. Athuk I a har bikmi le a niam bikmi hmun ah na tla kho ko. Sihmanhseh, cu chungah cun na tlu lan kho lo. Zeicahtiah, na ton mi; a thuk bikmi harnak chung zongah cun Bawipa nih an khamh ko. A Fapa Jesuh hrimhrim kha amah thawngin Pathian a fuhmi hna paoh cu a khamh kho zungzal tu asi. Zeicahtiah amah cu zungzal in a nung mi a si caah Pathian kha a kan nawlpiak khawh zungzal. (Hebru 7:25) Cucaah zumtu kan caah tih ding le lungdongh ding vawlei ah a um lo.
Nolhthan ahcun, zumtu Khrihfa hna hi caan tampi ah zeihmanh lo bakin a thuk bikmi harnak phan in Vawlei thluachuah, lianngannak le minthatnak vialte cu chuh dih an si theu tawn. Siseh cu hmun cu an donghnak asi tawn lo. Zeicahtiah, an harnak thuk bik tang zongah a Hmun Zungzal mi, Pathian Ban a um ko.
Pathian fa cu, Pathian vel nih a khuh dih I a kulh dih caah a tuarmi fahnak, zawtnak le lungrawhnak thuk chung ahkhan a tlu lan kho lo. Zumtu Khrihfa hi a hrangmi le ton a harmi harnak chungah a pil ko lai. Siseh, Pathian Dawtnak Ban, (Kut) nih a phanh khawh lo nak hmun tiang cu a pil kho lo; a thuk bik ah a ruahmi harnak tang zongah a ca ah Zungzal a hmunmi Pathian Ban a um ko. Cuticun thawhter tthan asi tikah, Satan nih zumtu nun hrawh dingah aa timhmi vialte cu pakpalawng ah an cang tawn; Pathian thawnnak hmual asi.
Afek mi Pathian bawmhnak le dirkamhnak hi, toidor nun a ngeimi zumtu hna caah, lungretheih thilrih nak chung in Hnemhnak le damnak asi. Nitin thawnak petu, herh mi kip caah Vel le tuah dingmi tuavo kip caah thawnnak asi. Adonghnak I Thihnak caan a va phak tik tiang hmanhah, a biakam cu a fek I a tha peng ko. Athuk I a hraatmi Jordan tilet laifang i kan um lio caan zongah, David bantuk in. “Athuk bikmi muihnak horkuang chungin kal hmanh ning law, Bawipa Zeihmanh (Zei thil tha lo hmanh’ tiah NIV nih cun ati) ka tih lai lo,” tiah kan au kho ve lai.
Thlan chungah thlak kan si te lai. Siseh a hmun zungzal mi ban cu kan caah samh a si cang caah khamh khawh lo nak tang tiang cu kan va tla lai lo. Zeicatiah a der kho lo I a ziam kho lo mi ban/kut nih a kan cawi zungzal I kanmah he naih tein a umti zungzal caah thihnak thlan nih a kan tei kho lo. Pathian, a kan dawtu, cu Zungzal a hmunmi, a kan sertu, lei le van a sertu le A BAA BAL LO I A THAZANG A TLAWM BALLO MI asi. ( Isaiah 40:28)
Ruahchih Awk:
1. Minung nih a nunnak ah a tonmi lawmhnak le lungretheihnak vialte kong hi a ruang a thei dih kho maw? Zeiruangah?
2. Naa lawmh caan ah siseh na lungretheih caan ah siseh zeitindah naa hnemhbik I na teinak hriam hi zeidah a si tawn?
3. Ahmun lo dingmi vawlei sunparnak, kan I lawmhnak le kan fahnak vialte hi, zungzal nunnak he tahchunh tikah, zumhnak mit in, tih ding le I uarthlang tuk ding thil an si tiah na ruat maw?
4. Na tonmi thil nih lawmhnak pek khawh mi le chuh khawh mi na si maw? Lawmhnak taktak hi tonmi thil chungah maw a um tiah na ruah tonmi thil pinlei ahdah?
Teinak tlamtling cu Pathian kut chungah a um.
Zathawngcin
November 11, 2013
Comment Form is loading comments...
