THIH AA THIMMI JESUH
“Tuukhal ṭha cu keimah hi ka si. Tuukhal ṭha cu a tuu hna caah a lu hloh kha a sian. John 10:11"
Tuanbia chungah Thih aa thimmi pakhat lawng a um bal rih hi na thei maw? Kan chim ding mi cu, Nunpek bompuah
(Suicide Bombers) pawl, amah le amah aa thatmi pawl le ram caah nunnak a pe mi pawl zong thih aa thimmi an si ve ko tiah na ti khawh. Siseh Jesuh dah tiloah Thih aa thimmi minung an um bal lo. Zeicahtiah, amah lawnglawng hi a thi lo dingmi dirhmun, thih a herh lo mi dirhmun in thihnak aa thimmi a si. Midang pawl cu thih an i thim lo zongah a thi dingmi an si. Thih an i thim kan timi cu tuandeuh thihding an i thimmi tu asi kan ti khawh. Cucaah Khamhtu Jesuh dah ti lo ah Thih bak kha aa thimmi sermi tuanbia ah an um bal lo. Jesuh lawnglawng asi. Jesuh vailam cungah a thlai tu kha, a kut in an khenhmi Thir kha si lo in, Dawtnak lungvar in sermi hri le Sui in temmi midang ca nun pek duhnak dawtnak tu nih Jesuh cu vailai cungah a thlai. Chimduhmi cu aho hmanh Thih ding aa thimmi an um bal. Jesuh lawnglawng hi Thih aa thimmi Bawi asi. Thih a hau lo mi pa kha nang le kei luatnak caah Thih aa thim i kan caah a ra. Na caah thilthar a lo men lai. Mi tampi caah thilthar a si ko. Na caah thilthar a si ahcun midang zong chimhchin i zuam ve hna. Thih a herh lo mi Vanbawi Fapa Jesuh cu nangmah le keimah khamh duh ah Thihnak aa thim. Tukhal ttha dirhmun in kan caah a nunnak a pek. Amah thihnak nih zungzal nunnak a kan pek. A dawtnak cu zungzal in a hmun. Cu thawngtha cu kan nunnak ah aupi cio hna u si. Midang nunnak caah Thih aa thimmi cu Lei le Van ah Jesuh lawnglawng asi. Kan caah a nunnak pe in Thih aa thimmi Jesuh cu sunparnak pek si zungzal ko seh. Amen
Zathawngcin
March 27, 2013
Indy
Tuanbia chungah Thih aa thimmi pakhat lawng a um bal rih hi na thei maw? Kan chim ding mi cu, Nunpek bompuah
(Suicide Bombers) pawl, amah le amah aa thatmi pawl le ram caah nunnak a pe mi pawl zong thih aa thimmi an si ve ko tiah na ti khawh. Siseh Jesuh dah tiloah Thih aa thimmi minung an um bal lo. Zeicahtiah, amah lawnglawng hi a thi lo dingmi dirhmun, thih a herh lo mi dirhmun in thihnak aa thimmi a si. Midang pawl cu thih an i thim lo zongah a thi dingmi an si. Thih an i thim kan timi cu tuandeuh thihding an i thimmi tu asi kan ti khawh. Cucaah Khamhtu Jesuh dah ti lo ah Thih bak kha aa thimmi sermi tuanbia ah an um bal lo. Jesuh lawnglawng asi. Jesuh vailam cungah a thlai tu kha, a kut in an khenhmi Thir kha si lo in, Dawtnak lungvar in sermi hri le Sui in temmi midang ca nun pek duhnak dawtnak tu nih Jesuh cu vailai cungah a thlai. Chimduhmi cu aho hmanh Thih ding aa thimmi an um bal. Jesuh lawnglawng hi Thih aa thimmi Bawi asi. Thih a hau lo mi pa kha nang le kei luatnak caah Thih aa thim i kan caah a ra. Na caah thilthar a lo men lai. Mi tampi caah thilthar a si ko. Na caah thilthar a si ahcun midang zong chimhchin i zuam ve hna. Thih a herh lo mi Vanbawi Fapa Jesuh cu nangmah le keimah khamh duh ah Thihnak aa thim. Tukhal ttha dirhmun in kan caah a nunnak a pek. Amah thihnak nih zungzal nunnak a kan pek. A dawtnak cu zungzal in a hmun. Cu thawngtha cu kan nunnak ah aupi cio hna u si. Midang nunnak caah Thih aa thimmi cu Lei le Van ah Jesuh lawnglawng asi. Kan caah a nunnak pe in Thih aa thimmi Jesuh cu sunparnak pek si zungzal ko seh. Amen
Zathawngcin
March 27, 2013
Indy