THINPHANNAK TEINAK LAM PA HRA
I Thessalon 5:16,"A Zungzal in i lawm u."
Ka nunnak ah zeidah acang lai I zeitindah ka tuah lai I zeidah ka tuah lai? Timi khuaruahnak nih kan nun a uk theu. Zeiruang ahdah kan phan? Tihphannak hi minung he then awk thalo thil a rak si I a phung a si tiah kan ti khawh. Thaizing ah zeidah a cang lai I a ra laimi kumkhat ah zeidah a cang lai tikha ruat in kan thin a phang tawn. Acaan ah midang nih zeitindah an kan hmuh i an kan ruah ti kha kan ruat I phannak kan ngei tawn. Kan nunnak ahhin Tihphannak hi umpeng dawh a lo ngaingai.
Tihphannak le thinphannak nih zeihmanh hlawh a tlinter lo. Siseh thinphangnak cu kan ngei peng. Khrihfa aa timi hna zong kan thin a phang peng thiamthiam. Kan tuah lo dingmi thil a si. Thinphannak ngeih lo ding kan si.
Kan nun ah a um pengmi Thinphannak hi zeitindah kan thlau lai? Atanglei hi teinak tawhfang an si: Thinphan hram na thok tikah, a tanglei thil hi a dotdot in na tuah hna a hau. Na nunnak ah hram a thlak hlan ah, thinphannak na thah khawhnak ding caah hriamttha asi mi Thinphannak Teinak Lam Pahra ka van langhter lai.
1. Jesuh nih Tih hlah ati. Khrihfa ttha taktak kan si ahcun Jesuh bia kan ngeihding asi. Kan pa le nih thil pakhatkhat tuahding ah lam an kan hmuhsak bantuk asi. Kan rian cu an chimning te nun le zulh kha a si ko. Mathai 6:34,
"Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung I a dang chonh chih lengmang hi a herh lo.”
2. Teinak Lam kawl. Thinphang I um ko nakin, pa khatkhat tuah. Na tih mi thil kha na tei khawh lo ding a si men ko lai. Siseh thiltha a chuah khawhnak lam kha kawl in cawlcanghnak na ngeih I teinak lam na kawl ahcun na thinphannak chung in na luat kho lai. Tck. Rian luhnak Interview kong ah na thin a va phang hnga. Thinphan I to ko nak in I interview caah a herhmi kha timhtuahnak ngei in zohchung, hlathlai chungnak ngeih I mah lawng zong in interview kha tuahchun chung ding kha kan rian a si. Ka sung men ko lai tiah thinphang in to ko nakin a herhmi kan tuah ding kha kan rian a si deuh. Cuti tuahnak nih thinphannak kha a tlau ter tawn. 2 Kings 7:1-11 chungah mi thinghmui pa li kong kan hmuh. Judah miphun cu ral nih an kulh hna lio a si. Annih cu khuachung ah luh an sianh hna lo, khualeng kal ah le thah thiam ding an si nunak caah thimding an ngei lo. Culio ah an i thim ding cu thihnak phak pitu ding thil lawngte a si ko. Thiding an si ko bu ah lungdong in an um lo I thil pakhakhat tuah usih an ti. A donghnak ah an I ruahchan ngam lo tiangin hlawhtlinnak an hmuh kha kan hmuh. Ka thi lai ti to ko nak in cun cawlcang in luatnak lam kawl kha teinak asi.
3. Thlacam: Thlacam hi thinphannak teinak caah thil hmete a lo nain zei rello in um ding a si lo. Baibal nih Filipi 4:6, “Zei thil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.” Tihphannak na ngeih tikah a kong kha tha tein ruat law Thlacamnak he Pathian kut chungah chan. Pathian thawnnak nih a tei khawh ko lai.
4. Thiltha tuah. Lungretheihnak kong pi lawng kha ruat in toko siloin, lungretheihnak teinak thil dang pakhatkhat kha Tuah deuh. Saikel I cit, Cauk rel. Lungretheihnak ruahnak chung in na luat khawh nakhnga thildang pakhatkhat tu kha tuah deuh.
5. Hla Ngai. Na thinlung nih thinphannak in teinak a hmuh nak hnga Hla Ngai. (Music) Hla ngaihnak nih hin thinphannak a tei I lungrawhnak zong a tei. Kan thin a phan I tihphannak kan ngeih caan ah Hla tampi in ngai law teinak ah an bawmh lai.
6. Ca Tial. Na lung chungah a ummi buaibainak le tihphannak pawl kha tial hna law kha chungkhan chuah I zuam. Na tialnak cauk na van khumh tikah na phanmi thil kong kha ttha tein ruat law teinak ah a herhmi hriam kong kha ruat. Damnak na hmuh lai.
7. Na zumhnak Thawnter. Khrihfa kan si ahcun Pathian nih kan zeizong te hi a tlangtlak a tawlrel lai I a kan zohkhenh dih ko lai ti kha zumhbak a hau. Thil hmete a lo nain a dik taktak mi asi. Efesa 1:19, “A zummi hna chung I rian a tuantu a thawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh.”
8. Ngol. Kan phan mi thil pakhatkhat kong kha ruat ti loin kan ngol a hau ti kan theih cang ko buah caan tampi cu kan ngol ngam tawn lo. Cucaah na Tihphanmi thil kong ruah kha ngol. Thinphannak kong vialte ka ruah dihcang tiah nangmah le nangmah kha I chim law, ka tei cang tiah ruat in a mah kong hrimhrim kha ruat ti lo in um. Ngol timi biafang hi thilhme te a lo nain, na tuah taktak ah cun nitin hnahnawhnak an pemi thinphannak le tihphannak chung in luatnak an pek lai.
9. Baibal Rel. Kan phan mi thil cung in teinak nun kan ngeih khawh nak ding caah a tha bikmi lam cu Baibal rel a si. Baibal na rel ahcun fimnak na hmuh lawng si lo in na khuaruahnak kha thinphannak lei ah siloin thil dangdang cung tu ah na chiah khawh lai i thinphannak in na luat lai.
10. Na tuarmi kha phuang. Na thilrit kha na zumh bikmi na chungkhar le na hawikom sinah phuang. Midang sin ah lungthin tak in na thilrit na phuannak nih lungretheih le tihphannak na ngeihmi chung in an luat ter lai.
Theihternak: "Desiring God chungah an tialmi chirhchan in hun tialtthan mi asi."
Zathawngcin Siakhel
Bethel Baptist Church
Texas
Ka nunnak ah zeidah acang lai I zeitindah ka tuah lai I zeidah ka tuah lai? Timi khuaruahnak nih kan nun a uk theu. Zeiruang ahdah kan phan? Tihphannak hi minung he then awk thalo thil a rak si I a phung a si tiah kan ti khawh. Thaizing ah zeidah a cang lai I a ra laimi kumkhat ah zeidah a cang lai tikha ruat in kan thin a phang tawn. Acaan ah midang nih zeitindah an kan hmuh i an kan ruah ti kha kan ruat I phannak kan ngei tawn. Kan nunnak ahhin Tihphannak hi umpeng dawh a lo ngaingai.
Tihphannak le thinphannak nih zeihmanh hlawh a tlinter lo. Siseh thinphangnak cu kan ngei peng. Khrihfa aa timi hna zong kan thin a phang peng thiamthiam. Kan tuah lo dingmi thil a si. Thinphannak ngeih lo ding kan si.
Kan nun ah a um pengmi Thinphannak hi zeitindah kan thlau lai? Atanglei hi teinak tawhfang an si: Thinphan hram na thok tikah, a tanglei thil hi a dotdot in na tuah hna a hau. Na nunnak ah hram a thlak hlan ah, thinphannak na thah khawhnak ding caah hriamttha asi mi Thinphannak Teinak Lam Pahra ka van langhter lai.
1. Jesuh nih Tih hlah ati. Khrihfa ttha taktak kan si ahcun Jesuh bia kan ngeihding asi. Kan pa le nih thil pakhatkhat tuahding ah lam an kan hmuhsak bantuk asi. Kan rian cu an chimning te nun le zulh kha a si ko. Mathai 6:34,
"Cucaah thaizing nih lungretheihnak cu a za in aa ngeih ve ko lai. Ni khat nih a chuahpimi harnak cung I a dang chonh chih lengmang hi a herh lo.”
2. Teinak Lam kawl. Thinphang I um ko nakin, pa khatkhat tuah. Na tih mi thil kha na tei khawh lo ding a si men ko lai. Siseh thiltha a chuah khawhnak lam kha kawl in cawlcanghnak na ngeih I teinak lam na kawl ahcun na thinphannak chung in na luat kho lai. Tck. Rian luhnak Interview kong ah na thin a va phang hnga. Thinphan I to ko nak in I interview caah a herhmi kha timhtuahnak ngei in zohchung, hlathlai chungnak ngeih I mah lawng zong in interview kha tuahchun chung ding kha kan rian a si. Ka sung men ko lai tiah thinphang in to ko nakin a herhmi kan tuah ding kha kan rian a si deuh. Cuti tuahnak nih thinphannak kha a tlau ter tawn. 2 Kings 7:1-11 chungah mi thinghmui pa li kong kan hmuh. Judah miphun cu ral nih an kulh hna lio a si. Annih cu khuachung ah luh an sianh hna lo, khualeng kal ah le thah thiam ding an si nunak caah thimding an ngei lo. Culio ah an i thim ding cu thihnak phak pitu ding thil lawngte a si ko. Thiding an si ko bu ah lungdong in an um lo I thil pakhakhat tuah usih an ti. A donghnak ah an I ruahchan ngam lo tiangin hlawhtlinnak an hmuh kha kan hmuh. Ka thi lai ti to ko nak in cun cawlcang in luatnak lam kawl kha teinak asi.
3. Thlacam: Thlacam hi thinphannak teinak caah thil hmete a lo nain zei rello in um ding a si lo. Baibal nih Filipi 4:6, “Zei thil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.” Tihphannak na ngeih tikah a kong kha tha tein ruat law Thlacamnak he Pathian kut chungah chan. Pathian thawnnak nih a tei khawh ko lai.
4. Thiltha tuah. Lungretheihnak kong pi lawng kha ruat in toko siloin, lungretheihnak teinak thil dang pakhatkhat kha Tuah deuh. Saikel I cit, Cauk rel. Lungretheihnak ruahnak chung in na luat khawh nakhnga thildang pakhatkhat tu kha tuah deuh.
5. Hla Ngai. Na thinlung nih thinphannak in teinak a hmuh nak hnga Hla Ngai. (Music) Hla ngaihnak nih hin thinphannak a tei I lungrawhnak zong a tei. Kan thin a phan I tihphannak kan ngeih caan ah Hla tampi in ngai law teinak ah an bawmh lai.
6. Ca Tial. Na lung chungah a ummi buaibainak le tihphannak pawl kha tial hna law kha chungkhan chuah I zuam. Na tialnak cauk na van khumh tikah na phanmi thil kong kha ttha tein ruat law teinak ah a herhmi hriam kong kha ruat. Damnak na hmuh lai.
7. Na zumhnak Thawnter. Khrihfa kan si ahcun Pathian nih kan zeizong te hi a tlangtlak a tawlrel lai I a kan zohkhenh dih ko lai ti kha zumhbak a hau. Thil hmete a lo nain a dik taktak mi asi. Efesa 1:19, “A zummi hna chung I rian a tuantu a thawnnak cu zeitluk in dah a ngan ti kha nan hngalh khawh nakhnga caah a ceunak cu nan hmuh khawhnak hnga, nan lung kha in hunpiak ko hna seh.”
8. Ngol. Kan phan mi thil pakhatkhat kong kha ruat ti loin kan ngol a hau ti kan theih cang ko buah caan tampi cu kan ngol ngam tawn lo. Cucaah na Tihphanmi thil kong ruah kha ngol. Thinphannak kong vialte ka ruah dihcang tiah nangmah le nangmah kha I chim law, ka tei cang tiah ruat in a mah kong hrimhrim kha ruat ti lo in um. Ngol timi biafang hi thilhme te a lo nain, na tuah taktak ah cun nitin hnahnawhnak an pemi thinphannak le tihphannak chung in luatnak an pek lai.
9. Baibal Rel. Kan phan mi thil cung in teinak nun kan ngeih khawh nak ding caah a tha bikmi lam cu Baibal rel a si. Baibal na rel ahcun fimnak na hmuh lawng si lo in na khuaruahnak kha thinphannak lei ah siloin thil dangdang cung tu ah na chiah khawh lai i thinphannak in na luat lai.
10. Na tuarmi kha phuang. Na thilrit kha na zumh bikmi na chungkhar le na hawikom sinah phuang. Midang sin ah lungthin tak in na thilrit na phuannak nih lungretheih le tihphannak na ngeihmi chung in an luat ter lai.
Theihternak: "Desiring God chungah an tialmi chirhchan in hun tialtthan mi asi."
Zathawngcin Siakhel
Bethel Baptist Church
Texas
