NA NUNNAK CU NA CAN HI A SI
Kan nunnak hi kan Caan nih nawl a ngeih. Cucaah kan pawngkam ah kan nunnak nawl ngeihtu dingin suimilam le calendar nih an kan kulhnak asi. Minit an kal sinah nikhat cu zeikar ahdah a liam manh kan ti lengmang ko! Vawlei thil tuahawk a tamtuk caah le herhhai thilrit nih a kan nenh tuk ruangah, CAAN KAN I ZA HRIMHRIM LO tiah kan nun a phunzai tawn. Sinain a ngaingai te ah cun, “Pathian nih a kan serhnawhchannak dirhmun kan phak khawhnak ding caah caan hi a za in a kan pek ko.” A biapi mi cu, “KAN CAAN HI KANMAH DUHNAK TUAHNAK AHMAW KAN HMAN, BAWIPA DUHNAK TUAHNAK AHDAH,” ti tu hi a si.
Caan hi Pathian sinin kan hmuhmi laksawng asi. Bawipa nih a hmuitinh le a saduhthah liim nak ding caah, kan dihlak hi zei caan ahdah nung ding tiah caan a kan khiahpiak cio. Hmannak kongah Thim ding pahnih kan ngei; “Pathian pekmi caan hi chikkhat kanmah miaknak caah maw kan hman dih lai, zungzal nunnak ca I hram thlaknak ahdah kan hman lai,” ti hi an si. A liamcia mi can cu khirh than khawh le, char than khawh an si ti lo caah Bawipa nih a kan pek mi caan tha tawi te hi, a tha bik le sullam ngei bik ah kan ser thiam ding hi minung pakhat nunnak ah a biapi bik mi asi.
Kan ngeihmi caan Zungzal nunnak ca i hramthlaknak tawh cu, nitin na nunnak caan kha cawlcanghnak phunphun in khah ter i liam ter sawhsawh men lengmang kha siloin, na nunnak caah Pathian a hmuitinh ning tein nun le zulh kha asi. Jesuh zong Pathian nih vawlei ah Kum 33 chung te lawng nunnak caan a pek pinah a nunnak donghlei kum 3 te lawng kha mikhamh tu dingin thlah hnawhchan a sinak rian tlinternak caah a hman. Kannih caah cun kum 3 chung Pathian tinhpiakmi caah kan can le kan nunnak va hman cu caan vaivuanh le sawksam zong a lo ko men hnga; sinain vawlei ah nun caan pek a sinak chan cu amah duhmi poah tuah dingah siloin Mi khamhnak rian tuan dingtu ah a rak si. Jesuh cu vawlei a ratchan kha a fian tuk caah a Pa nih vawlei ah lim dingin a pekmi, tuah a fial mi, PA sunparnak rian vialte kha a lim cikcek. Cucaah vailam cungin, “AA LIM CANG,” (Johan 19:30) tiah a chim khawh nak kha asi.
Bible nih vawlei kan nunnak hi chikkhatte a hung chuak I chikkhatte ah a tlau thanmi tikhu he a tahchunh (James 4:14), sinain ZUNGZAL nunnak cu donghnak a ngei lo. Bawipa nih amah fialmi rian lim dingah a kan pek mi kan vawlei caan hi amah duhnak tuahnak caah hmang in zungzal nunnak thluachuah co ding ah tinh a si mi kan Nunnak hi, CHIKKHAT AH A ZIAM THAN DINGMI TIKHU CUNGAH HMAN DIH CU HRUH ASI. Nifatin hi thimnak ding caah caan tha a si. Thaizing na phan ti lo kho. Na ngeihmi caan hi tinhmi ngei tein Bawipa nih an pekmi asi bantuk in amah fialmi rian limnak caah maw na hman lai, Tikhu bantuk asimi vawlei chikkhat na nunnak caah dah na hman lai, thim caan asi. Vawlei ah nunnak caan pek na si nak chan cu, nangmah duhmi poah va tuah dingah siloin, Bawipa sunparnak rian limnak ding caah asi. Na thih lai ah Bawipa na ka fialmi rian tlamtlin tein kan LIM cang tiah na ti ngam te lai maw, a tu hi caan tha si.
Efesa 5:14-17
Fiang tein langhtermi cu ceunak ah cun an i cang.
Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak. 15Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u. 16Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u. * 17Mihrut si ti hlah u, Bawipa nih tuah hna seh ti an duhmi hna tu kha tuah i zuam u.
Fianternak: David Stanley nih a tialmi nitin thlarau rawl chungin tharchuah mi asi.
Zathawngcin
October 20, 2017
Caan hi Pathian sinin kan hmuhmi laksawng asi. Bawipa nih a hmuitinh le a saduhthah liim nak ding caah, kan dihlak hi zei caan ahdah nung ding tiah caan a kan khiahpiak cio. Hmannak kongah Thim ding pahnih kan ngei; “Pathian pekmi caan hi chikkhat kanmah miaknak caah maw kan hman dih lai, zungzal nunnak ca I hram thlaknak ahdah kan hman lai,” ti hi an si. A liamcia mi can cu khirh than khawh le, char than khawh an si ti lo caah Bawipa nih a kan pek mi caan tha tawi te hi, a tha bik le sullam ngei bik ah kan ser thiam ding hi minung pakhat nunnak ah a biapi bik mi asi.
Kan ngeihmi caan Zungzal nunnak ca i hramthlaknak tawh cu, nitin na nunnak caan kha cawlcanghnak phunphun in khah ter i liam ter sawhsawh men lengmang kha siloin, na nunnak caah Pathian a hmuitinh ning tein nun le zulh kha asi. Jesuh zong Pathian nih vawlei ah Kum 33 chung te lawng nunnak caan a pek pinah a nunnak donghlei kum 3 te lawng kha mikhamh tu dingin thlah hnawhchan a sinak rian tlinternak caah a hman. Kannih caah cun kum 3 chung Pathian tinhpiakmi caah kan can le kan nunnak va hman cu caan vaivuanh le sawksam zong a lo ko men hnga; sinain vawlei ah nun caan pek a sinak chan cu amah duhmi poah tuah dingah siloin Mi khamhnak rian tuan dingtu ah a rak si. Jesuh cu vawlei a ratchan kha a fian tuk caah a Pa nih vawlei ah lim dingin a pekmi, tuah a fial mi, PA sunparnak rian vialte kha a lim cikcek. Cucaah vailam cungin, “AA LIM CANG,” (Johan 19:30) tiah a chim khawh nak kha asi.
Bible nih vawlei kan nunnak hi chikkhatte a hung chuak I chikkhatte ah a tlau thanmi tikhu he a tahchunh (James 4:14), sinain ZUNGZAL nunnak cu donghnak a ngei lo. Bawipa nih amah fialmi rian lim dingah a kan pek mi kan vawlei caan hi amah duhnak tuahnak caah hmang in zungzal nunnak thluachuah co ding ah tinh a si mi kan Nunnak hi, CHIKKHAT AH A ZIAM THAN DINGMI TIKHU CUNGAH HMAN DIH CU HRUH ASI. Nifatin hi thimnak ding caah caan tha a si. Thaizing na phan ti lo kho. Na ngeihmi caan hi tinhmi ngei tein Bawipa nih an pekmi asi bantuk in amah fialmi rian limnak caah maw na hman lai, Tikhu bantuk asimi vawlei chikkhat na nunnak caah dah na hman lai, thim caan asi. Vawlei ah nunnak caan pek na si nak chan cu, nangmah duhmi poah va tuah dingah siloin, Bawipa sunparnak rian limnak ding caah asi. Na thih lai ah Bawipa na ka fialmi rian tlamtlin tein kan LIM cang tiah na ti ngam te lai maw, a tu hi caan tha si.
Efesa 5:14-17
Fiang tein langhtermi cu ceunak ah cun an i cang.
Cucaah, “Aa hngilhmi i hlau tuah, thihnak in tho tuah, Cun Khrih cu na cungah a ceu lai,” an ti kha a si taktak. 15Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u. 16Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u. * 17Mihrut si ti hlah u, Bawipa nih tuah hna seh ti an duhmi hna tu kha tuah i zuam u.
Fianternak: David Stanley nih a tialmi nitin thlarau rawl chungin tharchuah mi asi.
Zathawngcin
October 20, 2017
HTML Comment Box is loading comments...
