MINUNG PA HRA AH PA KUA NIH AN HMUH NING LE AN ZUMH NING
AOL nih Hell le Van zumhnak kongah hlathlai nak an tuah lengmang mi chungin ruahawk tlak thil le tuaktan ngai dingmi thil pakhat aum. Minung tmapi kha an pom ning le an zumhning cio in leh ding in biahalnak an ngeih hna. An halmi biahalnak le bialehnak pawl cu a tanglei bantuk in a si.
1. Vancung khua phak khawhnak ding ah a herhbikmi tawhfung zeidah asi?
- Nunzia tha ngeih. 65%
- Asangbik mi minung pakhatkhat he pehtlaihnak ngeih. 26.7%
- Lamcungah a vakmi tarnu va bawmh. 2.7%
- St. Peter $20.00 bawmh. 1.0%
- A thami dirkamhtu catial ngeih. (Letter of reference) 0.5%
- Thil thalo (Seitan) he biakamhnak tuah. 1.2%
- A tha taktak mi Lih chim. 0.5%
Bialettu dihlak hi minung 121,836 an si. An tam ngaingai.
2. Vancung na kai lai maw?
- Kai lai. 89.8%
- Kai lai lo. 10.2%
Bialettu dihlak 143.309 (Chirhchan: www.aol.com)
An Bialehnak bia pawl hi zohtikah khuaruahhar awk cu an si lo nain, zeitluk in dah minung hna nih kan nunnak caah a biapi deuhmi biahalnak; VANPHAKNAK CAAH A HERHMI TAWHFUNG ZEIDAH ASI, timi biahalnak nakin VAN NA KAI LAI MAW, timi biahalnak pahnihnak tu ah an caan, an thinlung, an ruahnak an chuah duhdeuh hnga tihi ruah lo awk a tha lo. Nunnak caah a biapi deuhmi biahalnak pakhatnak kong ruahnak in ruat lem lo in, fawi tein leh khawh deuh dingmi biahalnak pahnihnak tu hi minung 21,437 tamdeuh nih can pek in leh an duh deuh I an zuam deuh hnga tihi ruahlo awk a tha lo.
Fiangngai in minung 10 ah 9 nih Van kan kai lai, Pathian sin kan phan lai tiah an zumh nain, mitamdeuh nihcun ZEIRUANGAH kan kai lai tikha an hngal lo I an ruah duh lo pin ah, Zeizong ah an rel lo. An kaa in an chim sawhsawh mi asi.
Seitan timhmi cu a mah sinah an tam khawh chung in hell kal dingmi va sawm le kawl kha asi. Cuti va tuahnak ding caah, minung pakhatkhat kha a mah Seitan biaknak I va luhter kha a herh lo; a herh deuhmi cu minung, zumtu hna kha Biatak he duhsah tein I hlaatternak tuah lawngkha a si. Hi hlathlainak bialehnak nihhin, American zumtu 90% nih Pathian biatak he an I hlaat cuahmah ko lio ah anmah le anmah kha ka ttha tiah an I ruat ko ti kha fiang tein a langhter. Miphun dang zumtu hna kan nunnak zongah a tampi lai tiah ka zumh.
Hi thil sining hi zumtu kan nunnak ah Jesuh kong thawngttha biatak hi mikip sinah chimcaan asi ti a kan theihtertu darkhing ah kan ruah lo ahcun zeithil dah a cang lai ti hi ruahphak lo asi. Seitan nih hi ram mi (pumpak kan zumhnak zongah) mi tamdeuh hi Jesuh khamhnak thawngttha kongnak in thilttha tuah nak thawngttha a biapi deuh tiah an nun ah a lem cuahmah hna lio can asi. Nihin zumtu kan mah hi an mit a muihtertu seitan pennak in an luat I ceunak an hmuh khawh nak hnga ding caah bawmtu ttha kan si a herh. Thawngtha biatak a phuangtu kan si a herh.
Kan pawngkam ah khua a sami zumtu aa timi hna kha a cunglei bialhalnak hi hal ve hna usih. Siloah biahalnak dang zong nangmah tein ser law zumhnak kongah na pawngkam minung hna an ruahnak kha hlathlainak tuah ve tuah. Hithil tuah hi Vancung kong le Hell kong ah minung hna nih zeitindah an ruah I an zumh I an ceih cio tikha hlathlainak tuah I an pomning zohnak ngeih kha asi. Mitamdeuh nih cun, acunglei bantuk in, “Thiltha tuahnak nih Van a ka phakter lai,” tiah an in leh ve ko lai tiah zumhnak ka ngei. Hi zumhnak a ngeimi hna kha va ceihpiding mi Baibal catlang tlawmpal a tanglei ah kan langhter lai.
a. John 14:6, Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo,” tiah a ti.
b. Efesa 2:8-9, “Cutluk tam in a kan pekmi a vel cu a va lianngan hringhran dah! Pathian nih a fimnak le a thil hmuh khawhnak in a rak I timhmi cu a hun tuah I khrih thawng in tlinter a timhmi a khuakhannak a rak I thupmi kha kan nih cu a kan hngalhter cang.”
c. Titas 3:5, “Cu a kan khamhnak cu hrinthannak ti thawng le thiang thlarau nih mi tharter khawhnak a ngeihmi tthawnnak thawngin a si.”
d. Lamkaltu 4:12, “Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah ati.
e. Biathlam 21:8, “Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha asi,” ati.
Pathian hlathlainak cu minung ruahning he aa dang ngaingai tikha a lang. Jesuh lo incun minung kip te hi Hell ah kal ding kan si!
Biahalnak:
1. Zeiruangahdah mitam pi nih Van ah ka kal lai tiah an ruah?
2. Acunglei Baibal cang pawl nih hin na Khrihfa sinak nunnak ah zeidah an bawmh?
3. Napawngkam zumtu hna sinah Hell le Van kongah hlathlainak tuah hi a herh tiah na ruatmaw? Zeiruang ah a herh I zeiruangah a herh lo tiah na ruah?
1. Vancung khua phak khawhnak ding ah a herhbikmi tawhfung zeidah asi?
- Nunzia tha ngeih. 65%
- Asangbik mi minung pakhatkhat he pehtlaihnak ngeih. 26.7%
- Lamcungah a vakmi tarnu va bawmh. 2.7%
- St. Peter $20.00 bawmh. 1.0%
- A thami dirkamhtu catial ngeih. (Letter of reference) 0.5%
- Thil thalo (Seitan) he biakamhnak tuah. 1.2%
- A tha taktak mi Lih chim. 0.5%
Bialettu dihlak hi minung 121,836 an si. An tam ngaingai.
2. Vancung na kai lai maw?
- Kai lai. 89.8%
- Kai lai lo. 10.2%
Bialettu dihlak 143.309 (Chirhchan: www.aol.com)
An Bialehnak bia pawl hi zohtikah khuaruahhar awk cu an si lo nain, zeitluk in dah minung hna nih kan nunnak caah a biapi deuhmi biahalnak; VANPHAKNAK CAAH A HERHMI TAWHFUNG ZEIDAH ASI, timi biahalnak nakin VAN NA KAI LAI MAW, timi biahalnak pahnihnak tu ah an caan, an thinlung, an ruahnak an chuah duhdeuh hnga tihi ruah lo awk a tha lo. Nunnak caah a biapi deuhmi biahalnak pakhatnak kong ruahnak in ruat lem lo in, fawi tein leh khawh deuh dingmi biahalnak pahnihnak tu hi minung 21,437 tamdeuh nih can pek in leh an duh deuh I an zuam deuh hnga tihi ruahlo awk a tha lo.
Fiangngai in minung 10 ah 9 nih Van kan kai lai, Pathian sin kan phan lai tiah an zumh nain, mitamdeuh nihcun ZEIRUANGAH kan kai lai tikha an hngal lo I an ruah duh lo pin ah, Zeizong ah an rel lo. An kaa in an chim sawhsawh mi asi.
Seitan timhmi cu a mah sinah an tam khawh chung in hell kal dingmi va sawm le kawl kha asi. Cuti va tuahnak ding caah, minung pakhatkhat kha a mah Seitan biaknak I va luhter kha a herh lo; a herh deuhmi cu minung, zumtu hna kha Biatak he duhsah tein I hlaatternak tuah lawngkha a si. Hi hlathlainak bialehnak nihhin, American zumtu 90% nih Pathian biatak he an I hlaat cuahmah ko lio ah anmah le anmah kha ka ttha tiah an I ruat ko ti kha fiang tein a langhter. Miphun dang zumtu hna kan nunnak zongah a tampi lai tiah ka zumh.
Hi thil sining hi zumtu kan nunnak ah Jesuh kong thawngttha biatak hi mikip sinah chimcaan asi ti a kan theihtertu darkhing ah kan ruah lo ahcun zeithil dah a cang lai ti hi ruahphak lo asi. Seitan nih hi ram mi (pumpak kan zumhnak zongah) mi tamdeuh hi Jesuh khamhnak thawngttha kongnak in thilttha tuah nak thawngttha a biapi deuh tiah an nun ah a lem cuahmah hna lio can asi. Nihin zumtu kan mah hi an mit a muihtertu seitan pennak in an luat I ceunak an hmuh khawh nak hnga ding caah bawmtu ttha kan si a herh. Thawngtha biatak a phuangtu kan si a herh.
Kan pawngkam ah khua a sami zumtu aa timi hna kha a cunglei bialhalnak hi hal ve hna usih. Siloah biahalnak dang zong nangmah tein ser law zumhnak kongah na pawngkam minung hna an ruahnak kha hlathlainak tuah ve tuah. Hithil tuah hi Vancung kong le Hell kong ah minung hna nih zeitindah an ruah I an zumh I an ceih cio tikha hlathlainak tuah I an pomning zohnak ngeih kha asi. Mitamdeuh nih cun, acunglei bantuk in, “Thiltha tuahnak nih Van a ka phakter lai,” tiah an in leh ve ko lai tiah zumhnak ka ngei. Hi zumhnak a ngeimi hna kha va ceihpiding mi Baibal catlang tlawmpal a tanglei ah kan langhter lai.
a. John 14:6, Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo,” tiah a ti.
b. Efesa 2:8-9, “Cutluk tam in a kan pekmi a vel cu a va lianngan hringhran dah! Pathian nih a fimnak le a thil hmuh khawhnak in a rak I timhmi cu a hun tuah I khrih thawng in tlinter a timhmi a khuakhannak a rak I thupmi kha kan nih cu a kan hngalhter cang.”
c. Titas 3:5, “Cu a kan khamhnak cu hrinthannak ti thawng le thiang thlarau nih mi tharter khawhnak a ngeihmi tthawnnak thawngin a si.”
d. Lamkaltu 4:12, “Amah thawng lawnglawng in khamhnak hi hmuh khawh a si. Zeicahtiah vawlei cung dihlak ah hin a kan khamh khotu ding min dang zeihmanh a um lo,” tiah ati.
e. Biathlam 21:8, “Sihmanhsehlaw miralchia le mirawi hmang le fih awk lungthin a ngeimi le lainawngmi le horduhcuaimi le camh hmangmi le siasal biami le lihchimmi vialte hna an umnak ding cu, mei le kat in a alhmi tili, thih voi hnihnak kha asi,” ati.
Pathian hlathlainak cu minung ruahning he aa dang ngaingai tikha a lang. Jesuh lo incun minung kip te hi Hell ah kal ding kan si!
Biahalnak:
1. Zeiruangahdah mitam pi nih Van ah ka kal lai tiah an ruah?
2. Acunglei Baibal cang pawl nih hin na Khrihfa sinak nunnak ah zeidah an bawmh?
3. Napawngkam zumtu hna sinah Hell le Van kongah hlathlainak tuah hi a herh tiah na ruatmaw? Zeiruang ah a herh I zeiruangah a herh lo tiah na ruah?
