Pathian Nawlngaihnak le Sunghmi
Annih an kal hnuah Bawipa vancungmi pakhat cu Josef sinah khan a mang ah a lang i, “Tho law, ngakchia le a nu kha i kalpi hna law Izipt ram ah va zam u. Cun chuak cang u, kan ti hna hlantiang cuka ah cun va um u. Herod nih ngakchia hi thah awkah a kawl lai,” tiah a ti. Josef cu a tho i ngakchia le a nu cu Izipt ram i zampi awkah zan ah khan a thawhpi hna. Cuka ah cun Herod a thih tiang an um. Hi thil cu Bawipa nih profet ka in, “Ka Fapa cu Izipt ram in chuah awkah ka auh,” a timi bia tlinnak caah Khan asi. Matthai 2:13-15
Joseph le Mary an zumhnak khual lam ahhin an nunak ah an sunghmi, an liam termi le an kaltakmi thil tampi a um. Egypy lei an kal lio ah an hngalhmi thil tampi an kal tak. Phundang in kan chim ahcun, a harbik mi pekchanhnak, raithawinak, sunghnak an ngeihmi cu, an rak i ziaktuk cang i an rak i lawmhpi tuk cangmi hnangamnak Hmun le hma, hawikom theihngalh hna, le inn le lo kaltak kha asi.
Thil hman lo le sualnak chungah fak tuk in kan umcang hnu, kan i ziak tuk cang hnuah Pathian tinhpiak mi lamcung ah kal in a mah zulh ding hi caan tampi cu kan caah a har i a nuam lo ngaimi thil a si tawn. Kan tuah lengmang mi thil ttha lo tete le kan nunnak ah a nung cangmi nunzia ttha lo pawl kha kan i ziaktuk cang tawn hna tikah, Pathian nih tthanter i phakter a kan duhnak hmun phan kho lo in kan mah nih kan i ziak nak hmun, sualram tu ah kan hna a ngam deuh tawn.
Na ngandamnak kha Bawipa na pek ahcun, na damnak caah na duh ngai ttung i na caah ral a si tung mi Rawl phun tampi kha na kal tak a hau. Na rumnak kha Pathian kut cungah na chiah ahcun, a herh lo nak hmun ah na hman tawnmi tangkaa tam pi kha na hman ti lo a herh lai.
Ka ngeih cia mi le kan tuah peng mi nunzia remh i kal tak hi a fawi te mi thil a si lo. A har taktak mi asi. Zeicahtiah kan i ziak tuk cang! Tih a nung mi thil ton ding cu a nuam lo ngai. Kan phak bal lo nak hmun i va kal ding zong hi kan caah a nuam lo ngai, a har ngai tawn; kan cungah fahnak a tuah i harnak a kan petu minung hna va ngaihthiam zong hi a fawi lo pin ah a nuam lo ngai i a har ngai tawn. Sihmanhsehlaw Thlarau lei i tthannak le Thlennak khuallam ahhin hi bantuk in a har ngaimi le a nuam lo ngaimi thil tampi hi kan kaltak a herh tawn. Zeicahtiah a harmi thil kaltak cu a nuam lo ngai nain, a chungah thilttha, Tthatnak a um.
Hitiin tuah dingah a harmi thil, kan i ziak tuk cangmi thil kaltak nak hi ton kan ngamh lo ahcun kan tuah tawn mi thil tthalo, a nuam ngaimi ah kan ruah mi sualnak nihhin a kan ttemttawn zungzal i, kan i nuamnak chung ah kan um peng caah, a donghnak ah cu nun nihcun Lawmhnak le hnangamnak hrampi a simi Pathian he khan a kan tthen tawn i kan nunnak cu Rawhralnak in a dih tawn. Baibal ca chung ah, "Kan Bawipa Jesuh Khrih i a Pa le a Pathian, zaangfahnak in a khatmi kan Pa, zeizong vialte ah a kan bawmtu Pathian cu lawm u sih!" II Korin 1:3
Tutan Khristmas ahhin, a hlan tawn bantuk siloin, Pathian cu Hnangamnak tlamtling petu Pathian asi nak kha a thar in cotthan dingah kan sawm hna. Pathian he an hlaat tertu na Nunhlun, thilttha lo pawl, na duh i na tlaihchan tuk cangmi Nunzia tthalo hna kha kaltak na duh asi ahcun a tu caan te hin Pathian sinah Khupbil in, "Bawipa, Na Hnangamnak ka pe ko sawh," tiah thlacam law hal.
Ruahchihawk:
1. Na Nunnak ah na duhtuk cang ttung i a ttha lo tiah na ruah i kal tak a herh ko rua tiah na ruahmi Nunzia zeidah asi?
2. Tukum Khristmas ah Pathian sinah hal law a harmi thil kaltak kho tu si i zuam.
Bawipa nih teinak in pe ko seh.
Zathawngcin
December 14, 2012
Joseph le Mary an zumhnak khual lam ahhin an nunak ah an sunghmi, an liam termi le an kaltakmi thil tampi a um. Egypy lei an kal lio ah an hngalhmi thil tampi an kal tak. Phundang in kan chim ahcun, a harbik mi pekchanhnak, raithawinak, sunghnak an ngeihmi cu, an rak i ziaktuk cang i an rak i lawmhpi tuk cangmi hnangamnak Hmun le hma, hawikom theihngalh hna, le inn le lo kaltak kha asi.
Thil hman lo le sualnak chungah fak tuk in kan umcang hnu, kan i ziak tuk cang hnuah Pathian tinhpiak mi lamcung ah kal in a mah zulh ding hi caan tampi cu kan caah a har i a nuam lo ngaimi thil a si tawn. Kan tuah lengmang mi thil ttha lo tete le kan nunnak ah a nung cangmi nunzia ttha lo pawl kha kan i ziaktuk cang tawn hna tikah, Pathian nih tthanter i phakter a kan duhnak hmun phan kho lo in kan mah nih kan i ziak nak hmun, sualram tu ah kan hna a ngam deuh tawn.
Na ngandamnak kha Bawipa na pek ahcun, na damnak caah na duh ngai ttung i na caah ral a si tung mi Rawl phun tampi kha na kal tak a hau. Na rumnak kha Pathian kut cungah na chiah ahcun, a herh lo nak hmun ah na hman tawnmi tangkaa tam pi kha na hman ti lo a herh lai.
Ka ngeih cia mi le kan tuah peng mi nunzia remh i kal tak hi a fawi te mi thil a si lo. A har taktak mi asi. Zeicahtiah kan i ziak tuk cang! Tih a nung mi thil ton ding cu a nuam lo ngai. Kan phak bal lo nak hmun i va kal ding zong hi kan caah a nuam lo ngai, a har ngai tawn; kan cungah fahnak a tuah i harnak a kan petu minung hna va ngaihthiam zong hi a fawi lo pin ah a nuam lo ngai i a har ngai tawn. Sihmanhsehlaw Thlarau lei i tthannak le Thlennak khuallam ahhin hi bantuk in a har ngaimi le a nuam lo ngaimi thil tampi hi kan kaltak a herh tawn. Zeicahtiah a harmi thil kaltak cu a nuam lo ngai nain, a chungah thilttha, Tthatnak a um.
Hitiin tuah dingah a harmi thil, kan i ziak tuk cangmi thil kaltak nak hi ton kan ngamh lo ahcun kan tuah tawn mi thil tthalo, a nuam ngaimi ah kan ruah mi sualnak nihhin a kan ttemttawn zungzal i, kan i nuamnak chung ah kan um peng caah, a donghnak ah cu nun nihcun Lawmhnak le hnangamnak hrampi a simi Pathian he khan a kan tthen tawn i kan nunnak cu Rawhralnak in a dih tawn. Baibal ca chung ah, "Kan Bawipa Jesuh Khrih i a Pa le a Pathian, zaangfahnak in a khatmi kan Pa, zeizong vialte ah a kan bawmtu Pathian cu lawm u sih!" II Korin 1:3
Tutan Khristmas ahhin, a hlan tawn bantuk siloin, Pathian cu Hnangamnak tlamtling petu Pathian asi nak kha a thar in cotthan dingah kan sawm hna. Pathian he an hlaat tertu na Nunhlun, thilttha lo pawl, na duh i na tlaihchan tuk cangmi Nunzia tthalo hna kha kaltak na duh asi ahcun a tu caan te hin Pathian sinah Khupbil in, "Bawipa, Na Hnangamnak ka pe ko sawh," tiah thlacam law hal.
Ruahchihawk:
1. Na Nunnak ah na duhtuk cang ttung i a ttha lo tiah na ruah i kal tak a herh ko rua tiah na ruahmi Nunzia zeidah asi?
2. Tukum Khristmas ah Pathian sinah hal law a harmi thil kaltak kho tu si i zuam.
Bawipa nih teinak in pe ko seh.
Zathawngcin
December 14, 2012
