Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um. Cun Jesuh nih annih cu, “Zeicahdah cu ti hringhran in nan thin a phan? Zeicahdah zumhnak nan ngeih lo?” tiah a ti hna.
Jesuh cu zultu hna he Galilee rili cungah an kal lio ah thlichia cu an cungah a hung hrang. Mimtlau cu thli cung in an hung ceu dulhmalh. Rili cu an hung au. Thlinem cu thlichia ah an hung cang. An i citmi cu lawng hmete cu tilet nih a hun cawi i, aa hlok cang. Zultu hnacu an lau i aa hngilh cuahmah mi Jesuh cu, "Kan thi dih lai hi na hngal lo maw? Thil pa khatkhat tuah hen!" tiah an va ti. Jesuh nih, thlichia cu, "Hrang ti hlah, Dai," tiah nawl a pek tikah, thlichia le tilet cu an dai.
Hi vawlei cu thlichia lei hawih in a kal peng i thlarau tahnak fung (Barometer) cu tum lei a panh peng. Cuticun, kan vawlei hi Jesuh, Daihnak siangpahrang nih "Dai, Hrang ti hlah," tiah nawl a pek hlan poh cu kan Vawlei nih Daihnak hi a hngal ti lai lo.
Ruahawk: Mark 4:36-41 hi rel dih law, Na nunnak caah zeidah na cawn khawh?
