PATHIAN NIH ZEIDAH AN CHIMH LAI KHA HNGAK LAW A AW NGAI!
"Bawipa aw cu rili cungah a thang, a sunglawimi Pathian cu khuari bantukin a ri i a aw cu rili cungah khan a thang dih. Salm 29:3"
Mi tampi nih Pathian ke hramah tthu in a aw ngaihnak caah caan hman hi caan a paam (Alak asi) tiah ruah asi theu. Pathian nih kan nunnak ah zeidah a kan chim lai tiah hngak in a aw ngaih nak caah kan caan kan hman hi, Lo tuk nak caah hreitlung kan taat tluk hmanh in caan a paam lo. Nunnak pawcawmnak rian ttuannak ca i kan hreitlung le kan nam taatnak caah kan caan kan hman hmanh khi thlarau mit in zoh ahcun a paam deuh tuk mi a rak si.
Charles Hummel nih ,"Tyranny of the Urgent," timi cauk ah, "Kan nunnak ah Pathian rianttuan nak kha thlacamnak he lungsau tein kan hngah khawh lo ahcun, kan kaa nih a chim lo zongah, kan tuahser nak nih a langhter mi cu, PATHIAN KAN HERH LO tiah kan ti asi," tiah a tial. Thlacamnak he Pathian rianttuannak hngah cu a sunglawi tuk mi caanhmannak asi. Football le Baskeball an i celh tik ah, an tuah theu tawn mi cu, "Chikhat Dinhnak caan hal," (Time Out) asi. An i celh cuahmah lio ah chikhat te dinhnak an hal i, a re a thei mi lentecelh tu vialte kha chikhat Thawdawp nak le hrimhtthannak caan an ngei tawn i lentecelh teinak caah lamthar kawlnak caan ah an hman tawn. Zumtu kan nunnak ah kan herh tukmi thil pakhat cu Pathian auh i kan duhmi amah hal lawng kha siloin, tlamtling lomi kan sinak a hngal tu Pathian aw ngai in kan caah zeidah a tuah lai tiah a kan dawtnak rianttuannak kha thlacam nak he hngak in caanhman cu nunnak teinak hmuhnak caah a biapi bikmi asi.
Salm 29 hi rel law, "Pathian/Bawipa Aw" timi biathluan hi voi tam nawn te a nolh kha na hmuh lai. Cu Pathian aw kan theih dingmi cu zumtu kan nunnak ah a herh bikmi asi. Nitin na nunnak ah Pathian aw ngaihnak caah suimilam tlawmpal tal hmang law, Pathian nih na nunnak ah siseh tiah an duhpiak mi kha Bawipa nih an chimh hrimhrim lai zong fek tein zuum. Na nunnak ah Bawipa aw theihnak ding caah caan a hmang cuahmah cangmi na si ahcun pehzulh law, Pathian aw theihnak caah caan peknak le timhlamhnak a ngei bal rih lo mi na si ahcun TUNI hi na caan ttha asi. Thaizing ah na nunnak zei a lawh lai na thei lo. Bawipa nih na nunnak caah an duhpiakmi hi Amah lawng nih a hngalh caah, nangmah tein na nunnak hi sersiam timh siloin, an sertu Pa nih an duhpiakmi tu kha a aw ngai in theih i zuam law Daihnak le lawmhnak thluachuah a comi nunnak na ngei lai.
Bawipa nih daihnak in pe ko seh.
Zathawngcin
March 21, 2013
Mi tampi nih Pathian ke hramah tthu in a aw ngaihnak caah caan hman hi caan a paam (Alak asi) tiah ruah asi theu. Pathian nih kan nunnak ah zeidah a kan chim lai tiah hngak in a aw ngaih nak caah kan caan kan hman hi, Lo tuk nak caah hreitlung kan taat tluk hmanh in caan a paam lo. Nunnak pawcawmnak rian ttuannak ca i kan hreitlung le kan nam taatnak caah kan caan kan hman hmanh khi thlarau mit in zoh ahcun a paam deuh tuk mi a rak si.
Charles Hummel nih ,"Tyranny of the Urgent," timi cauk ah, "Kan nunnak ah Pathian rianttuan nak kha thlacamnak he lungsau tein kan hngah khawh lo ahcun, kan kaa nih a chim lo zongah, kan tuahser nak nih a langhter mi cu, PATHIAN KAN HERH LO tiah kan ti asi," tiah a tial. Thlacamnak he Pathian rianttuannak hngah cu a sunglawi tuk mi caanhmannak asi. Football le Baskeball an i celh tik ah, an tuah theu tawn mi cu, "Chikhat Dinhnak caan hal," (Time Out) asi. An i celh cuahmah lio ah chikhat te dinhnak an hal i, a re a thei mi lentecelh tu vialte kha chikhat Thawdawp nak le hrimhtthannak caan an ngei tawn i lentecelh teinak caah lamthar kawlnak caan ah an hman tawn. Zumtu kan nunnak ah kan herh tukmi thil pakhat cu Pathian auh i kan duhmi amah hal lawng kha siloin, tlamtling lomi kan sinak a hngal tu Pathian aw ngai in kan caah zeidah a tuah lai tiah a kan dawtnak rianttuannak kha thlacam nak he hngak in caanhman cu nunnak teinak hmuhnak caah a biapi bikmi asi.
Salm 29 hi rel law, "Pathian/Bawipa Aw" timi biathluan hi voi tam nawn te a nolh kha na hmuh lai. Cu Pathian aw kan theih dingmi cu zumtu kan nunnak ah a herh bikmi asi. Nitin na nunnak ah Pathian aw ngaihnak caah suimilam tlawmpal tal hmang law, Pathian nih na nunnak ah siseh tiah an duhpiak mi kha Bawipa nih an chimh hrimhrim lai zong fek tein zuum. Na nunnak ah Bawipa aw theihnak ding caah caan a hmang cuahmah cangmi na si ahcun pehzulh law, Pathian aw theihnak caah caan peknak le timhlamhnak a ngei bal rih lo mi na si ahcun TUNI hi na caan ttha asi. Thaizing ah na nunnak zei a lawh lai na thei lo. Bawipa nih na nunnak caah an duhpiakmi hi Amah lawng nih a hngalh caah, nangmah tein na nunnak hi sersiam timh siloin, an sertu Pa nih an duhpiakmi tu kha a aw ngai in theih i zuam law Daihnak le lawmhnak thluachuah a comi nunnak na ngei lai.
Bawipa nih daihnak in pe ko seh.
Zathawngcin
March 21, 2013
