HRUAITU RALTHATNAK
Deuteronomy 31:7
“Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.
Bu pakhat mithmuh kuttonghin a than cuahmah tikah a ruang cu Hruaitu nih Raltha tein biachahnak an tuah caah asi tawn. Hruaitu hi a dirhmun (Position) nih mi Raltha ah a can ter lo nain, Ralthatnak nihcun Hruaitu dirhmun a pek khawh. Na caah a har ngai dingmi thil a chuahpi hngami biachahnak tuah hau ding na lio caan ah a tanglei in kan tialmi Ralthatnak nih a chuahter mi Biatak hi ruat than tawn.
Nihin zumtu kan zumhnak hram pi asi mi Bible cauk leh ruangah John Wycliffe, Jan Hus, William Tyndale cu thah an rak si. Hi hna ralthatnak nih nihin vawlei ah chuahbik le relbik mi, zungzal nunnak lam fianhtu Bible cauk a hmunhter. Thih tih lo mi cu um asi lo. Hi hna zongnih thih hi an rak tih tuk ko bu ah, Thiltha caah an tihnak kaltakin Raltha tein an dir nak nih thil lianngan a lim ter hna. Vawlei thiltha, thil lianngan hi, harnak le buainak um lo te le dai tein lim khawhmi a um ballo. Cucaah thlennak nganpi, a chuahpi mi thiltha a tuah kho mi hruaitu hna cu, Ralthatnak in a khatmi an si tawn. Deuteronomy chungah Thawnglaw Raltha tein um tiah a kan cah!
Zathawngcin
March 2, 2018
“Cun Moses nih Joshua cu a kawh i Israel mi vialte hna hmaiah a sinah, “Ṭhawng law, ralṭha in um tuah, zeitintiah Bawipa nih annih kha pek awkin an pupa hna sinah chiat a rak sermi ram chungah khan, hi mi hna he hin na kal lai i, annih cu na coter hna lai.
Bu pakhat mithmuh kuttonghin a than cuahmah tikah a ruang cu Hruaitu nih Raltha tein biachahnak an tuah caah asi tawn. Hruaitu hi a dirhmun (Position) nih mi Raltha ah a can ter lo nain, Ralthatnak nihcun Hruaitu dirhmun a pek khawh. Na caah a har ngai dingmi thil a chuahpi hngami biachahnak tuah hau ding na lio caan ah a tanglei in kan tialmi Ralthatnak nih a chuahter mi Biatak hi ruat than tawn.
- Ralthatnak cu chunglei raldohnak in aa thokmi asi. Ralthatnak kan timi hi tihphannak a um lo ti khi asi lo. Tuah dingah Tihmi thil tuah tu khi asi.
- Ralthatnak cu Thil rem lak, Hman lak in tuah khi asi; a parpavuan in thil nalh sawhsawh khi asi lo. Martin Luther King, Jr. nih, “Minung pakhat dirhmun tahnak tha bik cu siarem tein a um lio i a dirnak hmun zoh in siloin a buaibaimi le a harmi; sining thap le nunnak pek hna a hau dingmi thilhar a ton lio i a dirnak hmun zoh in asi,” tiah ati. Harnak a chuahpi ding thil dik kan ton caan i kan dirnak hi a ho kan si a chimtu asi.
- Hruaitu nunnak chungah a ummi Ralthatnak nih zulltu pawl kha ngamhnak le lungthawhnak a pek tawn hna. Nizan ah a thimi Thawngtha chimthiam minthang, Billy Graham nih, “Ralthatnak hi i chawnh khawhmi asi,” tiah ati. Pa raltha nih fek tein a dir cang ahcun, midang kengzungruh cu fek tein an dir ve. Hruaitu ralthatnak nih mi nun a ral a that ter.
- Na nunnak hi na ralthat ningin aa samh. Rome tuanbia thiam, minthang Tacitus nih, “Himnak duhtuk naknih thil lianngan le thanchonak vialte a ral chanh a doh hna. Sinain Ralthatnak nih Innka a on. Cucu ralthatnak nih a chuahpimi khuaruahhar miaknak le hlawknak asi tiah, ati.
Nihin zumtu kan zumhnak hram pi asi mi Bible cauk leh ruangah John Wycliffe, Jan Hus, William Tyndale cu thah an rak si. Hi hna ralthatnak nih nihin vawlei ah chuahbik le relbik mi, zungzal nunnak lam fianhtu Bible cauk a hmunhter. Thih tih lo mi cu um asi lo. Hi hna zongnih thih hi an rak tih tuk ko bu ah, Thiltha caah an tihnak kaltakin Raltha tein an dir nak nih thil lianngan a lim ter hna. Vawlei thiltha, thil lianngan hi, harnak le buainak um lo te le dai tein lim khawhmi a um ballo. Cucaah thlennak nganpi, a chuahpi mi thiltha a tuah kho mi hruaitu hna cu, Ralthatnak in a khatmi an si tawn. Deuteronomy chungah Thawnglaw Raltha tein um tiah a kan cah!
Zathawngcin
March 2, 2018
Comment Box is loading comments...
