Thlarau Mitcaw!
"23 Mirumpa cu Hell chungah a tla i nganfak ngaiin a um; cunglei hi a hun zoh i lamhlapi ah khin Abraham le a pawng i Lazaruh kha a hun hmuh hna. 24Cucaah a hun kawh i, “Ka pa Abraham, ka zaangfah tuah. Lazaruh kha hei thlah law a kutdong kha ti ah va hnim seh law ka lei ah hin run ka thlerh seh, zeicahtiah hi mei chungah hin ka ngan a fak tuk hringhran,” tiah a ti. 25Sihmanhsehlaw Abraham nih a thawh i, “Ka fapa, na nun lioah khan thil ṭha phun kip kha pek na si i Lazaruh nih khan thil ṭhalo vialte a co kha philh hlah ngat; sihmanhsehlaw atu cu anih cu nuam tein a um i nang cu nganfak ngaiin na um." Luke 16:19-31
Luke 16 chungah Jesuh nih Pathian kha zeirel loin amah ca lawngah a nungmi mirum pa kong a kan chimh. Athih hnuah vawlei a um lio i aa thimmi he aa tlak ningin, Pathian he zungzal i tthennak kha a co. Mi cungah thil ttihnung zong a tuah mi a silo.
Caang 19 ah Jesuh nih nuam ngai in nifatin a nungmi, tangkaa nih a cawk khawhmi lakah a tthabik khan aa thuam; sinain kutka i a ummi sifak cu zeihmanh a pe siang lo mi pa asi ati. Theihfian a herhmi cu, Jesuh nih hipahi a rum ruangah dantatnak fak a pek asi lo. Vancung kan Pathian nih hin hlawhtlinnak le rumnak hi a hua lo. Cun hipahi mibawmh a duh lo caah Pathian sinin tthen aa huahmi zong a si fawn lo. Sihmanhsehlaw Pathian sinin zungzal tthen a sinak cu, sifak kha zeiah relloin AMAH CA LAWNG AA RUAH CAAH ASI.
Mi rumpa a palhnak cu, a pumsa ca lawng ah rian a tuan, a cawlcang i a Thlarau caah zeihmanh a tuah lo. Nihin kan pawngkam zong nih hi nunphung hi a hman i a kan cawnpiak cang. Thilri rumnak in pumpak diriamhnak kawl hi nihin vawlei minung hna i hmuitinh ngan pakhat ah a cang cang. Kan tangkaa tamtuk a dihding le harnak tampi tongding kan si zongah, mi vialte i kan hmuitinh cu kan DUHMI ngeihding lawng kha asi cang.
Bible nih Jesuh, Pathian fapa kan zumhnak thawngin kan nih cu Pathian he aa pehtlai dingah sermi kan si. Mirum pa nih Pathian kha zeiah a rei lo i, cu Pathian zeirel lo man cu a in ve. Zungzal kan donghnak ding hmun hi kan nunnak ah Jesuh zeihmun ahdah kan chiah timi cungah aa hngatmi asi.
Kan pawngkam vawlei nunphung le sining nih zeibantuk hmanh in va hmu ai kun, NUNNAK kan ti mi hi KANMAH kong asi lo i Pathian he pehtlaihnak kan ngeihding kong tu a rak si diam. Pathian laksawng khamhnak a co mi paoh cu zungzal in amah Pathian sinah an nung lai. Sinain Pathian a hlaw i zeiah a rel lo mi paoh cu Pathian umnak ah um lo in Pathian he tthen an si lai caah, Pathian umlonak Hell chungah Harnak an tuar lai.
Cucaah Thlarau mit a cawmi hna na pawngkam ah an um sual ahcun Jesuh Khrih an cohlan i an zumh khawhnak ding caah Thlacam piak hna law lam hruai hna. Nangmah pumpak hrimhrim zong vawlei sining le Nunphung nih a teimi zumtu siloin vawlei a teitu na si khawh nakhnga Pathian sinah thlacam.
Ruahchih awk:
1. Vawlei cung chawva duhnak le vawlei thachonak nih na thlarau nunnak a uk tiah na ruat maw?
2. Mirumpa dantat asinak a ruang hi zei a si tiah na ruah?
3. Dantatmi ka si ve lai tiah naa ruat maw?
Luke 16 chungah Jesuh nih Pathian kha zeirel loin amah ca lawngah a nungmi mirum pa kong a kan chimh. Athih hnuah vawlei a um lio i aa thimmi he aa tlak ningin, Pathian he zungzal i tthennak kha a co. Mi cungah thil ttihnung zong a tuah mi a silo.
Caang 19 ah Jesuh nih nuam ngai in nifatin a nungmi, tangkaa nih a cawk khawhmi lakah a tthabik khan aa thuam; sinain kutka i a ummi sifak cu zeihmanh a pe siang lo mi pa asi ati. Theihfian a herhmi cu, Jesuh nih hipahi a rum ruangah dantatnak fak a pek asi lo. Vancung kan Pathian nih hin hlawhtlinnak le rumnak hi a hua lo. Cun hipahi mibawmh a duh lo caah Pathian sinin tthen aa huahmi zong a si fawn lo. Sihmanhsehlaw Pathian sinin zungzal tthen a sinak cu, sifak kha zeiah relloin AMAH CA LAWNG AA RUAH CAAH ASI.
Mi rumpa a palhnak cu, a pumsa ca lawng ah rian a tuan, a cawlcang i a Thlarau caah zeihmanh a tuah lo. Nihin kan pawngkam zong nih hi nunphung hi a hman i a kan cawnpiak cang. Thilri rumnak in pumpak diriamhnak kawl hi nihin vawlei minung hna i hmuitinh ngan pakhat ah a cang cang. Kan tangkaa tamtuk a dihding le harnak tampi tongding kan si zongah, mi vialte i kan hmuitinh cu kan DUHMI ngeihding lawng kha asi cang.
Bible nih Jesuh, Pathian fapa kan zumhnak thawngin kan nih cu Pathian he aa pehtlai dingah sermi kan si. Mirum pa nih Pathian kha zeiah a rei lo i, cu Pathian zeirel lo man cu a in ve. Zungzal kan donghnak ding hmun hi kan nunnak ah Jesuh zeihmun ahdah kan chiah timi cungah aa hngatmi asi.
Kan pawngkam vawlei nunphung le sining nih zeibantuk hmanh in va hmu ai kun, NUNNAK kan ti mi hi KANMAH kong asi lo i Pathian he pehtlaihnak kan ngeihding kong tu a rak si diam. Pathian laksawng khamhnak a co mi paoh cu zungzal in amah Pathian sinah an nung lai. Sinain Pathian a hlaw i zeiah a rel lo mi paoh cu Pathian umnak ah um lo in Pathian he tthen an si lai caah, Pathian umlonak Hell chungah Harnak an tuar lai.
Cucaah Thlarau mit a cawmi hna na pawngkam ah an um sual ahcun Jesuh Khrih an cohlan i an zumh khawhnak ding caah Thlacam piak hna law lam hruai hna. Nangmah pumpak hrimhrim zong vawlei sining le Nunphung nih a teimi zumtu siloin vawlei a teitu na si khawh nakhnga Pathian sinah thlacam.
Ruahchih awk:
1. Vawlei cung chawva duhnak le vawlei thachonak nih na thlarau nunnak a uk tiah na ruat maw?
2. Mirumpa dantat asinak a ruang hi zei a si tiah na ruah?
3. Dantatmi ka si ve lai tiah naa ruat maw?
