MISUAL KAN CAAH I THUHNAK HMUN A UM LO
Kan ngakchiat lio ah kan tih bikmi cu kan tuah sual mi thil kan nu le kan pa nih an theih lai ti kha asi. Palhnak kan tuah sual tikah kan thiam mi dihlak chuah in kan sualpalhnak kha thuh khawh kan I zuam tawn. Sinain nu le pa nih fa le zei kan tuah kha fiang tein an rak theih diam ko. Ngakchia sining in kan sualnak cu kan ruahkhawh tawk chuah in thuh kan I tim.
Kei zong ka ngakchiat lio ah khua taw lei Tili, “Ngaltlaknak Tili,” ah ka hawi le minung 24 hrawng he tilio ah kan rak kal. Zarhpi ni asi! Mei kan kau, nuam taktak in ti kan I lio. Mei kan kaunak pawng teah ramro a borh taktak mi a um. Ka thinlung ah a hung chuak micu, mei in khangh ahcun a kangh a fawi taktak lai I zoh nuam tuk lai ti kha asi. Upa pawl lungretheihnak a chuah ter te lai ti kha cu aa tel lo! Kan toh mi mei kha la in ramro ka hun khangh cu a lio in a lio. Ahung kangh tikah kan lau I, ka hawi le pawl he cun kan ti khawh tawk, tawhrolh lo tak lawng taktak bak in (Ngakchia lio cu!), mei cu thah kan I zuam nain a lio tuk caah kan that kho lo. Kan khua tlang ning piin a kangh dih lawng si lo in kan khuatluang pawl nih an cinmi an phiang vialte zong a va kangh dih.
Culio ah ngakchia sining in ruahnak ttha bik kan chuah khawh mi cu, minung 24 hi kan I then lai I lam dangdang in kan tlung lai. Ti kan I lio lo kan ti lai, ti kha kan lak I upa deuh tete nih an von khan khawhmi asi I cuti cun kan I then hna I a dangdang in kan tlung. Sinain khualei in upa pawl nih an rak theihdiam cang mi cu kan fa le tilio ah an kal I mei an khangh, khuatluang lo vialte a kangh dih lai caah mei thah ah kan kal a hau tiah mi an rak I sawm I an rak I thawh diam cang. (Kan nih nih hlen khua kan tuak lio ah an kan theih lawng hmanh si lo in kan palh cung tu ah tawlrel pi dingah tlangtlaknak an rak ngeih diam cang.)
Kan hung tlun tikah ka pa nih biahalnak a ka ngeih. Ahodah mei a khang! Tiah hro kual taktak in a ka hal. (Palhnak ngan taktak tuah kaa I a kan dawbik tu kan pa nih a hodah palhnak a tuah ti van hal cu a zuanglio mi vanlawng cungin zuan I rili tipi cungah tla in Tisartlam kaa chung I va luh hmanh khi lawm tein I thim deuh ding tluk in Nun a tur!) Keimah ka ti ngam zokzok lo nain, ngakchiat lo cu lihbia chim a har ngaingai caah ka pa cu Keimah nih ka khangh tiah ka leh. Athin hun tuk ah hin a hmai zong a sen dih. Adawt bikmi fa nih sualnak nganpi tuah cu dawtu ka pa caah a rak har tuk hringhran. Lai lei kan ti cu, Ruapher ngan taktak in tuk ding ah biahalnak (Interview) a ka tuah cuahmah lio ah Keimah ka si nak kong ka van chimh tikah,” fung in a tu ding bantuk in a van ka um. Afung cu a ngan tuk caah ka pum cungah ka pa thinhunnak a tlak taktak I a ka tuk taktak ahcun ka pum nih a celh lai lo le, ka cei tuk lai kha fiang tein ka hngalh caah, ka palhnak ningzahnak kha I tlaih peng awk a tha ti lo. Cutikah ka pa sinah cun, “Ningzak lo tein, Ka Pa ka Ngaihthiam ko,” tiah ka ti. Ka pa cu a thin a thumh ruangmang I, na palh naa theih caah ka lawm. Tuhnu ah hi bantuk palhnak hi va tuah ti hlah tiah lawm tein a ka ngaihthiam lawng siloin a ka tuknak ding fung cu a chiah; Lai lei kan inn cu inn nganpi a si caah Ihnak khan tiang a ka puak pin ah, ihkhun cung tiang ka fa a lung rethei tuk suallai tiah a ka ih pi. A ban a ka tlinh I lawm tein a ka hngilhter. Ngaihchihnak he ngaihthiamnak ka hal tikah vawlei minung asimi ka pa hmanh nih lawm taktak in a ka ngaihthiam lawng siloin a tangnem ah a ka pom ahcun, a Fapa hmanh a kan pe siang tu, Dawtnak Pathian chichin nih cun….???
Hebru a ngan 4 chungah hin cawnawk tampi a um. Culak ah pakhat cu, mi zeidah kan si I zeidah kan tuah ti kha Pathian hmai ah Thuh khawh a si lo nak kong hi asi. Achimmi cu, “Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar I amah sinah cun kan kong cu kan I chim cio lai. Cucaah kan zumhnak hi fek tein I tlaih ko u sih. Pathian umnak hrimhrim ah a hung lutmi tlangbawi ngan kan ngei I amah cu Pathia fapa Jesuh kha asi.” (Hebru 4:13-14)
Keimah pumpak zong ka tuah mi sualnak le ka ngeihmi nunzia tha lo vialte kaa hngalh dih caah hi Bible bia hi thirthir phangphang in ka rel ve tawn. Ka ziaza, ka khuaruah le ka lungput vialte Pathian hmaiah chuahpi an si lai cu ruah ngam asi lo. Pathian hmaiah chuahpi an si lai caah, I THUHNAK DING AH HMUN A UM LO.
Pathian bia nih misual kan nunnak paw a van khuai (Surgery) tikah kan Nun Sia a Rem ti tawn lo. Pathian bia nih kan nun paw a van aah cuahmah tikah kan derthawmnak kan hun I hngal thluahmah I, kan pum cu kan thlarau he aa hun then cuahmah tawn. Cutikah kannih cu kan minung hawi sin in kan hung I then, kan nun ah himnak a um lo mi bantuk dirhmun kan hun phan I thil vialte he ralchanh nun kan ngei tawn. Kan tlamtlinh lai lo ti kan theih ko buin, Pathian sin in I thuh khawh kan I zuam tawn. Thla kan cam ti lo, Bible rel zong kan zuam ti tawn lo I, kan zumtu hawi hna sinin aa hlatnak hmun ah khua kan sa tawn. Hi ti nunnak hman hi damnak lam asi le silo cu ka thei lo! Hebru 5:10 nih “Jesuh cu kan tlangbawi ngan asi I, kan cung ah zangfahnak le zawnruahnak a ngei mi le kan sual palhnak vialte he kan sining tein cohlang in ka sinah ra u tiah a kan au peng tu Bawi asi nak kong kha fiang tein a kan cawn piak.
1930 lio ah John Foster fanu cu Radio a ngai I, Japan ralkap nih Canton, China a tuk cang lai tiah an hun thanh thawng a theih tikah a tap. Culio I inn khan chung a ummi minung tampi lakah a tap mi cu a mah pakhat lawnglawng asi. Zeicahdah mi tampi lak ah a mah te lawng hi a tah hnga ti awk in aum. Aruang cu, amah kha Tuluk ram, Caton khua ah a rak um bal mi asi. Hawi tha tampi le inn pa tha tampi a ngei I cu hna nih Harnak le fahnak an tuar lai mi a theih tikah a celh lo. Canton khua cu a mi rang hawi le caah cun khua hmete, ruah awk hmanh ah an theih lo mi a si ko nain, John fanu caah cun a INN bantuk, amah a cawmmi Nurse (Si Sayamah) bantuk le, a sianginn bantuk le a hawikom bantuk asimi hmun asi. Amah caah cun a duh tuk mi Hmunhma asi. Aa dannak cu amah a rak um bal nak hmun asi.
Jesuh zong kanmah bantuk cun a sual lo nain, kan umnak hmun poh ah a kan um pi peng mi le kan sining vialte a kan theih pi dih peng tu a si. Cucaah kan cungah zawnruahnak a ngeih kho I a kan dam ter khawh. A siangpahrang thutdan cu, Dantatnak thutdan siloin Velngeihnak thutdan asi. Cucaah Jesuh sin in kan sualnak ruangah I thuh lengmang nak nakin kan caah a ngeihmi vel tu kha fuh in kan nunnak a mah sin pek cu zeitluk lawmhnak dah asi lai. Kan sualnak ruangah vel le damternak kan herh lio caanah Jesuh sin in zaam le I thuh khawh I zuam siloin a kan dawtnak a vel ruangah amah sinah kal I a ngaihthiamnak co cu kan nunnak caah thil sunglawi, man in cawkkhawh lo mi, lawmhnak hram taktak asi. Misual kan caah Thuhnak hmun a um lo, Fuh dingmi Pathian dawtnat tangnem lawnglawng aum. Pathian min cu thangtthat sikoseh.
Zathawngcin
October 19, 2013
Kei zong ka ngakchiat lio ah khua taw lei Tili, “Ngaltlaknak Tili,” ah ka hawi le minung 24 hrawng he tilio ah kan rak kal. Zarhpi ni asi! Mei kan kau, nuam taktak in ti kan I lio. Mei kan kaunak pawng teah ramro a borh taktak mi a um. Ka thinlung ah a hung chuak micu, mei in khangh ahcun a kangh a fawi taktak lai I zoh nuam tuk lai ti kha asi. Upa pawl lungretheihnak a chuah ter te lai ti kha cu aa tel lo! Kan toh mi mei kha la in ramro ka hun khangh cu a lio in a lio. Ahung kangh tikah kan lau I, ka hawi le pawl he cun kan ti khawh tawk, tawhrolh lo tak lawng taktak bak in (Ngakchia lio cu!), mei cu thah kan I zuam nain a lio tuk caah kan that kho lo. Kan khua tlang ning piin a kangh dih lawng si lo in kan khuatluang pawl nih an cinmi an phiang vialte zong a va kangh dih.
Culio ah ngakchia sining in ruahnak ttha bik kan chuah khawh mi cu, minung 24 hi kan I then lai I lam dangdang in kan tlung lai. Ti kan I lio lo kan ti lai, ti kha kan lak I upa deuh tete nih an von khan khawhmi asi I cuti cun kan I then hna I a dangdang in kan tlung. Sinain khualei in upa pawl nih an rak theihdiam cang mi cu kan fa le tilio ah an kal I mei an khangh, khuatluang lo vialte a kangh dih lai caah mei thah ah kan kal a hau tiah mi an rak I sawm I an rak I thawh diam cang. (Kan nih nih hlen khua kan tuak lio ah an kan theih lawng hmanh si lo in kan palh cung tu ah tawlrel pi dingah tlangtlaknak an rak ngeih diam cang.)
Kan hung tlun tikah ka pa nih biahalnak a ka ngeih. Ahodah mei a khang! Tiah hro kual taktak in a ka hal. (Palhnak ngan taktak tuah kaa I a kan dawbik tu kan pa nih a hodah palhnak a tuah ti van hal cu a zuanglio mi vanlawng cungin zuan I rili tipi cungah tla in Tisartlam kaa chung I va luh hmanh khi lawm tein I thim deuh ding tluk in Nun a tur!) Keimah ka ti ngam zokzok lo nain, ngakchiat lo cu lihbia chim a har ngaingai caah ka pa cu Keimah nih ka khangh tiah ka leh. Athin hun tuk ah hin a hmai zong a sen dih. Adawt bikmi fa nih sualnak nganpi tuah cu dawtu ka pa caah a rak har tuk hringhran. Lai lei kan ti cu, Ruapher ngan taktak in tuk ding ah biahalnak (Interview) a ka tuah cuahmah lio ah Keimah ka si nak kong ka van chimh tikah,” fung in a tu ding bantuk in a van ka um. Afung cu a ngan tuk caah ka pum cungah ka pa thinhunnak a tlak taktak I a ka tuk taktak ahcun ka pum nih a celh lai lo le, ka cei tuk lai kha fiang tein ka hngalh caah, ka palhnak ningzahnak kha I tlaih peng awk a tha ti lo. Cutikah ka pa sinah cun, “Ningzak lo tein, Ka Pa ka Ngaihthiam ko,” tiah ka ti. Ka pa cu a thin a thumh ruangmang I, na palh naa theih caah ka lawm. Tuhnu ah hi bantuk palhnak hi va tuah ti hlah tiah lawm tein a ka ngaihthiam lawng siloin a ka tuknak ding fung cu a chiah; Lai lei kan inn cu inn nganpi a si caah Ihnak khan tiang a ka puak pin ah, ihkhun cung tiang ka fa a lung rethei tuk suallai tiah a ka ih pi. A ban a ka tlinh I lawm tein a ka hngilhter. Ngaihchihnak he ngaihthiamnak ka hal tikah vawlei minung asimi ka pa hmanh nih lawm taktak in a ka ngaihthiam lawng siloin a tangnem ah a ka pom ahcun, a Fapa hmanh a kan pe siang tu, Dawtnak Pathian chichin nih cun….???
Hebru a ngan 4 chungah hin cawnawk tampi a um. Culak ah pakhat cu, mi zeidah kan si I zeidah kan tuah ti kha Pathian hmai ah Thuh khawh a si lo nak kong hi asi. Achimmi cu, “Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar I amah sinah cun kan kong cu kan I chim cio lai. Cucaah kan zumhnak hi fek tein I tlaih ko u sih. Pathian umnak hrimhrim ah a hung lutmi tlangbawi ngan kan ngei I amah cu Pathia fapa Jesuh kha asi.” (Hebru 4:13-14)
Keimah pumpak zong ka tuah mi sualnak le ka ngeihmi nunzia tha lo vialte kaa hngalh dih caah hi Bible bia hi thirthir phangphang in ka rel ve tawn. Ka ziaza, ka khuaruah le ka lungput vialte Pathian hmaiah chuahpi an si lai cu ruah ngam asi lo. Pathian hmaiah chuahpi an si lai caah, I THUHNAK DING AH HMUN A UM LO.
Pathian bia nih misual kan nunnak paw a van khuai (Surgery) tikah kan Nun Sia a Rem ti tawn lo. Pathian bia nih kan nun paw a van aah cuahmah tikah kan derthawmnak kan hun I hngal thluahmah I, kan pum cu kan thlarau he aa hun then cuahmah tawn. Cutikah kannih cu kan minung hawi sin in kan hung I then, kan nun ah himnak a um lo mi bantuk dirhmun kan hun phan I thil vialte he ralchanh nun kan ngei tawn. Kan tlamtlinh lai lo ti kan theih ko buin, Pathian sin in I thuh khawh kan I zuam tawn. Thla kan cam ti lo, Bible rel zong kan zuam ti tawn lo I, kan zumtu hawi hna sinin aa hlatnak hmun ah khua kan sa tawn. Hi ti nunnak hman hi damnak lam asi le silo cu ka thei lo! Hebru 5:10 nih “Jesuh cu kan tlangbawi ngan asi I, kan cung ah zangfahnak le zawnruahnak a ngei mi le kan sual palhnak vialte he kan sining tein cohlang in ka sinah ra u tiah a kan au peng tu Bawi asi nak kong kha fiang tein a kan cawn piak.
1930 lio ah John Foster fanu cu Radio a ngai I, Japan ralkap nih Canton, China a tuk cang lai tiah an hun thanh thawng a theih tikah a tap. Culio I inn khan chung a ummi minung tampi lakah a tap mi cu a mah pakhat lawnglawng asi. Zeicahdah mi tampi lak ah a mah te lawng hi a tah hnga ti awk in aum. Aruang cu, amah kha Tuluk ram, Caton khua ah a rak um bal mi asi. Hawi tha tampi le inn pa tha tampi a ngei I cu hna nih Harnak le fahnak an tuar lai mi a theih tikah a celh lo. Canton khua cu a mi rang hawi le caah cun khua hmete, ruah awk hmanh ah an theih lo mi a si ko nain, John fanu caah cun a INN bantuk, amah a cawmmi Nurse (Si Sayamah) bantuk le, a sianginn bantuk le a hawikom bantuk asimi hmun asi. Amah caah cun a duh tuk mi Hmunhma asi. Aa dannak cu amah a rak um bal nak hmun asi.
Jesuh zong kanmah bantuk cun a sual lo nain, kan umnak hmun poh ah a kan um pi peng mi le kan sining vialte a kan theih pi dih peng tu a si. Cucaah kan cungah zawnruahnak a ngeih kho I a kan dam ter khawh. A siangpahrang thutdan cu, Dantatnak thutdan siloin Velngeihnak thutdan asi. Cucaah Jesuh sin in kan sualnak ruangah I thuh lengmang nak nakin kan caah a ngeihmi vel tu kha fuh in kan nunnak a mah sin pek cu zeitluk lawmhnak dah asi lai. Kan sualnak ruangah vel le damternak kan herh lio caanah Jesuh sin in zaam le I thuh khawh I zuam siloin a kan dawtnak a vel ruangah amah sinah kal I a ngaihthiamnak co cu kan nunnak caah thil sunglawi, man in cawkkhawh lo mi, lawmhnak hram taktak asi. Misual kan caah Thuhnak hmun a um lo, Fuh dingmi Pathian dawtnat tangnem lawnglawng aum. Pathian min cu thangtthat sikoseh.
Zathawngcin
October 19, 2013
Comment Box is loading comments...
