NGAIHTHIAMNAK
Bawipa cu a hmaika cun a lan i, “ Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si. A biakamnak kha mi thong tampi cungah a hmunhter i palhnak le ṭhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.
Hi Bible caang nih aa ralchanh mi alomi Pathian sining pahnih a kan chimh. Kap khat ah, Pathian cu Ngaithiam tu muisam in a langhter. Zeitluk hmanh in na sualnak cu thuk in, a luan cia na nunnak cu fihnung ko hmanhseh, Pathiann nih cun an ngaihthiam cuahmah ko tiah, Pathian kha Ngaihthiam khawh lo mi sualnak a ngei lo mi dirhmun in amui a langhter.
Kapkhat ah, Pathian cu a thiangmi a si kha kan hngalh a hau; Athiang mi a si caah sualnak le thatlonak cu a hrawh lai. Sualnak cu thuh khawh an si lai lo; Phungbuar tu vialte cu dantat lo in an luat lai lo. Pathian cu a tha i a dingmi asi caah mi vialte hi kanmah le kan tuahmi ning cio in bia a kan ceih lai tiah Pathian cu a thiangmi le a dingmi a si caah sualnak cu a hrawk hrimhrim dingmi Muisam ngei in a langhter.
Zeitindah cu thil aa relchanhmi sining pahnih cu a hman, a dik khawh? Pathian hi zaangfah thiammi maw a si, a thianghlimmi dah? Pathian hi ngaithiam tu maw a si a dingmi dah?
Hihi sianginn cacawnnak i a chuakmi biahalnak menmen asi lo. Zeicahtiah, kan nunnak cio ah sualnak kan tuah tikah kan i ruah i, ngaihchihnak le ngaihthiamnak kan kawl tikah kan ton cio mi thil asi. Pathian cu a dingmi le a thiangmi asi tiah kan zumh ruangah, caan tampi ah kan sual tuk caah Pathian sin ah ngaihthiamnak hal ding ah kaa tlak lo tiah kan ruat theu. Kanmah hrimhrim nih Pathian hi, hitihin va siseh ti kan duh tawn; cun Pathian cu a dikmi le a thiangmi asi caah thil tha lo vialte hi dantat lo in um hlah seh ti zong kan duh fawn. A ruang cu, lei le van a ser i a uktu pa cu a dikmi siseh law, dik tein riantuan seh tihi kan zumhmi le kan duhpiak mi a si theu.
Hi aa dohkalhmi thil sining pahnih i a phi cu, Vailam cungah Jesuh nih khuaruahhar in a tuahmi remtthannak cungah kan hmuh khawh. Jesuh Khrih a zummi poh cu an sualnak vialte kha ngaihthiam an si. An sual man dantatnak kha Jesuh nih anmah ai ah a thihnak thawng in a champiak cang hna.
Vailam cung ah, Pathian nih Sualnak zong kha a ngaihthiam i, thatlonak dantat ding zong kha a ngol. Zeicahtiah, Jesuh thihnak thawng in kan sualnak kha amah liang cung ah a chuan i Pathian nih kan sualnak kha Jesuh nunnak ah dan a va pek. Zumtu vialte hna nan sualnak ngaihthiam nan si cang ko bu ah nan Pathian cu a thiang mi Pathian asi thiamthiam ko.
Pathian cu sualhua mi le a thiangmi, a dikmi Pathian asi ko buah, sual ngaithiamtu le vel ngeihnak in khatmi zong a si thiamthiam. Cucu Pathian thatnak le lianhngannak asi. Amin thangtthat si ko seh.
Zathawngcin
Lewisville
July 13, 2013
Hi Bible caang nih aa ralchanh mi alomi Pathian sining pahnih a kan chimh. Kap khat ah, Pathian cu Ngaithiam tu muisam in a langhter. Zeitluk hmanh in na sualnak cu thuk in, a luan cia na nunnak cu fihnung ko hmanhseh, Pathiann nih cun an ngaihthiam cuahmah ko tiah, Pathian kha Ngaihthiam khawh lo mi sualnak a ngei lo mi dirhmun in amui a langhter.
Kapkhat ah, Pathian cu a thiangmi a si kha kan hngalh a hau; Athiang mi a si caah sualnak le thatlonak cu a hrawh lai. Sualnak cu thuh khawh an si lai lo; Phungbuar tu vialte cu dantat lo in an luat lai lo. Pathian cu a tha i a dingmi asi caah mi vialte hi kanmah le kan tuahmi ning cio in bia a kan ceih lai tiah Pathian cu a thiangmi le a dingmi a si caah sualnak cu a hrawk hrimhrim dingmi Muisam ngei in a langhter.
Zeitindah cu thil aa relchanhmi sining pahnih cu a hman, a dik khawh? Pathian hi zaangfah thiammi maw a si, a thianghlimmi dah? Pathian hi ngaithiam tu maw a si a dingmi dah?
Hihi sianginn cacawnnak i a chuakmi biahalnak menmen asi lo. Zeicahtiah, kan nunnak cio ah sualnak kan tuah tikah kan i ruah i, ngaihchihnak le ngaihthiamnak kan kawl tikah kan ton cio mi thil asi. Pathian cu a dingmi le a thiangmi asi tiah kan zumh ruangah, caan tampi ah kan sual tuk caah Pathian sin ah ngaihthiamnak hal ding ah kaa tlak lo tiah kan ruat theu. Kanmah hrimhrim nih Pathian hi, hitihin va siseh ti kan duh tawn; cun Pathian cu a dikmi le a thiangmi asi caah thil tha lo vialte hi dantat lo in um hlah seh ti zong kan duh fawn. A ruang cu, lei le van a ser i a uktu pa cu a dikmi siseh law, dik tein riantuan seh tihi kan zumhmi le kan duhpiak mi a si theu.
Hi aa dohkalhmi thil sining pahnih i a phi cu, Vailam cungah Jesuh nih khuaruahhar in a tuahmi remtthannak cungah kan hmuh khawh. Jesuh Khrih a zummi poh cu an sualnak vialte kha ngaihthiam an si. An sual man dantatnak kha Jesuh nih anmah ai ah a thihnak thawng in a champiak cang hna.
Vailam cung ah, Pathian nih Sualnak zong kha a ngaihthiam i, thatlonak dantat ding zong kha a ngol. Zeicahtiah, Jesuh thihnak thawng in kan sualnak kha amah liang cung ah a chuan i Pathian nih kan sualnak kha Jesuh nunnak ah dan a va pek. Zumtu vialte hna nan sualnak ngaihthiam nan si cang ko bu ah nan Pathian cu a thiang mi Pathian asi thiamthiam ko.
Pathian cu sualhua mi le a thiangmi, a dikmi Pathian asi ko buah, sual ngaithiamtu le vel ngeihnak in khatmi zong a si thiamthiam. Cucu Pathian thatnak le lianhngannak asi. Amin thangtthat si ko seh.
Zathawngcin
Lewisville
July 13, 2013
