Sual Phuhru Nun in Luatnak
"Nichuahlei le nitlaklei an i hlat tluk khin kan sualnak cu kanmah he i hlat ah a kan ṭhialpiak." Psalm 103:12
Tuni (Today) kan i lawmhnak a kan chutkho tu ni pa hnih cu NIZAN le THAIZING an si. Paul nih Filipi 3:13-14 chungah, "Ka u le ka nau hna, cu thil cu ka phan cang tiah ka ruat hrimhrim lo; sihmanhsehlaw thil pakhat ka tuahmi cu, hnulei thil kha philh i hmailei thil banh i zuam kha a si. Cucaah kawltung leiah cun laksawng hmuh awkah khan ka tli i cu laksawng cu Pathian nih Khrih Jesuh thawngin cunglei nunnak i a kan kawh hi a si."
Kan nih zumtu cu a luancia kong philh ding kan si. Kan Sualnak, kan Sunparnak le lianhngannak, kan Ngaihchiatnak, kan thinhunnak le mi nahchuahnak tbk hna hi kan nunnak ah kan philh dih dingmi thil an si. Paul zong hi a rak sual taktak mi a rak si ve ko. Steven an thah lio ah lung in a chep tu asi. I Timothy 1:15, ah, "Khrih Jesuh cu misual mi hna khamh awkah vawlei ah a rung ṭum, timi hi a hmaanmi le cohlan awk a tlakmi le zumh awk bia a si. Keimah cu an lakah a sual bik ka si ko.." tiah mi sualbik a sinak kong kha fiang tein a chim. Khrihfa a thattu le a hremtu, mithat pa asi. Khrihfa kha fahnak a pe lengmang mi misual a si ko bu ah, Pathian a hun theih i hrintthan a hun si tikah, a Sualnak vialte cu Bawipa Ngaihthiamnak Thlan ah a vui chih dih.
Nang le kei zong kan nunnak ah mi nih an theih sual lai tiah phang ngai i, tih a nung tuk mi sualnak ah kan ruahmi sualnak he kan nun kan hmang men ko lai. Cubantuk Sualnak cun Ngaihchih nun na ngei cang maw? Sual ngaihchih nun na ngeih cang hnu ahcun Sual phuhrun-lunghrinhnak thlarau kha i dawi ter ti hlah. Zeicahtiah Bawipa nih an ngaihthiam cang. Baibal Cathar chan i Khrihfa a thattu, mithat pa nak in a sual deuhmi sualnak na tuah bal maw? Hibantuk in Khrihfa vialte a rak that mi Paul zong Ngaihthiam a si ko ahcun, hawidawt nang le kei zong Ngaihthiam kan si ve ko lai. Na sualnak le ka sualnak ruang ah nuam lo piin um si lo in Bawipa sin ah ngaihthiamnak hal in Ngaihthiam kan si ruang tu ah lunglawmh nun he Pathian thangtthat nak in vawlei teitu si i zuam hi Khrihfa nun asi. Sual Phuhrun nak thlarau i uk ter in na nunnak ah nuam lo piin khuasa ti hlah, Bawipa nih an ngaihthiam mi le an dawtmi na si. Na din ruangah siloin ngaihthiam na si ruang tu ah vel thawng in Bawipa he aa rem mi na si. Bawipa nih sunparnak co ko seh.
Zathawngcin
March 18, 2013
Tuni (Today) kan i lawmhnak a kan chutkho tu ni pa hnih cu NIZAN le THAIZING an si. Paul nih Filipi 3:13-14 chungah, "Ka u le ka nau hna, cu thil cu ka phan cang tiah ka ruat hrimhrim lo; sihmanhsehlaw thil pakhat ka tuahmi cu, hnulei thil kha philh i hmailei thil banh i zuam kha a si. Cucaah kawltung leiah cun laksawng hmuh awkah khan ka tli i cu laksawng cu Pathian nih Khrih Jesuh thawngin cunglei nunnak i a kan kawh hi a si."
Kan nih zumtu cu a luancia kong philh ding kan si. Kan Sualnak, kan Sunparnak le lianhngannak, kan Ngaihchiatnak, kan thinhunnak le mi nahchuahnak tbk hna hi kan nunnak ah kan philh dih dingmi thil an si. Paul zong hi a rak sual taktak mi a rak si ve ko. Steven an thah lio ah lung in a chep tu asi. I Timothy 1:15, ah, "Khrih Jesuh cu misual mi hna khamh awkah vawlei ah a rung ṭum, timi hi a hmaanmi le cohlan awk a tlakmi le zumh awk bia a si. Keimah cu an lakah a sual bik ka si ko.." tiah mi sualbik a sinak kong kha fiang tein a chim. Khrihfa a thattu le a hremtu, mithat pa asi. Khrihfa kha fahnak a pe lengmang mi misual a si ko bu ah, Pathian a hun theih i hrintthan a hun si tikah, a Sualnak vialte cu Bawipa Ngaihthiamnak Thlan ah a vui chih dih.
Nang le kei zong kan nunnak ah mi nih an theih sual lai tiah phang ngai i, tih a nung tuk mi sualnak ah kan ruahmi sualnak he kan nun kan hmang men ko lai. Cubantuk Sualnak cun Ngaihchih nun na ngei cang maw? Sual ngaihchih nun na ngeih cang hnu ahcun Sual phuhrun-lunghrinhnak thlarau kha i dawi ter ti hlah. Zeicahtiah Bawipa nih an ngaihthiam cang. Baibal Cathar chan i Khrihfa a thattu, mithat pa nak in a sual deuhmi sualnak na tuah bal maw? Hibantuk in Khrihfa vialte a rak that mi Paul zong Ngaihthiam a si ko ahcun, hawidawt nang le kei zong Ngaihthiam kan si ve ko lai. Na sualnak le ka sualnak ruang ah nuam lo piin um si lo in Bawipa sin ah ngaihthiamnak hal in Ngaihthiam kan si ruang tu ah lunglawmh nun he Pathian thangtthat nak in vawlei teitu si i zuam hi Khrihfa nun asi. Sual Phuhrun nak thlarau i uk ter in na nunnak ah nuam lo piin khuasa ti hlah, Bawipa nih an ngaihthiam mi le an dawtmi na si. Na din ruangah siloin ngaihthiam na si ruang tu ah vel thawng in Bawipa he aa rem mi na si. Bawipa nih sunparnak co ko seh.
Zathawngcin
March 18, 2013
