A TAK IN NU LE PA UPAT NING
Na nu le na Pa kha upat hna. Ephesians 6:2
Minung kan chan chung ah a har ngai lio caan cu Nu le Pa zohkhenh caan asi. Hi caan hi Nu le Pa le Fa le nih phak kan tih cio mi le hrial awk tha sisehlaw hrial duh cio mi caan asi kho men. Nu le Pa zong nih Fa le retheih pek an duh lo lio caan; Fa le ca zong ah Tar zohkhenh cu a har in ruah lio caan asi. Siseh Bible nih Nu le Pa upat ding ah fiangtein a kan cawnpiak. Upatnak pek ti tikah an tar tik (or) an upat tik I zohkhenh tthan kha a si. Nu le Pa upatnak kong ah ruahchih awk tha pawl cu:
1. A upa cang mi na Nu le na Pa sinah na pek khawhmi laksawng nganbik cu CAAN asi. Nan umnak aa hlaat tuk ruangah an mah he caan hmang kho tti ding na si lo ahcun chawnhkhawh le ca kuat khawh lengmang I zuam ding a si. Hihi Nu le Pa caah kan pek khawhmi laksawng sungbik asi.
2. Kan Nu le kan Pa hna nih anmah le anmah an I zoh khawh ti lo tik ah thlacampiak le felfai te zohkhenh hi fa le hna kan rian asi. Lungthiang tein chim ahcun, an um te lainak hmunhma, an ei din lai mi kong le, damnak si ai an herh te lai mi kong tibantuk hna hi tuan tein ruahpiak cia an hau.
3. A har ngaimi rian cu a si nain, hi thil tuah naa timh tikah, DAWTNAK kha lam I hruaiter law lawm tein na tuah khawh lai. Thilhar bantuk in na ruah ahcun na caah thilrit a si lai. Nangmah na siarem ning in bawmh le zohkhenh si lo in an herh bik ning in zohkhenh khawh I zuam hi fale hna rian asi.
Nu le Pa upatnak timi hi Nu le Pa zohkhenh, kilkawi kha a si ko. Kan tuh bantuk in kan zuun te lai. Nihin ah Nu le Pa kan zohkhenh hnanak thilttha hi kan fa le nih an hmuh tik ah an caah thilttha cawnpiak a si pin ah, kan mah cio lila zong kan tar tikah kan fa le nih kan cungah an run tuah tthan ve te lai. (Kan tar tikah zohtu kan ngei sual lai lo ti phan ruangah tuahmi cu a si lo cu a hau ve!)
Caanttha na ngeih lio ah na NU le na PA zohkhenh le upat hi Pathian fialmi rianngan asi.
Minung kan chan chung ah a har ngai lio caan cu Nu le Pa zohkhenh caan asi. Hi caan hi Nu le Pa le Fa le nih phak kan tih cio mi le hrial awk tha sisehlaw hrial duh cio mi caan asi kho men. Nu le Pa zong nih Fa le retheih pek an duh lo lio caan; Fa le ca zong ah Tar zohkhenh cu a har in ruah lio caan asi. Siseh Bible nih Nu le Pa upat ding ah fiangtein a kan cawnpiak. Upatnak pek ti tikah an tar tik (or) an upat tik I zohkhenh tthan kha a si. Nu le Pa upatnak kong ah ruahchih awk tha pawl cu:
1. A upa cang mi na Nu le na Pa sinah na pek khawhmi laksawng nganbik cu CAAN asi. Nan umnak aa hlaat tuk ruangah an mah he caan hmang kho tti ding na si lo ahcun chawnhkhawh le ca kuat khawh lengmang I zuam ding a si. Hihi Nu le Pa caah kan pek khawhmi laksawng sungbik asi.
2. Kan Nu le kan Pa hna nih anmah le anmah an I zoh khawh ti lo tik ah thlacampiak le felfai te zohkhenh hi fa le hna kan rian asi. Lungthiang tein chim ahcun, an um te lainak hmunhma, an ei din lai mi kong le, damnak si ai an herh te lai mi kong tibantuk hna hi tuan tein ruahpiak cia an hau.
3. A har ngaimi rian cu a si nain, hi thil tuah naa timh tikah, DAWTNAK kha lam I hruaiter law lawm tein na tuah khawh lai. Thilhar bantuk in na ruah ahcun na caah thilrit a si lai. Nangmah na siarem ning in bawmh le zohkhenh si lo in an herh bik ning in zohkhenh khawh I zuam hi fale hna rian asi.
Nu le Pa upatnak timi hi Nu le Pa zohkhenh, kilkawi kha a si ko. Kan tuh bantuk in kan zuun te lai. Nihin ah Nu le Pa kan zohkhenh hnanak thilttha hi kan fa le nih an hmuh tik ah an caah thilttha cawnpiak a si pin ah, kan mah cio lila zong kan tar tikah kan fa le nih kan cungah an run tuah tthan ve te lai. (Kan tar tikah zohtu kan ngei sual lai lo ti phan ruangah tuahmi cu a si lo cu a hau ve!)
Caanttha na ngeih lio ah na NU le na PA zohkhenh le upat hi Pathian fialmi rianngan asi.
