NUAMHNAK LE LAWMHNAK
“Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh than rih ko lai.” Filipi 4:4
Nuamhnak (Hapiness) kan ti mi cu Lenglei thil kan tonmi cungah a um i, Lawmhnak (Joy) kan timi cu Chunglei in a chuak mi asi. A ngaih a chia i a lung a kuai cuahmah mi, Harnak a tong cuahmah mi hna kha I NUAM U va ti cu thil tha asi lo. Ngaichiatnak awngkua chung in an duh nalo in chuahter i, Nuamh fial nakin cun an tuarmi i hrawm ve le anmah sin te ah Nun hrawm vetu kha thil tha deuh asi hnga, i an damnak zong a si hnga.
Minung Nunnak cu, Fahnak, Temhtuarnak, Ngaihchiatnak le lungrawhnak in a khatmi asi. Sihmanhsehlaw, hi Harnak (Difficulty) vialte lak zong ahhin LAWMHNAK (Joy) cu hmuh khawh asi. Nuamhnak cu Leng lei rian asi; Lawmhnak cu chunglei rian asi. Khrih he cun Paul le Silas cu Thonginn chungah Lawm tein khua an sa ko i thangthatnak hla an sa kho ko. An i nuam lo nain an i Lawm. Pathian he cun Joseph cu Thonginn chungah lawm tein khua a sa kho; Judah tlangval pathum hna cu, Pathian he cun Meiphu chungah lawm tein an nun an hmang kho.
Lawmhnak hram cu pawngkam thil a cangmi cungah siloin Bawipa cungah a ummi asi. Kan lawmhnak hram Bawipa fuh hi zumtu hna kan teinak asi. Na har caan ah hodah na fuh tawn? Nihin kan Lairam ah siseh, vawlei cung kaa kip hmunkip ah Harnak tong in lungrethei tampi an um. Nuamhnak cu kan pe kho hna lai lo, an ngaihchiatnak tu kan i hrawm a hau; Lawmhnak an herh lio caan asi. Lungkuai in harnak atong mi hna nih Lawmhnak an hmuh khawh nakhnga nangmah le keimah an kan herh. Thlacamnak in siseh, Dawtnak in siseh, midang caah Lawmhnak hram si hi Zumtu tha hna nunzia asi. Midang lawmh tertu ah Bawipa nih in hmang chin ko seh. Harnak atong mi kan miphun hawi hna zong Lawmhnak Khrih chungah lawmhnak nan hmuh khawh nakhnga thla kan in campiak hna.
Ruahchih Ding:
1. Nuamhnak (Hapiness) hi zeidah asi i Lawmhnak (Joy) hi zeidah a si tiah na fian? Aa khat tiah dah na ruah?
2. Zeinihdah Nuamhnak a chuah pi i zeinihdah Lawmhnak a chuah pi tawn?
3. Nuamhnak maw kan herh deuh lawmhnak dah? Zeitindah kan kawl lai?
4. Nuamhnak an petu thil zeidah an si si lawmhnak an petu tah zeidah asi tiah na ruah?
“Bawipa chung i nan nunnak ah khan i lawm zungzal ko u ti kan duh hna. I lawm ko u, tiah ka nolh than rih ko lai.” Filipi 4:4
Nuamhnak (Hapiness) kan ti mi cu Lenglei thil kan tonmi cungah a um i, Lawmhnak (Joy) kan timi cu Chunglei in a chuak mi asi. A ngaih a chia i a lung a kuai cuahmah mi, Harnak a tong cuahmah mi hna kha I NUAM U va ti cu thil tha asi lo. Ngaichiatnak awngkua chung in an duh nalo in chuahter i, Nuamh fial nakin cun an tuarmi i hrawm ve le anmah sin te ah Nun hrawm vetu kha thil tha deuh asi hnga, i an damnak zong a si hnga.
Minung Nunnak cu, Fahnak, Temhtuarnak, Ngaihchiatnak le lungrawhnak in a khatmi asi. Sihmanhsehlaw, hi Harnak (Difficulty) vialte lak zong ahhin LAWMHNAK (Joy) cu hmuh khawh asi. Nuamhnak cu Leng lei rian asi; Lawmhnak cu chunglei rian asi. Khrih he cun Paul le Silas cu Thonginn chungah Lawm tein khua an sa ko i thangthatnak hla an sa kho ko. An i nuam lo nain an i Lawm. Pathian he cun Joseph cu Thonginn chungah lawm tein khua a sa kho; Judah tlangval pathum hna cu, Pathian he cun Meiphu chungah lawm tein an nun an hmang kho.
Lawmhnak hram cu pawngkam thil a cangmi cungah siloin Bawipa cungah a ummi asi. Kan lawmhnak hram Bawipa fuh hi zumtu hna kan teinak asi. Na har caan ah hodah na fuh tawn? Nihin kan Lairam ah siseh, vawlei cung kaa kip hmunkip ah Harnak tong in lungrethei tampi an um. Nuamhnak cu kan pe kho hna lai lo, an ngaihchiatnak tu kan i hrawm a hau; Lawmhnak an herh lio caan asi. Lungkuai in harnak atong mi hna nih Lawmhnak an hmuh khawh nakhnga nangmah le keimah an kan herh. Thlacamnak in siseh, Dawtnak in siseh, midang caah Lawmhnak hram si hi Zumtu tha hna nunzia asi. Midang lawmh tertu ah Bawipa nih in hmang chin ko seh. Harnak atong mi kan miphun hawi hna zong Lawmhnak Khrih chungah lawmhnak nan hmuh khawh nakhnga thla kan in campiak hna.
Ruahchih Ding:
1. Nuamhnak (Hapiness) hi zeidah asi i Lawmhnak (Joy) hi zeidah a si tiah na fian? Aa khat tiah dah na ruah?
2. Zeinihdah Nuamhnak a chuah pi i zeinihdah Lawmhnak a chuah pi tawn?
3. Nuamhnak maw kan herh deuh lawmhnak dah? Zeitindah kan kawl lai?
4. Nuamhnak an petu thil zeidah an si si lawmhnak an petu tah zeidah asi tiah na ruah?
Widget is loading comments...
