OBAMA CHIMMI PA LE NI KONG ( FATHER'S DAY)
Good morning. Tuchun ni sunglawi ah lai ka hlum i ka fanu dawt pahnih he caan tha ka hmankhawh caah le a tlangthiang ah nanmah he Pathian thangthatnak caan ka ngeihkhawh caah kai lawm. Jesuh khrih nih tlangcung cawnpiaknak ah hitihin a biatlang a kom."Hi ka bia a thei i a zulmi cu lungcung ah a inn a sami mifimpa bantuk a si.
Ruah a sur, ti a lian, thlitu nih fakpi in a hranh. Sihmanhsehlaw lungcung ah sakmi a si caah khan a pur lo." (Mathai 7:24-25) Kannih zong lungpi Jesuh khrih, a kan tlenhtu le a kan khamhtu Bawipa cung ah sakmi Apostolic Church ah Pathian kan thangthat khawh hi zeitluk thluachuak dah kan si. Hi Khrihfabu hi lungpi Jesuh cung lawng ah si loin kum sawmli le kumriat chung thlichia le ruahpi, sifahnak le harsatnak, hnabeidonghnak le buaibainak lakah ralthatnak he members a zate in a dirh i a hruainak tang ah members thawngkul renglo a ngeihtertu Bishop Arthur Brazier Foundation cung ah sakmi a si. Dinnak tanh in Dr King kam ah a dir i harsatnak phun zakip intuar buin lungdong loin a rak hruai caah kan khua, kan sang a thangcho i hi Khrihfabu zong fekchin lengmang in kum sawmnga a dirkhawhnak a si. A fapa Reverend Byron Brazier nih thawng chinchin in hi Khrihfabu a hruaimi nih hin tuchun hringtupa ni (Father's Day) ah lunghmuihnak a pek hrim lai. Tuchun ni sunglawi hringtu pa ni ah theihter than kan simi cu minung kan nunnak ah a biapibik foundation cu innchungkhar a si tihi a si. Cu innchungkhar ah pabik a biapit tuk ning cu chim hau lo a si. Cawmkengtu, fimchimtu, lamhruaitu le kilvengtu lawng si loin chungkhar chung minung pakhat cio nih thiltha tuah in teinak an hmuhkhawhnak hnga dirkamhtu le zohchunhmi kan si. Sihmanhsehlaw, pabik tampi nih an innchungkhar an tlautak cang. Chungkhar ah an mithmai a de ti lo. Patling dirhmun dir in an liangcung khinhmi, chungkhar thanchonak lei hruai ding rian phettak in ngakchia bantuk in an nun caah chungkhar foundation a der chin lengmang. Zeitluk in dah kanmah African-American miphun nih hi thil kan ton cu na theih ka theihmi a si. Minak ngakchia zatceo renglo cu nuhmei inn ah khua an sa. Kan ngakchiat lio in atu tiang hi cazin hi tumlei panh naisai cu---a let, a let in kum fatin a karh peng hih! Pa ngeilo fa cu midang nakin a let nga in an si a fak deuh i sualnak an tuah deuh, a let kua in sianginn
chuah an tong deuh, a let kul in thawngtlak deuh an si ti zong hlathlainak tuahmi nih a kan chimh. Tleirawl in nupi pasal an ngei i kum tlin hlan ah fa ngeih deuh dawh zong an si. Hi khuapi nih nikum kum khat chung ah a fa dawt zeizahdah cawnpiak lomi fa kutin a sungh? Voi zeizahdah zantim ah meithal thawng nih kan thaw a kan phih? Sianginn khan ah a thu ding kan mino zeizahdah lamkam ah an tlawng len? Riantuan caan ah rian hmun ah a um dingmi kan mino zeizah nih dah thonginn ah an caan an hman. Kan tefa zeizah hme hi bantuk in kan lohtlauter rih hna lai? Zeizah remruam hme? A si, lamcung ah palik tam deuh kan herh i a ngeitu ding a si lomi kut ah meithal tlawm deuh a phak kan herh. Kan sianginn nih saya tha tam deuh a herh i kan fale nih sianginn in lawi hnu cawnnak (tuition) tam deuh an herh. A si, rian tam deuh kan ser i rian ngeilo kan tlawm deuh a hau. Rian tlaihkhawhnak ding a herhmi thiamnak ding caah rian training programs tam deuh kan herh i phaisa tam deuh kan herh. Asinain, kan fale lamhman in an thancho khawhnak hnga innchungkhar tha kan herh tuk dahaw. Cucaah pabik nih kan tuan hnga kan tuan a hau. A ngaingai tiah cun fa ngeihkhawhnak kan ngeihmi thazaang si loin fale cawmken le zohkhenh ngamhnak kan ngeihmi hi dawh pabik (Father) a kan si tertu a si. Tuchan kan nule nih rian ngan vialte an liang an ikhinh. Fale sianginn thlah-don, rawlchumh-tikhin, innthianh le zeidang inn lei herh vialte an tuah dih bu ah thlahlawh pekmi rian an tuan chih rih. An ba tuk hringhran i bawmtu an herh. Fale zong nih an pale tuammuainak an hlam ve dahaw. Pabik nih nubik kan bawmh i kan tuan hnga kan tuan ahcun kan innchungkhar foundation a thawng lai i kan khua le ram, miphun a thangcho lai. Kum hnih ka si in ka pa ka hmu ti lo i zeitluk in dah pa ngeihlo a har ka theih. Asinain, tuchan pa ngeilo kan mino cheukhat tluk in ka rak har lo. Zeicatiah, keimah le ka far caah an ngeihmi vialte a sian dih i ka nu nih a kan zohkhenhnak ah a bawm zungzaltu pi le pu ka rak ngei. Phaisa tampi rak ngei hmanh hlah sih law scholarship thawng in ramchung sianginn tha bikbik ah ca ka rak cawng. Ka tluk hnga ding nakin voi tampi ka rak tlu nain thawhthannak caan tha ka rak ngei. Tuchun kan fale nih kha bantuk caantha an ngei ti lo. Cucaah anmah nakin ka van tha deuh ka tinak a si. Nuhmei nun zeitlukin dah a har ti cu ka nu ah ka hmuh. Pahnih tuanding amahlawng tuan hrat cu zeitluk har in aa zuam ko hmanh ah a tlamtlinlonak tampi a um. Nu le kuttang lawng um hrat kan ti cu a fapa keimah zong nih tuahlo ding thil thalo tampi ka rak tuah. Ka nu hruaimi kan chungkhar sining ka zoh than tik ah "Ka nunchung ka nupi ka dawt lai i ka fanu pahnih caah bochantlak pasaltha ka si hrim lai" tiah biakamnak ka ngei. Kan fale caah kan tuahkhawhmi thilthabik cu kan dawt kan zohkhenh hna le an nunnak an dirhnak foundation tha kan sipiak hna hi a si ko. Palhnak in a khatmi patlinglo ka si ti theih buin hi bia hi ka chim. Hi hnu zong ah palhnak tamchin ka tuah rih ko lai. Asinain, ka nupi ka fale caah dawtnak lungpi, atu nak in a tha deuh chin lengmangmi si ka duh. Zeitlukhmanh in tlamtlinglo ko hmanh u sihlaw pabik kan si bantuk in that deuh chin ding kan izuam peng a herh. Zeicatiah, kan nak pek ka raan pek, kan rum pek kan sifah pek, kan fim pek kan hruh pek chungkhar hruaitu, rian nganpi khinhmi kan si. Pakhatnak ah kan fale nih an itinhmi a sannak hnga kanmah nih kan itinhmi a saan a herh. Rian tha na tlaih ah cun a tha. College degree na ngeih ahcun a tha chin. Na innchungkhar he khua na sakti mi cu a sunglawi tukmi a si. Asinain, zarh dongh rian dinh ni ah chun nitlak TV hmai ah thu in Sports Center lawng zoh ti hlah. Hi kan zia ruang ah fale tampi nih TV hmai ah an caan tamtuk an hmannak a si. An pa na si bantukin an kut in an thlah sian lomi an video game le an TV remote control, cauk in na thlenpiak hna i an ca zoh na bawmh lengmang hna a hau. Hlan lio bantuk in tanghra awn men a za ti lo i a tlawmbik college degree an ngeih a hau cang. Zeicatiah, rian tha hmuhkhawhnak ding ah ramchung mino he lawng si loin Tuluk, India le vawleicung mino vialte he an icuh a hau cang. TV chung an hmuhmi nih kan fanu khuaruahning a hrawk lo i radio chung hla pawrpok nih kan fapa lungthin chung ah sualnak tuah zei a poi lo tiin a nun a hrawh sualnak hnga lo kan ven hna awk a si. Ri ngei loin khua an ruah i vantong tinhmi an ngeih a hau. Cucaah kanmah pabik nih kan i tinhmi a san hrim a herh. Cuticun kan foundation a thawng lai. Pahnihnak ah toidornak lungthin kan hmuhsak hna ding a si. Zaangfahnak lawng si loin minung pakhat keden in an vawlei cuanhkhawhnak, mi theihthiamnak le toidornak kan hmuhsak hna a herh. Zuamnak in a khatmi kan chan le kan nunphung nih nunnemnak le toidornak langhter a kan sianh lomi ko a lo tawn. Zaangdernak langhtertu thil ah kan ruah tawn caah kan palh sualmi zong pabik kan sinak nawlngeihnak hmang riangmang in ka palh kan ti duh tawn lo i zaangfahnak lungthin ngeilo kan hluan tawn. Asinain, kan fa dawt hna nih cun an hmuhkhawh. Na nupi thate in na chawnh duhlo i a chimmi zeirel loin na um lio caan ah an um sia a rem lo. Hi bantuk in, chungkhar hruaitu si loin bawi kan ttuan lengmang ko rih caah hin kan zalamtlang le sianginn ah kan fale nunzia dawh loin khua an sakmi hi khuaruahhar ding cu kan si lem lo. "Mi pakhat na thlakkhawhnak ruang si loin na tunkhawhnak thawng in mithawng na sinak a lang" tiah kan cawnpiak hna ding a si. Cucu pabik kan rian a si. Kap khatlei ah kan cozah zong nih a ban a samh ve ding a si. Nngakchia bawmhnak vialte tawlreltu kut ah vaivuan loin bawmhmi sin an phakter dih ding a si i chungkhar tha cu ngunkhuai (tax) kawlning zong in a bawmh ding a si. Tahchunhnak ah, chungkhar tlingte in hmunkhat ah khua a sami nih an bill fawi deuh in an pekkhawhnak hnga Earned Income Tax Credit tam deuh a pek i nuva aa thenmi caah dantatnak a pek ding a si. Nau pawimi le nau ngeika nu zohkhenhnak program zong thawnter deuh i nau ngeihnak caah pekmi a khonmi (maternity and paternity leaves) zong karhter deuh ding a si. Nucem le pacem nih nihlawh an sungh lo tikah phaisa kong thinphang loin chungkhar ttha deuh in an zohkhenh khawh lai. Zeitlukhmanh in izuam ko u sih, kan cozah zong nih bawmhnak ban kan samhhnawh ko hmanhsehlaw harnak tampi kan tong thiam rih lai. Hi ruang ah a biapi bikmi nunzia, harsatnak phunzakip lakah lungdong loin ruahchannak ngeih peng ding kan hmuhsak hna awk a si. Thathupa ruahchannak, zeithil paoh a tluang dih than te ko lai tiah hngangam in thut ko khi ka chimduhmi a si lo. Kai zuam paoh ahcun hi harsatnak le thinphannak pin lei ah duhdim-nunnuamhnak nih a ka hngah ko tiin chunglei in lungthawnnak a petu ruahchannak khi a si. Chimnak si loin tuahsernak lawng in kan pekkhawhmi hna laksawng sung a si. Nikhat cu Wiscosin town hall ah biahallehnak ka tuah. Tlangvalno pakhat a dir i college tuition kong asiloah Iraq ral kong tibantuk a ka hal theu lai tiah ka ruahdamh. Nemmam cu! "Na caah nunnak nih zei sullam dah a ngeih? " asiloah "Na caah nunnak sullam zeidah a si?" a ka ti ko. Kai ruahlo tukmi a si caah khua zaza ka hoih i tlawmpal kai ruah hnu ah hitihin ka leh. Ka rak no lio ahcun ka caah nunnak sullam cu "zeitindah ka duhmi ka hmuhkhawh lai, zeilam in dah mi ka teikhawh lai, zeitindah hi vawlei ah nuamte in khua ka sak khawh lai tibantukin mah ca lawng ruahnak a rak si. Asinain, fanu dawt pahnih ka ngeih hnu in aa thleng dih. Ka fanu dawt pahnih hi mirum le sifak tuk in ithleidennak ram ah ka thihtak sual hna lai maw? Miphun thleidannak nih a cheumi ram ah an um sual maw? Nu an si ruang ah pa tluk in akhunh azi (opportunity) an ngeihlonak ding ram ah ka chiata sual hna lai maw? Vawleicung pumpi lungzulh loin amah duh paoh in a cawlcangh ruang ah ramdang vialte nih an huatmi ram ah ka tantak sual hna lai maw? Kanmah nih a khuacaan kan hrawh cikcek ruang ah a him lomi vawlei ka rohtak sual hna lai ti ka phang. Ka nunnak sullam cu hi ka fanu dawt pahnih hi an si ko" ka ti. Kan fale caah thil tha deuh kan tumpiak hna i an hmuhkhawhnak ding ah kan si khawhtawk kan bawmh tung hna lo ahcun kan nunnak nih zeite sullam a ngei lo. Nu le pa nih cun fale caah thiltha deuh ruahchan in kan tuan, kan izuam, thla ka cam. "Thlichia a hrang, ruahpi a sur, sihmanhsehlaw kan inntung dirnak lungpi zeizong thilti khotu kan pa nih hi muihnak cung in niceu tha ah kannih a fale a kan hruai lai zumhnak in kan i ruahchan. "Pathian nih nanmah he nan fale he thluachuahnak in pe hna seh. Kai lawm.
A lettu: Salai Biak Hnin Sang
(Mr.Obama nih US president a rak icuh lio 2008, June 15 Father's Day i Chicago khua Apostolic Church of God ah a rak chimmi bia kha atawifiannak in vun lehmi a si.)Ch. Faiceu Cazual Vol.3.No.125
Ruah a sur, ti a lian, thlitu nih fakpi in a hranh. Sihmanhsehlaw lungcung ah sakmi a si caah khan a pur lo." (Mathai 7:24-25) Kannih zong lungpi Jesuh khrih, a kan tlenhtu le a kan khamhtu Bawipa cung ah sakmi Apostolic Church ah Pathian kan thangthat khawh hi zeitluk thluachuak dah kan si. Hi Khrihfabu hi lungpi Jesuh cung lawng ah si loin kum sawmli le kumriat chung thlichia le ruahpi, sifahnak le harsatnak, hnabeidonghnak le buaibainak lakah ralthatnak he members a zate in a dirh i a hruainak tang ah members thawngkul renglo a ngeihtertu Bishop Arthur Brazier Foundation cung ah sakmi a si. Dinnak tanh in Dr King kam ah a dir i harsatnak phun zakip intuar buin lungdong loin a rak hruai caah kan khua, kan sang a thangcho i hi Khrihfabu zong fekchin lengmang in kum sawmnga a dirkhawhnak a si. A fapa Reverend Byron Brazier nih thawng chinchin in hi Khrihfabu a hruaimi nih hin tuchun hringtupa ni (Father's Day) ah lunghmuihnak a pek hrim lai. Tuchun ni sunglawi hringtu pa ni ah theihter than kan simi cu minung kan nunnak ah a biapibik foundation cu innchungkhar a si tihi a si. Cu innchungkhar ah pabik a biapit tuk ning cu chim hau lo a si. Cawmkengtu, fimchimtu, lamhruaitu le kilvengtu lawng si loin chungkhar chung minung pakhat cio nih thiltha tuah in teinak an hmuhkhawhnak hnga dirkamhtu le zohchunhmi kan si. Sihmanhsehlaw, pabik tampi nih an innchungkhar an tlautak cang. Chungkhar ah an mithmai a de ti lo. Patling dirhmun dir in an liangcung khinhmi, chungkhar thanchonak lei hruai ding rian phettak in ngakchia bantuk in an nun caah chungkhar foundation a der chin lengmang. Zeitluk in dah kanmah African-American miphun nih hi thil kan ton cu na theih ka theihmi a si. Minak ngakchia zatceo renglo cu nuhmei inn ah khua an sa. Kan ngakchiat lio in atu tiang hi cazin hi tumlei panh naisai cu---a let, a let in kum fatin a karh peng hih! Pa ngeilo fa cu midang nakin a let nga in an si a fak deuh i sualnak an tuah deuh, a let kua in sianginn
chuah an tong deuh, a let kul in thawngtlak deuh an si ti zong hlathlainak tuahmi nih a kan chimh. Tleirawl in nupi pasal an ngei i kum tlin hlan ah fa ngeih deuh dawh zong an si. Hi khuapi nih nikum kum khat chung ah a fa dawt zeizahdah cawnpiak lomi fa kutin a sungh? Voi zeizahdah zantim ah meithal thawng nih kan thaw a kan phih? Sianginn khan ah a thu ding kan mino zeizahdah lamkam ah an tlawng len? Riantuan caan ah rian hmun ah a um dingmi kan mino zeizah nih dah thonginn ah an caan an hman. Kan tefa zeizah hme hi bantuk in kan lohtlauter rih hna lai? Zeizah remruam hme? A si, lamcung ah palik tam deuh kan herh i a ngeitu ding a si lomi kut ah meithal tlawm deuh a phak kan herh. Kan sianginn nih saya tha tam deuh a herh i kan fale nih sianginn in lawi hnu cawnnak (tuition) tam deuh an herh. A si, rian tam deuh kan ser i rian ngeilo kan tlawm deuh a hau. Rian tlaihkhawhnak ding a herhmi thiamnak ding caah rian training programs tam deuh kan herh i phaisa tam deuh kan herh. Asinain, kan fale lamhman in an thancho khawhnak hnga innchungkhar tha kan herh tuk dahaw. Cucaah pabik nih kan tuan hnga kan tuan a hau. A ngaingai tiah cun fa ngeihkhawhnak kan ngeihmi thazaang si loin fale cawmken le zohkhenh ngamhnak kan ngeihmi hi dawh pabik (Father) a kan si tertu a si. Tuchan kan nule nih rian ngan vialte an liang an ikhinh. Fale sianginn thlah-don, rawlchumh-tikhin, innthianh le zeidang inn lei herh vialte an tuah dih bu ah thlahlawh pekmi rian an tuan chih rih. An ba tuk hringhran i bawmtu an herh. Fale zong nih an pale tuammuainak an hlam ve dahaw. Pabik nih nubik kan bawmh i kan tuan hnga kan tuan ahcun kan innchungkhar foundation a thawng lai i kan khua le ram, miphun a thangcho lai. Kum hnih ka si in ka pa ka hmu ti lo i zeitluk in dah pa ngeihlo a har ka theih. Asinain, tuchan pa ngeilo kan mino cheukhat tluk in ka rak har lo. Zeicatiah, keimah le ka far caah an ngeihmi vialte a sian dih i ka nu nih a kan zohkhenhnak ah a bawm zungzaltu pi le pu ka rak ngei. Phaisa tampi rak ngei hmanh hlah sih law scholarship thawng in ramchung sianginn tha bikbik ah ca ka rak cawng. Ka tluk hnga ding nakin voi tampi ka rak tlu nain thawhthannak caan tha ka rak ngei. Tuchun kan fale nih kha bantuk caantha an ngei ti lo. Cucaah anmah nakin ka van tha deuh ka tinak a si. Nuhmei nun zeitlukin dah a har ti cu ka nu ah ka hmuh. Pahnih tuanding amahlawng tuan hrat cu zeitluk har in aa zuam ko hmanh ah a tlamtlinlonak tampi a um. Nu le kuttang lawng um hrat kan ti cu a fapa keimah zong nih tuahlo ding thil thalo tampi ka rak tuah. Ka nu hruaimi kan chungkhar sining ka zoh than tik ah "Ka nunchung ka nupi ka dawt lai i ka fanu pahnih caah bochantlak pasaltha ka si hrim lai" tiah biakamnak ka ngei. Kan fale caah kan tuahkhawhmi thilthabik cu kan dawt kan zohkhenh hna le an nunnak an dirhnak foundation tha kan sipiak hna hi a si ko. Palhnak in a khatmi patlinglo ka si ti theih buin hi bia hi ka chim. Hi hnu zong ah palhnak tamchin ka tuah rih ko lai. Asinain, ka nupi ka fale caah dawtnak lungpi, atu nak in a tha deuh chin lengmangmi si ka duh. Zeitlukhmanh in tlamtlinglo ko hmanh u sihlaw pabik kan si bantuk in that deuh chin ding kan izuam peng a herh. Zeicatiah, kan nak pek ka raan pek, kan rum pek kan sifah pek, kan fim pek kan hruh pek chungkhar hruaitu, rian nganpi khinhmi kan si. Pakhatnak ah kan fale nih an itinhmi a sannak hnga kanmah nih kan itinhmi a saan a herh. Rian tha na tlaih ah cun a tha. College degree na ngeih ahcun a tha chin. Na innchungkhar he khua na sakti mi cu a sunglawi tukmi a si. Asinain, zarh dongh rian dinh ni ah chun nitlak TV hmai ah thu in Sports Center lawng zoh ti hlah. Hi kan zia ruang ah fale tampi nih TV hmai ah an caan tamtuk an hmannak a si. An pa na si bantukin an kut in an thlah sian lomi an video game le an TV remote control, cauk in na thlenpiak hna i an ca zoh na bawmh lengmang hna a hau. Hlan lio bantuk in tanghra awn men a za ti lo i a tlawmbik college degree an ngeih a hau cang. Zeicatiah, rian tha hmuhkhawhnak ding ah ramchung mino he lawng si loin Tuluk, India le vawleicung mino vialte he an icuh a hau cang. TV chung an hmuhmi nih kan fanu khuaruahning a hrawk lo i radio chung hla pawrpok nih kan fapa lungthin chung ah sualnak tuah zei a poi lo tiin a nun a hrawh sualnak hnga lo kan ven hna awk a si. Ri ngei loin khua an ruah i vantong tinhmi an ngeih a hau. Cucaah kanmah pabik nih kan i tinhmi a san hrim a herh. Cuticun kan foundation a thawng lai. Pahnihnak ah toidornak lungthin kan hmuhsak hna ding a si. Zaangfahnak lawng si loin minung pakhat keden in an vawlei cuanhkhawhnak, mi theihthiamnak le toidornak kan hmuhsak hna a herh. Zuamnak in a khatmi kan chan le kan nunphung nih nunnemnak le toidornak langhter a kan sianh lomi ko a lo tawn. Zaangdernak langhtertu thil ah kan ruah tawn caah kan palh sualmi zong pabik kan sinak nawlngeihnak hmang riangmang in ka palh kan ti duh tawn lo i zaangfahnak lungthin ngeilo kan hluan tawn. Asinain, kan fa dawt hna nih cun an hmuhkhawh. Na nupi thate in na chawnh duhlo i a chimmi zeirel loin na um lio caan ah an um sia a rem lo. Hi bantuk in, chungkhar hruaitu si loin bawi kan ttuan lengmang ko rih caah hin kan zalamtlang le sianginn ah kan fale nunzia dawh loin khua an sakmi hi khuaruahhar ding cu kan si lem lo. "Mi pakhat na thlakkhawhnak ruang si loin na tunkhawhnak thawng in mithawng na sinak a lang" tiah kan cawnpiak hna ding a si. Cucu pabik kan rian a si. Kap khatlei ah kan cozah zong nih a ban a samh ve ding a si. Nngakchia bawmhnak vialte tawlreltu kut ah vaivuan loin bawmhmi sin an phakter dih ding a si i chungkhar tha cu ngunkhuai (tax) kawlning zong in a bawmh ding a si. Tahchunhnak ah, chungkhar tlingte in hmunkhat ah khua a sami nih an bill fawi deuh in an pekkhawhnak hnga Earned Income Tax Credit tam deuh a pek i nuva aa thenmi caah dantatnak a pek ding a si. Nau pawimi le nau ngeika nu zohkhenhnak program zong thawnter deuh i nau ngeihnak caah pekmi a khonmi (maternity and paternity leaves) zong karhter deuh ding a si. Nucem le pacem nih nihlawh an sungh lo tikah phaisa kong thinphang loin chungkhar ttha deuh in an zohkhenh khawh lai. Zeitlukhmanh in izuam ko u sih, kan cozah zong nih bawmhnak ban kan samhhnawh ko hmanhsehlaw harnak tampi kan tong thiam rih lai. Hi ruang ah a biapi bikmi nunzia, harsatnak phunzakip lakah lungdong loin ruahchannak ngeih peng ding kan hmuhsak hna awk a si. Thathupa ruahchannak, zeithil paoh a tluang dih than te ko lai tiah hngangam in thut ko khi ka chimduhmi a si lo. Kai zuam paoh ahcun hi harsatnak le thinphannak pin lei ah duhdim-nunnuamhnak nih a ka hngah ko tiin chunglei in lungthawnnak a petu ruahchannak khi a si. Chimnak si loin tuahsernak lawng in kan pekkhawhmi hna laksawng sung a si. Nikhat cu Wiscosin town hall ah biahallehnak ka tuah. Tlangvalno pakhat a dir i college tuition kong asiloah Iraq ral kong tibantuk a ka hal theu lai tiah ka ruahdamh. Nemmam cu! "Na caah nunnak nih zei sullam dah a ngeih? " asiloah "Na caah nunnak sullam zeidah a si?" a ka ti ko. Kai ruahlo tukmi a si caah khua zaza ka hoih i tlawmpal kai ruah hnu ah hitihin ka leh. Ka rak no lio ahcun ka caah nunnak sullam cu "zeitindah ka duhmi ka hmuhkhawh lai, zeilam in dah mi ka teikhawh lai, zeitindah hi vawlei ah nuamte in khua ka sak khawh lai tibantukin mah ca lawng ruahnak a rak si. Asinain, fanu dawt pahnih ka ngeih hnu in aa thleng dih. Ka fanu dawt pahnih hi mirum le sifak tuk in ithleidennak ram ah ka thihtak sual hna lai maw? Miphun thleidannak nih a cheumi ram ah an um sual maw? Nu an si ruang ah pa tluk in akhunh azi (opportunity) an ngeihlonak ding ram ah ka chiata sual hna lai maw? Vawleicung pumpi lungzulh loin amah duh paoh in a cawlcangh ruang ah ramdang vialte nih an huatmi ram ah ka tantak sual hna lai maw? Kanmah nih a khuacaan kan hrawh cikcek ruang ah a him lomi vawlei ka rohtak sual hna lai ti ka phang. Ka nunnak sullam cu hi ka fanu dawt pahnih hi an si ko" ka ti. Kan fale caah thil tha deuh kan tumpiak hna i an hmuhkhawhnak ding ah kan si khawhtawk kan bawmh tung hna lo ahcun kan nunnak nih zeite sullam a ngei lo. Nu le pa nih cun fale caah thiltha deuh ruahchan in kan tuan, kan izuam, thla ka cam. "Thlichia a hrang, ruahpi a sur, sihmanhsehlaw kan inntung dirnak lungpi zeizong thilti khotu kan pa nih hi muihnak cung in niceu tha ah kannih a fale a kan hruai lai zumhnak in kan i ruahchan. "Pathian nih nanmah he nan fale he thluachuahnak in pe hna seh. Kai lawm.
A lettu: Salai Biak Hnin Sang
(Mr.Obama nih US president a rak icuh lio 2008, June 15 Father's Day i Chicago khua Apostolic Church of God ah a rak chimmi bia kha atawifiannak in vun lehmi a si.)Ch. Faiceu Cazual Vol.3.No.125
